Galeecia 5:11 - Wëël Jwøk

¹¹ 'Ba nyïïmera, aani, onää a poot køpa luum daŋ, doo bäŋ jiy mo gëëmö ki aani. Onää a poot køpa luum daŋ, doo bäŋ jiy mo män ki aani kiper køp luum jaadha no odëëdö.

Galeecia 5:11 Iomraidhean Croise

Aydheea 8:14

'Ba aano tïmö na kar bëëtö mana en kur keere kiperu; 'ba kiper dhi øt Icriel bäre beeye a kïnno cwany tiel noo wëëk ge pädhö, noo tïmö thuwø na akupa ka abïëp kiper jø Jerucalem.

Moa Tïïc Nyïïatwieli 16:3

'Ba Pøøl manynya Timöthi nee cäädhe ki eni na aciel. Ni käl gø ni daŋ gø kiper nyeŋ jø Juuth moa en kwörögø, kiper ŋäcge bëët ni wänni ŋat Gïrïïk.

Moa Tïïc Nyïïatwieli 21:21

'Ba gïrï acaan jïge, ni jø Juuth bëët moa bëëdö dï juurre wø pwönynyï pwönynyö ki man wecge ciik Modhe, ni köömmï geni ni kär nyïïge daŋge, wala ki man gwøkge kööŋŋe moa cääŋŋe.

Moa Tïïc Nyïïatwieli 21:28

ni ge rëëdö, ni «Jø Icriel, kunynyu! Ŋati en beeye nyena pwöny jiy bëët bäät piny bäre ki man taakge luup jø pøø, ki ciik Jwøk, ki Øt Jwøk marø man en, ni käl jø Gïrïïk yie thuwø, ni tïïc kany ni en kur keere na mar Jwøk en ni ba waany.»

1 Körin 1:18

Kiper luum jaadha no odëëdö bëëdö na luum bøøl ki jï jø wø ränynyi, 'ba ki jïïø, ø wø piem, beeye teek Jwøk.

1 Körin 1:23

'Ba waani, wa wø køpa gø ni Krictø anäk bäät jaadha no odëëdö, ni wø ö jø Juuthi ni wø cwanyge tietge ki gø, ni näk luum bøøl ki jï juurre.

1 Körin 15:30

?A waani nø, aŋø ni wø enwa dhøk gïï mo leth cooth en?

Galeecia 2:3

'Ba Tayta na bëëdö buuta, këël na näk ŋat Gïrïïk, kär maa ki teek nee daŋ.

Galeecia 3:1

Wui, u na jø Galeecia ni bäŋ wïdhi en! ?Aŋa na maaŋ wïthu, u na Jecu Krictø anyooth nyïmmu bëët ni eno gur bäät jaadha no odëëdö?

Galeecia 4:29

'Ba keda mana ö ŋata nywöli ki ri mo dëël ni gëëme ki ŋata nywöli ki ri Jwïëc Jwøk, beeye ni jïëø ennø.

Galeecia 6:12

Jøø ni many man nyoothge dëëtge ni marge beer yøø, beege ni many man makge uuni ki teek nou daŋ. Ni tïïcge kaper nee bäŋe luubö mo leth mo caan dëëtge kiper jaadha no odëëdö mar Krictø.

Galeecia 6:17

'Ba køør man nø, kär dee ŋat mo ööl aani këët. Kiper aani, a käära pööc mo Jecu ki dëëra.