Galeecia 6:1 - Wëël Jwøk

¹ Nyïïmera, noo dee ŋat jootu no obääyö, u ni cwïnynyu en køør Jwøk, wär cou baŋe nou mwöl, ni dwøgu gø kare. 'Ba riï wär gwøgï, niï ba päänynyi thuwø.

Galeecia 6:1 Iomraidhean Croise

2 Camiel 11:2

'Ba dïcäŋ aciel ki kur abøøya, nyeya aö maal ki bäät pëëm mare ni caath tiete yi øtø mare mana en bäät øtø maal; 'ba kanya cäädhe kaace, ena lwïthö piny ni jïte ki dhaagø mo lwøk. 'Ba dhaagø manøgø beeye dhaagø mo kïte mïërö døc.

Edhikiel 34:16

Aani, dïëk moa no orwäänyö manynya manynyø, ni duua moa no okeethø, ni bääa ŋwiili moa en dëëtge, ni tïïa dëët moa jägö ni teek; 'ba moa no olør ki moa dëëtge teek raanynya raanynyø. 'Ba aani, dïëk 'moa käära käärö ki jöö ma kare.

Mathiew 11:29

Kïthu jaadha bäätu, ni wø caal jaath puur man wø rïï ŋut dhieŋ, ni kwänynyu ki køøra, kiper a mwöl ni cwïnya bäŋ atöör. 'Ba uuno jïti ki jwömö kiper gïïa en cwïnynyu.

Mathiew 26:69

'Ba Piter opï piny wøk dï kal. Ni ö nyaan ma ŋat tïïc baŋe, ni kööe, ni «Ïïni thuwø, ï bëëdö ka Jecu nyï Galili.»

Mathiew 26:75

Ni ö Piterri ni par wïïe ki gïna caan Jecu, ni «Dïwääni ni gwienø poot kär köök, riï mooŋï mooŋø ki aani ki kwöre adäk naa kuyï.» Ni ci wøk ni jwöŋe ni keeya yie.

Mathiew 9:13

Cou ni kwanynyu tier gïna caan Jwøki na kööe, na ‹A manynya mëër, ni kaala olämme.› Kiper a ba ööi naa cwøla jøøa beyø, 'ba a öönynya jø raay.»

Wëëlö Mana Göör Pøølli Baŋ Jø Röm 14:1

'Ba ŋat mo ŋäädhe mare thiinh wär pänhnhu, ni paa kiper nou pïëmu ki gïr gïïa caare.

Wëëlö Mana Göör Pøølli Baŋ Jø Röm 15:1

'Ba ø ni teek, ø doo käära jøø ni poot jägö yøø, ni ba caarø dëëtø keerø.

Wëëlö Mana Göör Pøølli Baŋ Jø Röm 8:6

Ki man cïp cwïny køør dëël beeye thøø. 'Ba ki man cïp cwïny køør Jwïëc Jwøk beeye kwøw ki bëët-mëër.

1 Körin 10:12

Kiper manøgønø, ŋat mo ee caarø ni eni cuŋŋa kare wär ree gwøe, kiper ni näk mo ree ba gwøe, kanymør pädhö.

1 Körin 14:37

'Ba ni näk da ŋat mo dëëre ee caarø ni ena nyikuŋ Jwøk, wala jïre da muuy mar Jwïëc Jwøk, beerra man jïëc gïn ni gööra jïïu en, na gïn mo cema Wuue.

1 Körin 2:15

'Ba ŋat mo cwïnye ena køør Jwøk, tiet jammi bëët wø joode joodø, 'ba eni ki dëëre doo bäŋ ŋat mo tiir eni.

1 Körin 3:1

'Ba nyïïmera, kär løny jïra ki man cäänna uuni kede uuna jiy mo cwïnyge ena køør Jwøk, 'ba uuna cäänna ni uuna jiy mo cwïnyge ena køør mo dëël, nou therø dëër Krictø.

