Galeecia 6:10 - Wëël Jwøk

¹⁰ Kiper manøgønø, kaawat man bëëdö ni da jöö jïïø en, beerra man tïïø ki gïï mo beyø jï jiy bëët. 'Ba jøøa døø kønyø røk beege nyïïmëëe moa näk jø Jwøk.

Galeecia 6:10 Iomraidhean Croise

Pwöc Leec Wïc 3:27

Kär gïn mo beer mänï ki jøøa no orømø ki man cïbi jïge, kany wø näk mo løny jïrï ki man tïïyï gø.

Luup Dïpööy 3:12

Aani, ajooda ni bäŋ gïn mo beerra eni kiper dhaanhø mo kaala man mïn yie, ki man tïïe ki gïn mo beer yïth nïr kwøw moe.

Luup Dïpööy 9:10

Gïn wäro magï ki cerï ki man tïïyï gø put tïïc ki cwïnyï bäre; kiper bäŋ acaare, wala kwänynyö wala leec wïc ki tïïc mo di tïïö këët kar bëët jwïëc jøøa no othøw noo ciï yie.

Mathiew 10:25

'Ba orømø ki man tïm ŋat mo di pwönynyö ni caala dïpööy mare, ni tïm ŋat tïïci ni caala kwääye. ?Kiper ni näk wää øtø ege cwølø ni Bieldhebap, jø paare okääŋge nidïï ki man cwølge ge thuwø?

Mathiew 12:50

Kiper ŋat wäro tïïc mana many Wära ni en maal, beeye coka ni näk mera.»

Mathiew 25:40

«'Ba odwøk nyeya jïge, na ‹Adïëri møn, a cäänna uuni, ni gïna tïïyu jï dhaanhø aciel mo thiinhnha kare dï moi na nyïïmera ii, gïnögø tïïyu jïra.›

Mathiew 5:43

«Awïnynyu na caani, ni ‹Ï doo mëër ki wadu, ni mänï ki nyïïmännï.›

Maak 3:4

Ni kööe jïge, na «?Agïnaŋø no orømø ki køør ciik Jwøk ki man tïïi ki cäŋ jwömö, beeye ki man tïïc gïn mo beer wala gïn mo raac? ?Beeye ki man piem jwïëy wala 'näk?» 'Ba gena lïŋö.

Luk 6:35

'Ba mëërru ki nyïïmännu ni tïïyu gïï mo beyø jïge, ni wëëgu ge mäyö baŋu, ni bäŋ gïn mo ŋääthu ni duua baŋu. 'Ba uuno jïti ki gïn mo dwøŋ maalø, ni tïmu na wäät Jwøa Dwøŋ ni en Maal. Kiper eni ki dëëre mëëye wø nyuthe jø wø kuc dwøk met ec, ki jø raay.

Jøøn 12:35

Ni kö Jecu jïge, ni «Tar obëëdö dïïu ki kany mo thiinh. Cäädhu kany poode ni tar bëëdö dïïu en, kiper nou ba mac muudhe. 'Ba ŋat wø cäädhi yi muudhö, kun wø ci yie kuue.

Jøøn 9:4

Ø doo tïïya tïïe mo Ŋata jääŋ aani, kany wø poode na waŋcäŋ. Kiper piny otïmö na wäär, kany wø bäŋe ya ŋat mo tïïö.

Moa Tïïc Nyïïatwieli 6:7

'Ba luum Jwøk anyaay. Ni ö bääŋi ni thöönhge døc yi Jerucalem. Ni ö dïlämme møøk mo thööth ni jïëcge luum ŋäädhe manøgø.

2 Körin 2:8

Kiper manøgønø, a kwaya uuni ki man cäŋu mëër maru dwøk kare ki eni.

Galeecia 1:23

'Ba mana wïnyge keere na caan, ni «Ŋata wara gëëmö ki øøni, atïmö ni køpa gïr ŋäädhe mana wara manynye nee raanynye.»

Epeca 2:19

Kiper manøgønø, u ba path këët nou patha wëëlle, 'ba uuna wäät thwöth paac ki jø Jwøk na aciel, nou ena ri tuuŋ Jwøk.

