Galeecia 5:22 - Wëël Jwøk

²² 'Ba nyïëdi mo wø ööi ki ri Jwïëc Jwøk, beege mëër, ki met ec, ki bëët-mëër, ki bäŋ jøømø, ki bäth ec, ki køny, ki ŋääth dhaanhø,

Galeecia 5:22 Iomraidhean Croise

Dut Pwøc 1:3

Eni caala jaath mo opiith deŋ naam, ni wø nyïïe ciek kany wø näk ma kare, ni bøøge moe ba när. Teeŋ ŋatøgø, gïï wø tïïe bëët thura karge.

Luup Dïpööy 7:8

Aŋuudi mar luubö beerra eni ni kaala tägö mar luubö. Cïp cwïny piny beerra eni ni kaala atöör.

Jeremaya 33:6

«'Ba yi nyïme, pääny man odwøga kare, ni døø kare ni beer, ni dwøga bëët jiy kare, ni nyoodha bëët mëër ki bëët adïëri jïge ni päl.

Odheea 14:8

?Wui jø Ipariem, agïnaŋø mør këët nø ni poot manynyu baŋ juuga reyø? Kiper beeye aani noo løk pïëc mou, noo gwøk uuni. Aani, a caala jaath mo bëëdö ni mar mo bøøge moe ba øc piny, ni bee aani noo jïtu ree ki nyïëdi.»

Mathiew 12:33

«Jaath mo beer wø nywøla nyïëdi mo beyø, ni jaath mo raac wø nywøla nyïëdi mo reyø. Kiper jaath wø ŋec ka nyïïe.

Luk 13:9

'Ba noo näk mo nywøl ki nyïëdi cwiino ööi, doo beer. 'Ba ni näk mo ba nywøl, oŋødï piny.› »

Jøøn 15:16

Paa uuni na jier aani, 'ba beeye aani na jier uuni, ni kwanya uuni nou cou ni kännu ki nyïëdi, ni tïm nyïëdi mou ni bëëdö. Kiper manøgønø, nee gïn wäro pëënynyu Wuuö ki gø ki nyeŋŋa, nee cïbe jïïu.

Jøøn 15:2

'Ba bäät jenni bëët moa näk 'moa, mo wø ba nywøl ki nyïëdi, wø käla wøk. Ni bäät jenni bëët mo wø nywøl ki nyïëdi, wø goora goorø nee nywølge ki nyïëdi mo thööth.

Jøøn 15:5

Beeye aani na jaath, ni uuna bäät jaath. Ŋat wø bëëdö dëëra, ni bëëda ree beeye wø känni ki nyïëdi mo thööth. Kiper bäŋ gïn mo maaru tïïc ni näk maa tøør.

Wëëlö Mana Göör Pøølli Baŋ Jø Röm 14:17

Kiper buc Jwøk paa per cam ki maath, 'ba beeye bëëtö mo beer, ki bëët-mëër, ki met ec ki ri Jwïëc Jwøk na en kur keere.

Wëëlö Mana Göör Pøølli Baŋ Jø Röm 15:14

'Ba uuni nø, nyïïmera, ŋääa ki cwïnya døøc nou beyø, ni jammi bëët ŋäyu, ni maara lønyø jïïu ki man pwönynyu røgu.

Wëëlö Mana Göör Pøølli Baŋ Jø Röm 15:3

Kiper këël Krictø kär cädö kiper dëëre keere. Kaawat mana göörï, na «Ajøøŋ mar jøøa jøøŋ ïïni apänh bääta.»

Wëëlö Mana Göör Pøølli Baŋ Jø Röm 15:30

Nyïïmera, a kwaya uuni ki nyeŋ Kwääyø ma Jecu Krictø ki køør mëër mar Jwïëc Jwøk ki man lämu ki aani na aciel karubëët, ni kwaayu Jwøk døc kipera,

Wëëlö Mana Göör Pøølli Baŋ Jø Röm 6:22

'Ba kawaane na nø pät uuni ceŋ raay, ni tïmu na laaŋe mo Jwøk, gïna duue jïïu, uuna tïmö nou ena kur keeru na mo Jwøk, ni cuŋŋe beeye kwøw mana näk adïëri mo bäŋ cuŋŋe.