1 Körin 4:21

?Agïnaŋø nø ni manynyu? ?Ööa baŋu ka athøra, wala ööa ki mëër naa mwöl?

1 Körin 7:5

Käru kweeyø ki dëëtu. 'Ba kanymør ni näk mou jïëy karuriet ki man mänu dëëtu dïciel kiper nou lämu døc, doo beer. 'Ba noo näk køøre, cäŋu dwätö, kiper nee Ceethan cwïnynyu ba wëëk lämmö ki køør mano ba lønye jïïu ki man mänu dëëtu.

2 Körin 10:1

A na Pøøl ki dëëra, a kwaya uuni ki køør mööl mar Krictø, ki bäth ec mare, ni beeye a ŋat wø døøc dëëra mo mwöl kany wø ena buutu, ni en cerri cwïnya kany wø tøøra.

2 Körin 2:7

Kiper manøgønø, eni dou wëënnö, ni cømmu cwïnye, kiper nee cwïnye ba pädhe no okadhø døc.

2 Körin 2:8

Kiper manøgønø, a kwaya uuni ki man cäŋu mëër maru dwøk kare ki eni.

Galeecia 5:23

ki mööl, ki män røk. Teeŋ gïïögøøni, bäŋ ciik aciel mo kwier ge.

Galeecia 6:18

'Ba u na nyïïmera, met ec mar Kwääyø ma Jecu Krictø obëëdö cwïnynyu. Enøgønø.

1 Thecalönika 4:1

'Ba nyïïmera, mana dööŋ keere nø, wa kwaya uuni ni wa köömma uuni ki ri Kwäärö ma Jecu, nou bëëdu ki bëëtö mana dou bëëdö ki gøøni, ni tïïyu gïïa met yi Jwøki ki ge, kaawat mana kwanynyu gø baŋwa. Ni putu gø tïïc ni cäätha nyïm kaawat man tïïyu gø enøgø.

2 Thecalönika 3:15

'Ba kär nou tïïya gø keda nyimän, 'ba joogu eni kaamar cöögu.

2 Timöthi 2:25

na ŋat wø pwöny jøøa wïthge teek ni eni mwöl, ni kanymør geno wëëk Jwøki løk cwïny, ki man ŋäcge adïëri,

Ibaru 12:13

Ni tïïu ki uutjïëthe mo thïŋŋö kiper tietu, kiper nee ŋat wø kwömi nee waŋ ocwiie ba needunynya, 'ba nee bëënynye.

Ibaru 13:3

Lääŋŋu jøøa no otwöö, kede u ena yi twöc ki geni. Ni lääŋŋu jø wø caanni, keda u di caannø thuwø.

Jeemeth 3:13

?Aŋa dïïu ni wïïe leer ni ŋäc luup? Beerra man ööe ni nyooth tïïe moe ki möölle mana öö ki ra acaara ki køør bëëtö mare na beer.

Jeemeth 3:2

Kiper ø bëët, ø wø bääö ki gïï mo thööth. 'Ba nee da dhaanhø mo ba bääyi ri gïï wø care, ena dhaanhø mo bäŋ gïn mo gwäyi jïre, ni maara lønyø jïre ki man män dëëre bäre ki raay thuwø.

1 Piter 3:15

'Ba wøørru Krictø ki cwïnynyu, ni beeye Kwäärö. 'Ba cooth bëëdu ni dëëtu you jiiø ki man dwøgu luubö jï ŋat wäro pëëny uuni kiper ŋäädhe manø ni en cwïnynyu enø. 'Ba wär dwøgu jïre nou mwöl ni you wøørø.

1 Jøøn 5:16

'Ba ni näk da ŋat mo neena coki no obääyö ni patha bääyö man wø cööp ri thøø, Jwøk opëënynye, ni ö Jwøki ni wëëk eni kwøw, ni beeye teeŋ jøø ni bääyö marge patha bääyö man wø cööp ri thøø enø. Kiper da raay mo wø cööpa ri thøø. Naa ba caan gø ni dhaanhø doo lämö kiper manøgø.