Ibaru 1:9 - Wëël Jwøk

⁹ 'Ba ï mëër ki bëëtö mo beer niï män ki raay; kiper manøgø nø, Jwøk na näk Jwøï ïïna jøre ki maar met ec, ni kaala mar nyïïawäätu.»

Ibaru 1:9 Iomraidhean Croise

Pwöc Leec Wïc 8:13

Ki man lwäär Wuuö Jwøk beeye ki man mänö ki raay. Aani na leec wïc, a män ki koorø ka atöör, ki bëët jöör raay ki wel luup.

Aydheea 61:1

Jwïëc Kwäärö Wuuö Jwøk ena bääta, kiper Wuuö Jwøk aana jiere nee luubö mo nyään mo met caana jï jøøa can. Ni jääŋ aani nee jiy moa näk cwïnyge opädhö nee cwïnyge cøma, nee luum pät mar jøøa no omaa ki tøŋ ki jøøa no otwöö nee køba jïge,

Aydheea 61:3

nee jøøa näk cwïnyge opädhö na en yi Dhayan, nee ge ŋada ka aduda mar ajiem na kar mana bëëtge yi bur, ki met ec na kar kïmmö, ki pwøc na kar pänh cwïny. 'Ba ki køør bëënynyö marge geno cwøl ni jenni mo teek moa tøøk Wuuö Jwøki, nee nyeŋŋe jiem ki rege.

Aydheea 61:8

Wuuö Jwøk aköö, «Kiper aani, a na Wuuö Jwøk, a mëër ki ŋøl luup ma adïëri, naa män ki kwal, ni mäna ki gïï mo reyø. 'Ba ki køør adïëri mara, aani jiya ŋada ŋadø, ni tuda ki luubö ki geni mo bëëdö na bäre bäre.

Amøc 5:15

Männu ki gïna raac, ni mëërru ki gïna beer, ni cïpu ŋøl ma kare kar løøk; kanymør Wuuö Jwøk, eni na wïth jammi bëët, yie bänhnhö ki jø paac moa dööŋ.

Dhekaraya 8:17

Kär dee ŋat mo tudö ki luubö mo raac kiper wati, ni ba mëërru ki man kööŋŋu ki luup tööt. Kiper aani, japøge bëët beege jap wø mäna ki ge.» Luummögø caana Wuuö Jwøki.

Kwään Jiy 7:43

Muuce moa cïbe beege caani aciel mo tïïc ka gwel-bïrö mo peek mare beeye rumme ma dïpa ki pïëradäk mar rumi mana cwøl ni cekel, no orømø na kare ki køør rumi mar kar lam na en kur keere; ki kuura aciel mo tïïc ka gwel-bïrö mo peek mare beeye rumme ma pïërabïriiø mar rumi mana cwøl ni cekel. Cäänne moøgø na ariiø yøø yïthge päŋ ki muunni mo pøøth mo ojääbö ki maaw na muuy mar beel.

Luk 4:18

ni «Jwïëc Wuuö Jwøk ena bääta, kiper aana jiere nee luumma nyään na met caana jï jøøa can. Ni jääŋ aani nee pät mar jøøa näk otwöö køba jïge, ki døøn nyeŋ karge jï cööye, ni päda jøøa näk odïïmö,

Jøøn 1:41

Ni cøøe ni kwøŋ coki ma Cayman joot, ni kööe jïgø, «Waani Macaaya ajootwa;» na näk tiere beeye Krictø.

Jøøn 10:17

'Ba tier mëër mar Wuuö ki aani beeye kiper mana jïëa ki man cïba jwïëya, nee cäŋa lwørrø.

Jøøn 20:17

'Ba Jecu aköö jïre, «A kär gäämï, kiper a poot kär ci baŋ Wuuö. 'Ba ci baŋ nyïïmera ni caanï gø jïge, na ‹A cøøa baŋ Wära ni näk Wääu, ni beeye Jwøa ni näk Jwøu.› »

Jøøn 3:34

'Ba eni na jääŋ Jwøki wø køpa luup Jwøk. Kiper Jwøk Jwïëye bäŋ wø cïbe ni ee rømø.

