Galeecia 5:10 - Wëël Jwøk

¹⁰ 'Ba Wuuö yaa ŋäädhö døc, ni uuno jïëy ki dwøl mara ni bäŋ dwøl mør këët. 'Ba eni ni kier wïthu enø, ajälle ojoode, këël ena ŋa jaak.

Galeecia 5:10 Iomraidhean Croise

Moa Tïïc Nyïïatwieli 15:24

«Awïnywa ni da jø møøk dëëtwa mou ege öölö ni ge kiera wïthu, këël na kärwa geni luummö.

1 Körin 5:5

ŋatøgø wär wëëgu Ceethan, nee dëëre raanynyi, kiper nee jwïëye jïte ki pïëm yi dïcäŋo näk cäŋ Kwäärö ma Jecu.

2 Körin 1:15

'Ba kiper na tïm moøgø bëët ni ŋääa ki cwïnya, aana tïmö naa manynya man ööa baŋu dïkwøŋ, kiper nee yïthu mïnge kwöre ariiø.

2 Körin 10:2

A kwaya uuni, käru nou wëëga aani cäänö ki luubö mo teek ki uuni kanyo ööa baŋu, kaawat man yaa gø cooŋø ki cwïnya en noo caana jï jø wø cäänö kiperwa ni wa tïïya teeŋ gïï wø tïïc jø pinynyi jaak.

2 Körin 10:6

'Ba kanyo nø leŋŋu luup bëët, dëëtwa ewa jiiø ki man jäälwa jø adhala bëët.

2 Körin 13:10

Ni beeye tiere na gööra gïï kany pooda naa tøør buutu en, kiper kanyo ööa naa ba cääna ki teek mara mana wëëk Wuue aani, teega wëëk aani kiper nou tëënnu, ni patha kiper nou raanynya.

2 Körin 2:3

'Ba wëëllöca agööra baŋu kiper nee dïcäŋa daa ö baŋu nee cwïnya ba raany jøøa doo døøc yia mo met, kiper u yaa ŋäädhö døc u bëët, ni met yia beeye met ec maru bëët.

2 Körin 2:6

Kiper teeŋ dhaanhø ma enøgønø, ajäla mana kïth jøøa thööthi bääte, orømø.

2 Körin 5:16

Kiper manøgønø, kawaane bäŋ dhaanhø mo caarwa ni dhaanhø jaak. Këël na kwøŋwa Krictø caar ni dhaanhø jaak, eni ba caarwa na enøgønø këët.

2 Körin 7:16

Aani yia met, kiper u yaa ŋäädhö møn.

2 Körin 8:22

'Ba cöögø, ŋata päärwa kwöre mo thööth, na jootwa ni cwïnye tar ki yïth jammi mo thööth, ajääŋwa ki geni na aciel. 'Ba kawaane cwïnye ee cïp køør tïïögø kiree, kiper u ee ŋäädhø døc.

Galeecia 1:7

'Ba luummögø paa luumma nyään na met. 'Ba da jø møøk mo kiera wïthu, ni ge manynya man wiilge luum Krictø na nyään na met.

Galeecia 2:4

'Ba luummögø täga baŋ nyïïmëëe moa näk patha adïëri na duny ya acooŋa ki waŋjöö mør mo kuc, ni ge raŋa pät marwa na en ri Krictø Jecu, nee wa cäŋge dwøk yi twöc.

Galeecia 2:6

'Ba jøøa wäŋŋi ni døøŋŋø kwörge yøø, a caana gø jïïu, ni jøøgø bäŋ gïn mo ege nyoodhø jïra. Nee kwörge døøŋŋø wala therø bäŋ gïrge ki jïra. Kiper Jwøk luumme aciel kiper jiy bëët.

Galeecia 3:1

Wui, u na jø Galeecia ni bäŋ wïdhi en! ?Aŋa na maaŋ wïthu, u na Jecu Krictø anyooth nyïmmu bëët ni eno gur bäät jaadha no odëëdö?

Galeecia 4:11

Aani, yia athäŋŋö, ni kanymør tïïc mana tïïa dïïu aay jaak.

Galeecia 4:17

Jøøgø ge mwøtha uuni døc, 'ba tier marge patha gïn mo beer. 'Ba ge manynya man køøge u wøk, nou tïmu nou pwøya geni.

Galeecia 4:20

Beer kaa ena buutu kawaane ennø. A doo cäännö ki uuni mëëth. Kiper yia anithay ki maru.

Galeecia 5:12

A doo naa manynya jøø ni kier wïthu yøøgø, mana dege mätge dïnö.

Galeecia 5:7

Uuni, uuna kwøŋ rïïŋu ki ŋwïëy mo beer. ?Aŋø, aŋa na røøth nyïmmu ki man leŋŋu mana näk adïëri?

Galeecia 6:17

'Ba køør man nø, kär dee ŋat mo ööl aani këët. Kiper aani, a käära pööc mo Jecu ki dëëra.

Pilipay 3:15

'Ba ø ni døøŋŋø ii, beege gïïögø na døø lääŋŋö ki cwïnynyø. 'Ba ni näk gïïögø poot ba røm cwïnynyu, onyooth Jwøki jïïu thuwø.

2 Thecalönika 3:4

Kiper Wuuö ewa ŋäädhö døc kiperu, nou tïïya mo wø caanwa jïïu, ni uuno put bëëtö nou tïïya ge.

1 Timöthi 1:20

'Ba jøøgø beege Aymeneea, ki Alekdhander, jøøa cïba jï Ceethan kiper nee ŋäcge møn ni ba doo beer jïge ki man bëëtge ni dhøkge reyø.

Piliman 1:21

'Ba kiper mana ŋäädha ïïni døc ni luumma leŋï leŋø, beeye na göönna baŋï en, ni ŋääa ni manøgø tïïyï tïïö ni kaala cer mana caana jïrï.