Wëëlö Mana Göör Pøølli Baŋ Jø Röm 7:4

Kaawat manøgø thuwø, nyïïmera, uuna nø thøw ni ciik Jwøk jïre bäŋ teek bäätu këët ki køør dëër Krictø, nou tïmu ni uuna moe, eni na tïŋ maal ki yi thøø, kiper nøø tïïø ki gïï mo beyø jï Jwøk.

Wëëlö Mana Göör Pøølli Baŋ Jø Röm 8:5

Kiper jø wø bëën dëël, cwïnyge ege cïp køør jap wø many dëëlli. 'Ba jø wø bëën Jwïëc Jwøk, cwïnyge ege cïp køør jap wø many Jwïëc Jwøki.

1 Körin 13:13

'Ba kawaane, ŋäädhe, ki ŋäädhe mar nyïm, ki mëër, gïï na adäk ii, bëëdö ni nut. 'Ba mana dwøŋŋa eni dï gïïögø beeye mëër.

Galeecia 5:13

'Ba nyïïmera, uuna cwøl nou bëëdu ni uuno pädö. 'Ba kär nou tïïya pät maru ni beeye jöö man tïïyu mo dëël ki gø. 'Ba ŋati man nø beerra man tïny ŋati man nø ki køør mëër.

Epeca 4:23

Døøyu cwïnynyu mo nyärö,

Epeca 5:9

Kiper nyïëdi mo wø nywøl tarri wø joota ri gïï wø näk adïëri bëët, na beyø ni näkge wøpe.

Pilipay 1:11

nou bëëdu ni cwïnynyu päŋ ki nyïï bëënynyö mo wø ööi ki køør Jecu Krictø, nee Jwøk jiem ni pwøi ki køøru.

Köløcia 1:10

nou bëëdu ki bëëtö mo beer mo rømø jï Wuuö, ni tïïyu gïï wø met yie ki geni keerge, nou kännö ki nyïëdi yïth tïïe moo beyø moo tïïyu bëët, ni meetu mana ŋäyu kiper Jwøk,

2 Thecalönika 3:2

nee wa ba päthwa ceŋ jøøa reyø na näk jø raay. Kiper jiy bëët paa oŋäädhö.

1 Timöthi 3:11

Kaawat manøgø thuwø, mään doo tïmö na jiy mo owøørø, ni ge patha dïwääc nyeŋ, 'ba røkge dege mänö ki raay, ni geno ŋäädhö ki yïth jammi bëët.

1 Timöthi 4:12

Ni bäŋe ŋat jøøŋ ïïni kiper thïnhö marï, 'ba tïmï ni ïïna jöö jï jøøa näk ojïëy ki yïth luup moï, ki bëëtö marï, ki mëër marï, ki ŋäädhe marï, niï ciil ki raay bëët.

1 Piter 1:22

'Ba na tïme ni cwïnynyu you døøc mo tar kiper mana leŋŋu adïëri ni jït cwïnynyu ki mëëc nyïïmëëe ma adïëri, putu bëëtö nou mëër ki røgu ki cwïnynyu bäre.

1 Piter 1:8

'Ba u mëër ki eni, këël na käru gø neenø, ni jïëyu ni ŋääthu eni, këël na ba neennu gø, ni mïn yïthu ki met ec mo päl døc mo ba løny ki par.

1 Piter 5:12

'Ba beeye Cilbana na cöögö mo yaa ŋäädhö ni cïba wëëlli ni ciek na gööra baŋu en cere, naa köömma uuni naa køpa gø jïïu, ni man beeye met yi Jwøk na näk adïëri. Bëëdu nou teek ri gø.