Ibaru 1:8 - Wëël Jwøk

⁸ 'Ba mar Wäädö, ee caanø, ni «Ï na Jwøk, wälu marï obëëdö këël na bäre bäre; ni ŋøl ma adïëri otïmö ni beeye athøny kwär mar buyï.

Ibaru 1:8 Iomraidhean Croise

2 Camiel 23:3

Jwø Icriel mare anø caane, ni beeye Jwø Icriel na teek na cäänö ki aani ni kööe, ni ‹Ŋato bëëdö na nyeya ni käär jiy ki jöö ma kare, ni jiy kääre ni eni lwäära aani, a na Jwøk,

Aydheea 45:25

Ki ri Wuuö Jwøk nyïïkwaac Icriel bëët di ŋunnö, ni putge eni jiem.»

Aydheea 7:14

Kiper manøgønø, Kwäärö Wuuö Jwøk ki dëëre cïpö jïïu ki nyuudhi; ka adïëri møn, nyakøø mo dëër dïcwøø poot kuue ojïti ki nyilaal ni lwaare ki gø na dïcwøø, ni cak nyeŋ gø ni Imanuwel.

Jeremaya 38:15

Ni kö Jeremaya jï Cëdëkiya, na «?Aŋø, ni näk mo yaa caanø jïrï, ka adïëri møn, a ba 'nägï? Këël a doo cïpö ki pwöc jïrï thuwø, mara ba wïnynyï.»

Odheea 1:7

'Ba aani, yia obäädha ki dhi øt Juuda, ni piema geni ki køør teek mara, a na Wuuö Jwøk, Jwøk marge, ni pïëm mara mano piema ge ki gø paa ka atheerø, wala ko opëëllö, wala leny, wala ko okwëënyi, wala ki jø wø këëdi ki bäät okwëënyi.»

Dhekaraya 13:9

'Ba jiy moø noo dööŋ ki ra adäk yøø, geno kïtha yïth gïï mo leth mo caala maac, nee tïmge ni waany, kaamar man wø leeny warkey ki gwel-bïrö ki maac, ni twønna gø. Kanyøgø nyeŋŋa ocwølge, ni løøa luubö marge; aano kööi, ni ‹Beege jiy 'moa,› 'ba geno kööi, ni ‹Wuuö Jwøk beeye Jwøk marwa.› »

Dhekaraya 9:9

«Wui, Dhayan, iï mïnne døc! Ni kwöŋŋï ki met ec, ni bee ï na Jerucalem! Raŋï, nyeya marï ööa baŋï, ŋat mo mare beeye adïëri, mo käära pïëm man piem jiy ki gø; eni mwöl, ni ena bäät arëën, ni beeye bäät nya arëën mana thiinh.

Milkiya 3:1

Wuuö Jwøk, eni na wïth jammi bëët, aköö, ni «Neennu, aani nyïïatwiel mara ojääŋŋa, ni ö eni ni jiiŋ jöö nyïma; ni ö kwäärö na manynyu ni ö yi øt lam mare ni cwöba rou. 'Ba eni na nyïïatwiel mano käär luumma tuut Jwøki ki jiy oööi, ni beeye ŋata met yïthu ki gø.»

Mathiew 1:23

ni «Nyakøø mo dëër dïcwøø poot kuue ojïti ki nyilaal ma cïïŋŋö; 'ba nyeŋŋe ocak ni Imanuwel», na näk tiere beeye ni «Jwøk ena buutø».

Luk 1:75

nøø bëëdö ni ø ena kur keerø, ni marø beer nyïme ki yïth nïne 'moø bëët.

Jøøn 10:30

Aani ki Wuuö, waana acielø.»

Jøøn 10:33

'Ba aløk jø Juuthi jïre, ni «Paa per tïïc mo beer noo këërwa ïïni kipere, 'ba beeye per ajaany. Kiper ïïna dhaanhø mo nëëna waani, ni tïïyï riï na Jwøk.»

Jøøn 20:28

Ni puti ya Tøma løk jïre, «Wui, bee ï na Kwääya, ni bee ï na Jwøa.»

Wëëlö Mana Göör Pøølli Baŋ Jø Röm 9:5

ni kwäre moa døøŋŋø beege moge. Ni bee ki rege na nywøl Krictø na dhaanhø, eni na Jwøk na en bäät jammi bëët na doo pwøø na bäre bäre. Enøgønø.

1 Körin 15:25

Kiper Krictø obëëdö na nyeya këël mano ö Jwøki noo tïïc nyïïmänne bëët ni bëëdö tiete.

Tiet Ciik 2:37

'Ba ø kär ci buut ŋööm nyïïkwaac Amön moa en deŋ Naam Jabök, ki päänye moge moa en mïëya en bäät kïte, këël kwöra näk ø kär kööm Wuuö Jwøki na näk Jwøø ki man cøø yïthge.

Tiet Ciik 7:14

'Ba uuno gwïëth ni tïmu nou kaala jiy bëët ki gwïëth; ni bäŋ dïcwøø wala dhaagø mo tïmö na bwøc dïïu, ni tïme ni bäŋ thwønh wala maath ma bwøc røk lääc paac mou.

1 Timöthi 3:16

Ajïëø møn, ni gïna näk tiere okwøŋ kan mar lam marø, dwøŋ møn. Kiper øøna jïëy, ni ena nyooth kanya tïme na dhaanhø, ni ŋunni ya Jwïëc Jwøki, ni ena neen nyïïatwiet maalli, ni nyeŋŋe okøbø dï mïëri, ni jïëc nyeŋŋe dï piny, ni kïthi maal ka ajiem.

2 Piter 1:11

'Ba uuno wëëk jöö mo päl man dønynyu yi buya näk bäŋ cuŋŋe mar Kwääyø na näk Pïëmi ma Jecu Krictø.

1 Jøøn 5:20

'Ba ŋääø ni O Jwøk anø öö, ni mooc øøni ka acaara ki man ŋääø ŋata näk adïëri. Ni ø ena ri ŋata näk adïëri ki køør Wääde ma Jecu Krictø. Manøgø beeye Jwøk mana näk adïëri ni näk kwøw mana näk adïëri mo bäŋ cuŋŋe.