Epeca 3:15

eni na ö nyeŋ tuŋi bëët moa en maal ki moa en piny na caai ree,

Epeca 4:28

Kär dee kuu mo kwädö këët, 'ba beerra man tïïe ki cere ki tïïc ma adïëri, kiper nee lønye jïre ki man cïpe jï jø wø can.

Epeca 5:16

Ni magu rou døc ki man tïïyu gïï mo beyø, kiper nïri ii beege nïne mo raay.

Pilipay 4:10

'Ba yia amïnnö døc ki ri Wuuö, kiper kawaane wïthu acäŋu caarrø cään, ni kønynyu aani. Kiper aana lääŋŋu møn, 'ba atïmö ni bäŋ jöö jïïu.

Köløcia 4:5

Gwøgu rou ni tïm wïthu ni leer dï jøø ni kär jïëy yøø, ni magu rou døc ki man tïïu yi jöö mano jap jïïu jaak.

1 Thecalönika 5:15

Caarru wïthu, nee bäŋe ya ŋat mo dwøk raay jï ŋato caan gïn mo raac dëëre, 'ba cooth manynyu gïn mo beer mo dou tïïö jï wat maya, ki jiy bëët.

1 Thecalönika 5:21

'Ba jammi bëët wär päänynyu, ni magu gïno beer.

Tayta 2:14

ŋata cïp ree kiperø, nee ø wïïl wøk yïth raay bëët, ni tïïc øøni ni ø waany na moe, na jiy mo cwïnyge ege cïp køør tïïe moa beyø.

Tayta 3:8

'Ba luummögø beeye adïëri. Naa manynya ïïni man køpï gïïögø døøc, kiper nee jøøgø no ojïëy ki Jwøk yøø, nee dëëtge makge ki man cïpge cwïnyge køør gïïo beyø na dege tïïö. Kiper gïïögø bee gïï ma wøpe døc, mo jiy kønye kønyø.

Ibaru 13:16

Kär tïï gïïa beyø weyu, ki nywaak gïïa en jïïu. Kiper teeŋ muuce moøgø, Jwøk yie met ki geni.

Ibaru 3:6

'Ba Krictø Øt Jwøk agwøe ni ena wäädö. 'Ba beeye øøni na øde, ni näk mo ø puta bëëtö ni cwïnynyø yøø maa ki mana jïëø ki gø, ni ø jeemma ŋäädhe marø.

Ibaru 6:10

Kiper Jwøk ŋøl mare tiir, ni tïïe mou ba taae, ki mëër mana nyoothu kiper nyeŋŋe kanya tïnynyu jø Jwøk, kaawat man poodu nou tïïya gø enø.

1 Piter 2:5

Ni tïmu nou caala kïte mo kwøw, ni uuno geerø ni uuna øt Jwøk, nou tïmu ni uuna dïlämme moa en kur keerge, nou cïpa cwïnynyu na en køør Jwøk jï Jwøk no olämme mo wø jïëc Jwøki ki køør Jecu Krictø.

1 Piter 4:17

Kiper nïr løøk anø öö, ni tägi ka jø Jwøk. ?'Ba ni näk mo tägi ka øøni, a cuŋ mar jø wø ba leŋ luum Jwøk na nyään na met obëëde nidïï?

1 Jøøn 5:1

Jiy bëët mo wø jïëy ni Jecu beeye Krictø, gena nyïï Jwøk, ni jiy bëët mo wø mëër ki wuuö, ge mëër ki nyey thuwø.

3 Jøøn 1:10

'Ba ni näk maa öö, gïïa reyø ni wø tïïe ni cara nyeŋŋa ki luup mo oballe jaak, ocaana. 'Ba eni kär ŋuudö ki manøgø keere, 'ba eni ki dëëre, ena kweer thuwø ki man pänh nyïïmëëe, ni män jø wø many man pänhge geni thuwø, ni riema ge wøk ya acooŋ Jwøk.

3 Jøøn 1:11

'Ba omëëya, kär tïï raay ŋwaalï, 'ba ŋwaal gïn wø beer. Ŋat wø tïïc gïn mo beer, ena mar Jwøk. 'Ba ŋat wø tïïc raay, Jwøk poot käre joodø.

3 Jøøn 1:3

Kiper yia amïnnö døc kanya pïïc nyïïmëëe møøk na caange bëët adïëri marï, keda man caathï køør adïëri møn enø.