Galeecia 5:13 - Wëël Jwøk

¹³ 'Ba nyïïmera, uuna cwøl nou bëëdu ni uuno pädö. 'Ba kär nou tïïya pät maru ni beeye jöö man tïïyu mo dëël ki gø. 'Ba ŋati man nø beerra man tïny ŋati man nø ki køør mëër.

Galeecia 5:13 Iomraidhean Croise

Aydheea 61:1

Jwïëc Kwäärö Wuuö Jwøk ena bääta, kiper Wuuö Jwøk aana jiere nee luubö mo nyään mo met caana jï jøøa can. Ni jääŋ aani nee jiy moa näk cwïnyge opädhö nee cwïnyge cøma, nee luum pät mar jøøa no omaa ki tøŋ ki jøøa no otwöö nee køba jïge,

Luk 4:18

ni «Jwïëc Wuuö Jwøk ena bääta, kiper aana jiere nee luumma nyään na met caana jï jøøa can. Ni jääŋ aani nee pät mar jøøa näk otwöö køba jïge, ki døøn nyeŋ karge jï cööye, ni päda jøøa näk odïïmö,

Moa Tïïc Nyïïatwieli 20:35

'Ba ki yïth japøgø bëët, a nyuunhnha uuni, ni dhaanhø doo tïïö døc na enøgønø ni køny jøøa can, ni para wïïe ki luupa caan Kwäärö ma Jecu, na kööe, ni ‹Beerra mar ŋat wø cïpi, ni kaala ŋat wø mooc.› »

1 Körin 8:9

'Ba beeye gïn en keere, beerra man gwøgu rou, nee pät maru ba tïme na gïn wø ö jøøa näk ŋäädhe marge poot thiinh ni cwanyge tietge ki gø.

1 Körin 9:19

'Ba këël ni bëëda ni bäŋ dhaanhø mo bëënna, dëëra atïïa na laŋŋø jï jiy bëët, kiper naa känna kura ki jiy mo thööth.

2 Körin 12:15

'Ba yia met døc ki man cïba dëëra bäre kiper jwïëyu. ?Ni näk maa mëër ki uuni døc, mëëyu ki aani doo tïmö ni thiinh?

2 Körin 2:8

Kiper manøgønø, a kwaya uuni ki man cäŋu mëër maru dwøk kare ki eni.

2 Körin 3:17

Kiper Wuuö beeye na Jwïëy. Ba kany wø en Jwïëc Wuuö yie, jiy opädö kanyøca.

2 Körin 4:5

Kiper wa ba køp dëëtwa, 'ba wa køpa gø ni Jecu Krictø beeye Kwäärö, ni waani ki dëëtwa waana laaŋe mou kiper nyeŋ Krictø.

Galeecia 2:4

'Ba luummögø täga baŋ nyïïmëëe moa näk patha adïëri na duny ya acooŋa ki waŋjöö mør mo kuc, ni ge raŋa pät marwa na en ri Krictø Jecu, nee wa cäŋge dwøk yi twöc.

Galeecia 4:22

Kiper ogöörö, ni Eeberam jïre da wääte ariiø. Aciel nywøle ka laŋŋø, na aciel nywøle ka dhaagø mana cøøde.

Galeecia 5:1

'Ba øøna pät Krictø, nee ø bëëdö ni øøno pädö. Kiper manøgønø, cuŋŋu nou teek. Ni ba cäŋu jïëy ki bëët laŋ ni caal twöc.

Galeecia 5:14

Kiper ciik Jwøk ki kare bäre wø thur kare ka ri luubö aciel, ni «Ï doo mëër ki ŋat mør kaawat man wø mëërï ki dëërï.»

Galeecia 5:22

'Ba nyïëdi mo wø ööi ki ri Jwïëc Jwøk, beege mëër, ki met ec, ki bëët-mëër, ki bäŋ jøømø, ki bäth ec, ki køny, ki ŋääth dhaanhø,

Galeecia 6:2

Beerra man ö ŋati man nø ni køny watge maya ki gïïa peek na kääre, nee ciik Krictø thur kare jïïu na enøgønø.

Epeca 5:21

Bëënnu røgu kiper mana lwäärru Krictø.

1 Thecalönika 1:3

Ni wa lääŋŋa tïïc maru nyïm Jwøø na näk Wääø, ni wø tïïyu ki køør ŋäädhe, ni uuno ööl ki køør mëër, nou bëëdö ni dëëtu you maaø ri ŋäädhe mana ŋääthu Kwääyø ma Jecu Krictø.

1 Piter 2:16

Bëëdu ni uuna jiy mo opädö. 'Ba bëëtö maru ni uuno pädö, kär nou døøya gø jöö man tïïu ki raay ki gø. 'Ba bëëdu ni uuna jiy mo tïnynya Jwøk.

2 Piter 2:19

Ni wø køpge købø jïge, ni «Uuno bëëdö ki wïthu,» 'ba ge ki dëëtge gena laak gïïa reyø. Kiper gïn wø bööt dhaanhø, eni tïmö na laŋ gïnöca.

Juut 1:4

Kiper da jø møøk mo odunynyö ki jöö mør ki piny, jøøa näk omiiø cøøn kiper ajäl Jwøk, jøøa ba wøør Jwøk na wiil luum met yi Jwøk marø ni døøcge gø jöö man tïïcge gïï mo patha karge, ni kwierge Kwääyø ma aciel na näk Kwäärö ma Jecu Krictø.