Galeecia 6:5 - Wëël Jwøk

⁵ Kiper ŋati man nø baanne okääre keere.

Galeecia 6:5 Iomraidhean Croise

Pwöc Leec Wïc 9:12

Ni näk mo wïïï leer, leec wïc marï oduunni jïrï, 'ba ni näk mo ïïna ŋat abuua, rääö marï okäärï keerï.

Jeremaya 17:10

«Beeye aani na Wuuö Jwøk ni wø neen cwïny dhaanhø, ni wø raŋ acaac dhaanhø thuwø, ni ŋati man nø cunna cunnö ki køør uutjïëth bëëtö moe, ki køør tïïe moe ni wø tïïe.»

Jeremaya 32:19

Acaara marï dwøŋ, ni tïïe moï wø tïïyï ka teek mo dwøŋ, ni waŋï iï peerø bäät uutjïëth tïïe mo jiy bëët, ni ŋati man nø wø cunnï cunnö ki køør bëëtö mare ki tïïe moe.

Edhikiel 18:4

Ka adïëri møn, jwïëy mo jiy bëët beege 'moa; jwïëy mo wëëe ki jwïëy mo obwöre beege 'moa ge bëët. Ŋat wø tïïö ki raay bee eni noo thøw.

Mathiew 16:27

Kiper Wär Dhaanhø öö ki nyïïatwiet maal moe ka ajiem wänni. Kanyøgønø, jiy bëët ocunne ki køør gïïa tïïcge.

1 Körin 3:8

Kiper ŋat wø pïïdhö ki ŋat wø jwïëk pïï, ge röömi bëët. Ni ŋati man nø jape ojoode kaawat mana tïïe.

1 Körin 4:5

Kiper manøgønø, käru ŋut piny ni kanya wäŋŋi poodi, ni Kwäärö poot kär öö, ŋato wëëk jammi nëënne, moø no okanø yi muudhö yøø, ni nyooth tiet luup moa en cwïny jiy. 'Ba kanyøgø jiy bëët ojïti ki pwøc mano wëëk Jwøki geni.

Mana Nyooth 2:23

'Ba nyïïe onääa ni thøwge ki thøø mo leth. Ni ö acook Jwøki bëët ni ŋäcge gø ni beeye aani ni wø neen gïï wø en yi cwïny ki wïc. 'Ba ŋati man nø dïïu omooa ki mano rømi ki tïïe moe.

Mana Nyooth 22:12

Ni kö Jecu, «Neenï! Aani, a laara öö, naa käära japo cunna jiy ki ge, ni ŋati man nø cunna ka køør gïna tïïe.