Galeecia 5:16 - Wëël Jwøk

¹⁶ 'Ba a caana gø jïïu, ni caathu køør Jwïëc Jwøk, ni ba jïëyu ki gïï wø cac dëëlli.

Galeecia 5:16 Iomraidhean Croise

Wïlöölö 6:3

Køøre Wuuö Jwøk aköö, ni «Jwïëy 'moa ba doo bëëdö ri dhaanhø na bäre bäre, kiper ena dëël jaak. 'Ba aŋuun cwiiri moe tïmö na dïpa ki pïërariiø.»

Wëëlö Mana Göör Pøølli Baŋ Jø Röm 6:12

Kiper manøgønø, käru nou wëëga raay jïtö ki teek bäät dëëtu ni bëën thøø enø, ki man wëëkge uuni leŋ gïïge na reyø wø nieŋge køørge.

Wëëlö Mana Göör Pøølli Baŋ Jø Röm 8:1

Kiper manøgønø, kawaane bäŋ ajäla bäät jø wø en dëër Krictø Jecu.

1 Körin 7:29

'Ba nyïïmera, tier mana caana beeye ni kanya wäŋŋi kare acäännö døc. Kiper manøgønø, wär jøøgø ni jïge da mään yøø, bëëtge kede jïge bäŋgø.

2 Körin 7:1

'Ba omëëya, kiper mana tïme ni gïïögø buuka jïïø nø, beerra man døøyø dëëtø mo waany ki gïï wø raany dëël ki jwïëy, ni tïïø bëëtö mana en kur keere no othur kare ni ø lwäära Jwøk.

Galeecia 3:17

'Ba tier mana caana beeye en, ni ciik Jwøk na cïp ki køør cwiiri ma dïpe aŋween ki pïëradäk, luumma kwøŋ Jwøki tuut bäŋ wø wiile, ni tïïc gïna buue ni bäŋ tiere.

Galeecia 6:8

Kiper ŋat wø piith gïï wø many dëëlli, beeye ränynyö noo kaae. 'Ba ŋat wø piith gïï wø many Jwïëc Jwøki, kwøw mana näk adïëri mo bäŋ cuŋŋe na en ri Jwïëc Jwøk okaae.

Epeca 2:3

'Ba gïïögø bëët, øøna kwøŋ bëëtö yïthge na bëënnø japa reyø na many cwïnynyø, na caadhø køør gïï wø many dëëlli ki cwïny, ni bëëdø ni øøna jø raay kaamar jøw bëët, ni wëëc Jwøk ena bäätø.

Köløcia 2:11

'Ba beeye eni thuwø, na ö uuni ni jïtu ki daŋ, ni beeye kanya gøønyu mo dëël piny, ni daŋ manøgø paa man wø tïïc ki ceŋ, 'ba beeye daŋ mana näk mar Krictø.

1 Piter 1:14

Bëëdu ni uuno obwöre ma dïlïŋ luup, ni ba tïmu nou caatha køør gïïa reyø na nieŋ cwïnynyu køørge kanya poode ni bäŋ gïn ŋäyu.

1 Piter 1:22

'Ba na tïme ni cwïnynyu you døøc mo tar kiper mana leŋŋu adïëri ni jït cwïnynyu ki mëëc nyïïmëëe ma adïëri, putu bëëtö nou mëër ki røgu ki cwïnynyu bäre.

1 Piter 2:11

U na mëëra ki uuni, a kwaya uuni, kiper mana näk uuna wëëlle nou path yi pinyi en, bëëdu ni karu bäär ki gïïa reyø wø many dëëlli ni wø këëdi ki jwïëyu.

1 Piter 4:6

Ni beeye tiere na køp luumma nyään na met këël jï jøøa näk othøw, kiper manøgønø, këël na ŋøl luumge piny ni gena jiy kaawat man wø ŋøl luup jiy piny, nee ge maar wëënnö ki jöö man kwøwge ki ri jwïëy kaawat man kwøw Jwøki en na jwïëy.