Galeecia 6:8 - Wëël Jwøk

⁸ Kiper ŋat wø piith gïï wø many dëëlli, beeye ränynyö noo kaae. 'Ba ŋat wø piith gïï wø many Jwïëc Jwøki, kwøw mana näk adïëri mo bäŋ cuŋŋe na en ri Jwïëc Jwøk okaae.

Galeecia 6:8 Iomraidhean Croise

Jööp 4:8

'Ba mana ŋääa, jø wø bëëdö ni ge puura raay, ki jø wø bëëdö ni ge piitha gïï mo reyø, nyïï gø kacge kaaø.

Pwöc Leec Wïc 11:18

Ŋata raac jammi mo wø joode beeye jammi mo kiera wïïe, 'ba ŋat wø piith gïïa beyø wø joota gïna näk kare.

Pwöc Leec Wïc 22:8

Ŋat wø piith raay, gïï mo leth okaae, ni ö teek mar wëërri mare ni ränynye.

Luup Dïpööy 11:6

Piith köödhi moï ka amöölla, ni ba øc dëërï piny ki man pïïdhï ka abøøya thuwø, kiper kuyï ki man näk mo pïïdhö marï thura kare ka amöölla wala abøøya, wala kwörögø tïmö ni beyø bëët kiperï.

Aydheea 32:20

'Ba këël gïïögø doo tägö, gwïëth oen bäätu, u ni wø piith caammi mou deŋ pïï, ni wø wec dhäk ka arëëni nee cääthge jaak ni ge cämö ki luum.

Jeremaya 12:13

Jiya, geno piidhø ki beel, 'ba gïïo jootge beege koodhi keerge. Dëëtge oöölge døc, 'ba bäŋ gïn mo jootge. 'Ba wïthge olää gïno jootge, ki køør wëër mara, a na Wuuö Jwøk, noo liel kaamar maac bäätge.»

Odheea 10:13

'Ba uuna bëëdö nou piitha gïï mo reyø, ni kayu bäŋ ŋøl luup ma kare, ni cammu nyïëdi mo tööt. Kiper uuna bëëdö nou ŋäätha teek maru keeru, ki jø leny mou na thööth.

Odheea 8:7

Jø Icriel apïïdhö ni tïme kede ge piitha jamø, ni ö gïïa kacge ni tïme kede apwøyaweerø. Beel moa näk cuŋŋö yi pwödhö atïmö na adibøøye, ni bäŋe nyeŋ mo ege joodø. 'Ba këël møøk doo jïtö, jiy mo path puta öö ni thöörge gø.

Mathiew 19:29

'Ba jiy bëët moa näk mïëri moge ege wiiø, wala nyïïmëëkge, wala wëëkge, wala mëëkge, wala nyïïge, wala pwöth moge, kiper nyeŋŋa, geno jïti ki møøk mo thööth døc mo kaala geni, ni ci kwøwi mana näk adïëri mo bäŋ cuŋŋe jïge.

Mathiew 25:46

«Kanyøgø jøøgø geno ci kar ajäla mo bäŋ cuŋŋe, ni ö jøøa marge beer ni cige kar kwøw mana näk adïëri na bäŋ cuŋŋe.»

Luk 18:30

mo ba jïti ki gïï mo thööth yi pinyi en, ki kwøw mana näk adïëri mo bäŋ cuŋŋe yi piny mano ööi.»

Jøøn 4:14

'Ba ŋato wäro mäthi ki pïïo cïba jïre, ba näk riewi këët. 'Ba pïïo cïba jïre otïmö na jøøro mo kwödö yie, mo kännö ki kwøw mana näk adïëri mo bäŋ cuŋŋe.»

Jøøn 4:36

Ŋat wø kää wø jïtö ki jammi, ni cooŋ moa no ociek kiper kwøw mana näk adïëri na bäŋ cuŋŋe, kiper nee dïpïïdhi ki dïkääy tïmge ni yïthge met bëët.

Jøøn 6:27

Kär røgu ööllu kiper cam man wø ränynyi, 'ba tïïu kiper cam mano bëëdö, ni beeye mano këët ri kwøw mana näk adïëri mo bäŋ cuŋŋe, mano cïp Wär Dhaanhe jïïu. Kiper beeye eni na ö Jwøki na näk Wuuö na jïëe ki eni ni kïth ŋïï mare dëër gø.»

