Galeecia 6:9 - Wëël Jwøk

⁹ Beerra man ba jøømø ki tïï gïïa beyø. Kiper øøno kää kanyo näk ma kare, ni näk mo bäätø ba wëëgø pädhö.

Galeecia 6:9 Iomraidhean Croise

Wïlöölö 29:7

Ni kööe, ni «Ennø, cäŋ poot dwøŋ, ni paa kare ki man cooŋ dïëk kanya aciel kar kany nø. Maathu geni ki pïï nø, ni cou, ni kïthu geni baŋ luum.»

Pwöc Leec Wïc 11:18

Ŋata raac jammi mo wø joode beeye jammi mo kiera wïïe, 'ba ŋat wø piith gïïa beyø wø joota gïna näk kare.

Luup Dïpööy 11:1

Bëëdï ni iï bäth ki man cïpï, kiper dïcäŋ aciel ï di duunnö.

Jeremaya 45:3

Ïïna köö, ‹Wui, aana ränynyö, kiper Wuuö Jwøk aana cäŋ mooyø ki kïmmö ni meet gø bäät rääm mara; aana ööl ki cooyø, naa bëëdö ni bäŋ jwöm mo jooda.›

Ciik Kiper Dïlämme 26:4

aani køth jääŋŋa jääŋŋö ki kanya näk kare, kiper nee caammi ciekge yi ŋöömmu, ni ö jenni mo wø piith ni nywølge ki nyïëdi.

Jepaniya 3:16

'Ba ï na Jerucalem, dïcäŋöca ocaan jïrï na ennø nø, «Wui, Dhayan, kärï lwäyö! kär bäätï wëëk pädhö.

Milkiya 1:13

Ni kööu, ni ‹Tïïc man duua öölö jaak,› ni ŋøllu gø ki laaw.» Gïnögø caana Wuuö Jwøki, eni na wïth jammi bëët. Ni cäŋ köö, na «?Aŋø, kany wø kännu ki lääy mo lwørru ka teek ceŋ jiy, wala lääy ma ŋööte wala mo tuu, ni cïpu geni no olämme, you caarø ni daa jïëö baŋu?

Mathiew 10:22

Ni ö jiyi bëët ni mänge ki uuni kiper nyeŋŋa. 'Ba ŋato jïëny gïïögø këël aŋuunne, opiem.

Mathiew 24:13

'Ba ŋato jïëny gïïögø këël aŋuunne, opiem.

Mathiew 25:17

Ni poot caala manøgø thuwø, ŋata mooc ki gwel ariiø agädhö ki ge, ni duunne ki gwel ariiø møøk.

Mathiew 9:19

Ni ö Jecu maal ki bääge ni läp køør gø.

Maak 3:3

Ni ö Jecu ni kööe jï ŋata näk cere obäp, ni «Ö nyïm kany.»

Luk 18:1

'Ba kanyøgø, Jecu bääge acäänne ki luubö mo keda leer ni nyootha gø jïge ni ge doo lämö cooth, ni cwïnyge ba jøøm.

Wëëlö Mana Göör Pøølli Baŋ Jø Röm 2:7

Ni eno cïpi ki kwøw mana näk adïëri mo bäŋ cuŋŋe jï jøw wø tïïc gïïa beyø ni cwïnyge ege cïp piny, ni ge caya ajiem, ki wödö, ki kwøw mana näk bäŋ thøø ree.

1 Körin 15:58

Kiper manøgønø, nyïïmera ni nägu omëëya, bëëdu karu nou ba dääŋi, nou tïïya tïï Wuuö cooth, ni ŋäyu ni öölö maru kiper Wuuö ba aay jaak.

2 Körin 4:1

Kiper manøgønø, na tïme ni tïïc man ni tïïcwa en, jootwa ka køør met yi Jwøk, cwïnywa ba wëëkwa pädhö.

2 Körin 4:16

Kiper manøgønø, cwïnywa ba pädhi. Këël na näk dëëtwa moi ni wøk ii oränynyö, yïth cwïnywa wø døøya mo nyärö cooth.

2 Körin 9:6

'Ba tiere beeye en, ŋat wø pïïdhö ni cere ee noogø, ociek jïre thuwø no onoogø. 'Ba ŋat wø pïïdhö ni ee møgø, ociek jïre thuwø no omøgø.

Epeca 3:13

Kiper manøgønø, a kwaya uuni, kär cwïnynyu wëëgu pädhö ki gïr gïï ni leth ni jwøra kiperu en. Kiper ge kännö ka ajiem jïïu.

Tiet Ciik 11:14

eni køth cwiir di jääŋö ki kanya näk kare, ni jääŋ mar dhi køth ki kanya näk kare kiper ŋöömmu, kiper nee beel mou ki nyïïjenni mou mo wø nyïïge nywøp na kwøŋ, ki mo wø nyïïge wel na mädhi nee ciekge jïïu.

2 Thecalönika 3:13

'Ba nyïïmera, käru jøøm ki gïïa beyø ni wø tïïyu.

Ibaru 12:3

Caarru eni na jïëny teeŋ männa män jø raayi ki gø, kiper nou ba ööllu ni räny cwïnynyu.

Ibaru 12:5

?Aŋø, wïthu awïl ki luumma købe jïïu kede köömma wääte? na kööe, ni «Wääda, kär pwöc Wuuö Jwøk neetï keda gïn mo jööt jaak, ni ba räny cwïnyï ki juuk mare.

Ibaru 3:14

Kiper ø dwäti ka Krictø, ni näk gïna kwøŋø ŋääth yøø maa cwïnynyø møn këël cuŋŋe;

Ibaru 3:6

'Ba Krictø Øt Jwøk agwøe ni ena wäädö. 'Ba beeye øøni na øde, ni näk mo ø puta bëëtö ni cwïnynyø yøø maa ki mana jïëø ki gø, ni ø jeemma ŋäädhe marø.

Jeemeth 5:7

Kiper manøgønø, nyïïmera, cïbu cwïnynyu piny, këël mano ö Kwäärö. 'Ba ŋääø, ni ŋat puur wø koora jap wø beyø ni wø ciek yi ŋöömö, ni cwïnye ee cïp piny ki gø, këël mano päth køth dhikøthi ki køth arïïa.

1 Piter 2:15

Kiper beeye mana many Jwøki ni døøyu jøøa bäŋ wïdhi na näk bäŋ gïn mo ŋäcge mo lïŋö ki køør tïïe moa beyø ni wø tïïyu.

1 Piter 3:17

Kiper doo beerra eni ki man jwør gïï mo leth kiper tïïc mo beer ni näk mo beeye mana many Jwøki, ni kaala man jwør gïï mo leth kiper tïïc mo raac.

1 Piter 4:19

Kiper manøgønø, wär jø wø jwør gïï mo leth keda mana many Jwøki, tïïcge gïï mo beyø, ni cïpge jwïëcge cer Jwøk na näk Cwääy na dwøre ba dak.

Mana Nyooth 2:17

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, owëëga cam meena mana näk okanø, ni mooa gø ki kïdi mo tar, mo nyeŋ mo nyään ogöör bääte mo bäŋ ŋat mo ŋäc gø, 'ba beeye ŋato cï jïre keere noo ŋäc gø.»

Mana Nyooth 2:3

Ni ŋääa ni cwïnyï iï maa niï jøøya gïï mo leth kiper nyeŋŋa, ni kärï ööl.

Mana Nyooth 2:7

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, owëëga cam jaath kwøw, ni en yi pwötha beer mar Jwøk.»