Moa Tïïc Nyïïatwieli 10:38

ki mana ö Jwøki na jør Jecu nyï Nadhareth ki Jwïëc Jwøk na en kur keere, ni mooc gø ki teek, ki kanya cäädhe ni tïïya gïï mo beyø, ni køny jøøa näk oraany anägö bëët. Kiper Jwøk ena buute.

Moa Tïïc Nyïïatwieli 4:26

Nyec piny dëëtge ege thïïŋö ni ö kwääri ni dwätge kanya ciel ni nywääkge dëër Wuuö Jwøk, ki dhaanhnhe na näk ee jierø.›

Moa Tïïc Nyïïatwieli 4:27

Kiper ka adïëri møn, yi paani en, Eerat ki Pøntia Paylat, ki juurre ki jø Icriel, gena dwätö ni nywääkge dëër Dhaanhnhï ma Jecu na en kur keere, na näk iï jierø.

Wëëlö Mana Göör Pøølli Baŋ Jø Röm 12:9

Beerra man mëërru ki mëër mo ree bäŋ atade. Männu ki gïno raac ni magu gïno beer.

Wëëlö Mana Göör Pøølli Baŋ Jø Röm 15:13

'Ba Jwøk ni wø cïp ŋäädhe, cwïnynyu opääŋe ki met ec mo päl ki mëër ki køør mana jïëyu, kiper nee ŋäädhe maru pälle ki køør teek Jwïëc Jwøk na en kur keere.

1 Körin 1:9

'Ba Jwøk dwøre ba dak, ŋata cwøl uuni ki man dwätu ki wääde ma Jecu Krictø na näk Kwääyø.

2 Körin 11:31

'Ba Jwøk na näk Wää Kwäärö ma Jecu, ŋata näk opwøø na bäre bäre, ŋääe ki man näk maa ba caan tööt.

Galeecia 5:22

'Ba nyïëdi mo wø ööi ki ri Jwïëc Jwøk, beege mëër, ki met ec, ki bëët-mëër, ki bäŋ jøømø, ki bäth ec, ki køny, ki ŋääth dhaanhø,

Epeca 1:3

Pwøc en ri Jwøk na näk Wää Kwääyø ma Jecu Krictø, ŋata gwïëth øøni dëër Krictø, ki gwëëthe bëët mo Jwïëc Jwøk mo wø en maal,

Pilipay 2:9

Kiper manøgønø, ena thïïŋ Jwøki ni røøny gø, ni mooc gø ki nyeŋ mo dwøŋŋa eni dï nyeŋ bëët moa näk ocaaø.

Ibaru 2:11

Kiper eni ni wø tïïc jiy ni ena kur keerge, ki jøøa no otïïö ni ena kur keerge yøø, wääge aciel. Ni beeye tiere ni ba laac wïïe ki man cwøl geni ni nyïïmenni,

Ibaru 2:9

'Ba ø neeta Jecu, ŋata tïïc ni thiinhnha eni ki nyïïatwiet maal ki kany mo thiinh kiper nee thøø bele kiper jiy bëët, ki køør met yi Jwøk. 'Ba ennø, ø neeta eni no orøønyø ka ajiem ki wödö kiper thøwa leth na jwøre.

Ibaru 7:26

Kiper teeŋ Kwääy Lam Mo Dwøŋ ma enøgønø, orømø ki can marø, ŋata en kur keere, ni bäŋ ajäla dëëre, ni bäŋ gïn mo jøøŋŋi ree, ni ba en dï jø raay, no orøønyø ni dwøŋŋa eni maalø bäre.

1 Piter 1:3

Pwøc en jï Jwøk, eni na Wää Kwääyø ma Jecu Krictø; kiper beeye ki køør met yie na dwøŋ na cäŋ ø nywøllø ni ø nyärö, ni jït cwïnynyø ki ŋäädhe mo kwøw ki køør duun Jecu Krictø wøk ki yi thøø.

1 Jøøn 1:3

'Ba gïna neenwa na wïnywa, wa køpa gø jïïu thuwø, kiper nou dwätu ki waani na aciel. 'Ba dwätö marwa, wa dwäti ka Wuuö ki Wääde ma Jecu Krictø.

Mana Nyooth 2:15

Ni jïrï da jø møøk thuwø mo ojïëy ki pwöc jø Niköölac.