Wëëlö Mana Göör Pøølli Baŋ Jø Röm 13:14

'Ba dëëtu wär cïpu jï Kwäärö ma Jecu Krictø, ni ba wëënnu dëël ki jöö man tïïc gïï wø manynye.

Wëëlö Mana Göör Pøølli Baŋ Jø Röm 6:13

Ni käru nou wëëga thäk dëëtu raay ni gena gïï wø tïïc gïï mo reyø. 'Ba cïpu dëëtu jï Jwøk ni uuna jiy mo okäl wøk ki yi thøø, ni cäŋge kwøw. Ni cïpu thäk dëëtu jï Jwøk na gïï wø tïïc gïï mo beyø.

Wëëlö Mana Göör Pøølli Baŋ Jø Röm 6:23

Kiper gïï wø mak cer raay beeye thøø, 'ba muuy mana cïp Jwøki beeye kwøw mana näk adïëri mo bäŋ cuŋŋe ki ri Krictø Jecu na näk Kwääyø.

Wëëlö Mana Göör Pøølli Baŋ Jø Röm 8:11

'Ba ni näk Jwïëc ŋata tïŋ Jecu maal ki yi thøø bëëdö cwïnynyu, ŋata tïŋ Krictø Jecu maal ki yi thøø, dëëtu ni bëën thøø enø ocäŋ wëëk kwøw thuwø ki køør Jwïëye ni bëëdö cwïnynyu enø.

Wëëlö Mana Göör Pøølli Baŋ Jø Röm 8:13

Kiper ni näk mou bëëdö nou tïïya gïï wø cac dëëlli, u thøw. 'Ba ni näk tïïe mo dëël you wëëk thøø ki køør Jwïëc Jwøk, uuno kwøw.

Wëëlö Mana Göör Pøølli Baŋ Jø Röm 8:6

Ki man cïp cwïny køør dëël beeye thøø. 'Ba ki man cïp cwïny køør Jwïëc Jwøk beeye kwøw ki bëët-mëër.

1 Körin 15:42

'Ba duun wøk ki yi thøø poot na enøgø thuwø. Dëël mano koony piny beeye dëël man wø bëën thøø, 'ba otïŋ maal na dëël mo ba bëën thøø këët.

Galeecia 6:7

Kär dëëtu cøøgu. Jwøk ba maar cøøgø. Kiper gïn wø piith dhaanhe, beeye wø cäŋ kayø.

1 Timöthi 1:16

'Ba aana køny, a na näk wïth jø raay, kiper nee Jecu Krictø nee cwïnye na näk ee cïp piny ki kare bäre, nee nyoodhe ki raa, nee tïme na jöö jï jø wø jïëy ni ŋäätha eni kiper kwøw mana näk adïëri mo bäŋ cuŋŋe.

Tayta 3:7

kiper nee ø ŋunni ki met yie, nee ø tïmø ni øøna lwiidhi ri ŋäädhe mar kwøw mana näk adïëri mo bäŋ cuŋŋe.

Jeemeth 3:18

'Ba jø wø many bëët-mëër, köödhi mo wø piithge ki mëër wø kännö ki bëënynyö.

2 Piter 2:12

'Ba geni na caal lääy na bøøre, gïïa näk ocwääö ni wø caath køør gïï wø ŋäcge ki cwïnyge, na nywöli kiper nee maaŋŋi ni nääŋŋi, ge buua gïï mo kucge, 'ba geno ränynyi ki geni ciel kanyo raany geni,

2 Piter 2:19

Ni wø køpge købø jïge, ni «Uuno bëëdö ki wïthu,» 'ba ge ki dëëtge gena laak gïïa reyø. Kiper gïn wø bööt dhaanhø, eni tïmö na laŋ gïnöca.

Juut 1:21

Ni bëënnu mëëc Jwøk, nou koora køny mar Kwääyø ma Jecu Krictø mano cööp ri kwøw mana näk adïëri mo bäŋ cuŋŋe.

Mana Nyooth 22:11

Wec ŋat wø tïïc raay nee bëëde ni tïïya raay, ni ö ŋat wø bëën rääö ni bëëde ni tïïya gø, ni ö ŋat wø beer ni bëëde ni tïïya gïno beer, ni ö ŋat wø en kur keere na mar Jwøk ni bëëde ni ena kur keere na mar Jwøk.»