Galeecia 6:2 - Wëël Jwøk

² Beerra man ö ŋati man nø ni køny watge maya ki gïïa peek na kääre, nee ciik Krictø thur kare jïïu na enøgønø.

Galeecia 6:2 Iomraidhean Croise

1 Luup Nyeye 19:12

Køøre Jöap aköö jï coki ma Abicay, «Ni näk mo jø Aram tïmö ni ge teek bääta, a wär kønyï; 'ba ni näk mo jø Amön tïmö ni ge teek bäätï, ï kønya kønyø.

Bwøth Wøk 23:5

Ni näk ma arëën dhaanhø mo män ki ïïni iï joodø no opädhö ni baa ena dïŋääe, kärï aay buute jaak; ka adïëri møn, eni diï kønyø ki tïŋ gø maal.

Aydheea 58:6

«'Ba wödö mana manynya beeye en: Beeye ki man pätu jøøa no otwöö yi bëëtö mo leth, ni kälu tëëra peek wøk bäätge ni wø caal jaath man wø rïï ŋut dhieŋ ri puur. Beeye ki man pätu jiy moa no ocaannø, ni ö japa peek bëët na en bäätge, na caal jaath puur manøgø, ni kälu ge wøk.

Mathiew 8:17

Ni manøgøøni tïïc kaper nee gïna caan nyikuŋ Jwøki ma Aydheea thur kare, na køp, ni «Ŋwiili 'moø alwøre ni käär täwe moø.»

Luk 11:46

Ni kö Jecu, no «Otïmö ni raac jïïu thuwø, u wø caan tiet ciik Jwøk. Kiper beeye u wø kïth tëër bäät jiy mo peek ki man tïëti, ni u ki dëëtu gïïö peek yøø ba maaru gut këël ki lweetu oceele.

Jøøn 13:34

'Ba a wëëga uuni ciik mo nyään, ni mëërru ki røgu, keda mana mëëra ki uuni, kiper nou tïmu nou mëër ki røgu thuwø.

Jøøn 15:12

«Man beeye dwøra, ni mëërru ki røgu keda mana mëëra ki uuni.

Wëëlö Mana Göör Pøølli Baŋ Jø Röm 15:1

'Ba ø ni teek, ø doo käära jøø ni poot jägö yøø, ni ba caarø dëëtø keerø.

Wëëlö Mana Göör Pøølli Baŋ Jø Röm 8:2

Kiper kwøw mana cïp Jwïëc Jwøki ki ri Krictø Jecu, aana päde cer raay ki thøø.

1 Körin 9:21

'Ba ki jï jøøa kuc ciik Jwøk, dëëra atïïa keda aana dhaanhø mo ciik Jwøk kuua. Naa ba kuc ciik Jwøk, 'ba a bëënna ciik Krictø, kiper naa känna kura ki jøøa kuc ciik Jwøk.

Galeecia 6:5

Kiper ŋati man nø baanne okääre keere.

Tiet Ciik 1:12

?Aŋø, olønye jïra keera nidïï nø ki man käära uuni kaamar tëër, ni käära öölö maru ki pïëm maru?

1 Thecalönika 5:14

'Ba wa köömma uuni, nyïïmera, ki man köömmu jøø ni bëëtge ogwäyö yøø, ni cømmu cwïny jøø ni cwïnyge lwäär yøø, ni kønynyu jøøa jägö, ni ba jøømmu ki geni bëët.

Jeemeth 1:25

'Ba ŋat wø raŋ ciik Jwøk na näk kare døøc, na näk beeye jöör pät jiy, ni put bëëtö ri gø ni ena ŋat tïïc man wø tïïc gø, ni ba tïme na ŋat wø wïny luubö jaak ni wø wïïe wïl, teeŋ ŋatøgøøni ogwïëth kiper mana tïïe.

Jeemeth 2:12

Kiper manøgønø, beerra man cäänu ni tïïu ni uuna jiy mo luupge ŋøl piny ka ri luum jöör pät jiy.

Jeemeth 2:8

'Ba ni näk mou tïïya ciik Jwøk møn na caal ciik nyeya keda man en yi wëël Jwøk, «Mëërï ki ŋat mør kaawat man wø mëërï ki dëërï,» nou tïïyu gø na enøgønø, u tïïya gïna beer na doo tïïö.

1 Piter 2:24

'Ba eni ki dëëre raay 'moø akääre ki rïŋ dëëre bäät jaath nee ø ba bëënnø raay, 'ba nee ø bëënnø moa beyø. Ni beeye ŋwiili moe na wëëk dëëtø jöönnö.

2 Piter 2:21

Kiper doo naa beerra eni ki mana ba dege jöör adïëri kwanyø ki man cäŋge døø ŋäthge ni wecge ciik mana en kur keere na näk mar Jwøk na käl baŋge.

2 Piter 3:2

kiper nou bëëdu nou lääŋŋa luup moa køp nyïïkuk Jwøki na en kur keerge ni tägö, ki ciik Kwäärö ma Jecu na näk Pïëmi na wïnynyu baŋ nyïïatwietu.

1 Jøøn 4:21

'Ba man en beeye dwøl mana jootwa baŋe, ni ŋat wø mëër ki Jwøk, doo mëër ki coki thuwø.