Galeecia 4:9 - Wëël Jwøk

⁹ ?'Ba kawaane na tïmu ni Jwøk ŋäyu, ni doo beerra mana daa köö, ni uuna tïmö nou ŋäc Jwøki, uuna dou cäŋ døø baŋ juu moøgø nidïï, na näk jïge bäŋ teek ni bäŋ karge, ni cäŋu tïmö ni uuna laakge en?

Galeecia 4:9 Iomraidhean Croise

1 Nyeye 8:43

beerra man wïnynyï gø kany wø bëëdï yie maalø, ni tïïyï gø ki køør gïïa pëënynye bëët, nee nyeŋŋï ŋäc jø bäät pinynyi bëët, niï lwäärge kaawat man wø tïïc jiyï ma jø Icriel, nee ŋäcge møn ni øtø man ni yaa geerø en, cwøla ri nyeŋŋï.

1 Luup Nyeye 28:9

«'Ba kiperï, ï na wääda ma Cølöman en, bëëdï ni Jwøk ŋäyï, ni beeye Jwøa näk Jwø wäru, ni tïnynyï gø ki cwïnyï bäre ka acaayï bäre; kiper Wuuö Jwøk cwïny jiy nëënö jïre bëët, ni jammi bëët mo wø caar jiyi ŋääe. Ni näk mo iï manynyø, ree nyoodhe nyoodhø jïrï; 'ba ni näk mo iï wiiø, ï kwiere kwierø na bäre bäre.

Dut Pwøc 1:6

kiper Wuuö Jwøk bëët jøøa beyø ŋääe, 'ba bëët jøøa reyø cäätha baŋ ränynyö.

Bwøth Wøk 33:17

'Ba Wuuö Jwøk aköö jï Modhe, ni «Aani gïna cäänï kipere enøgø tïïa tïïö møn; kiper yia met ki ïïni, ni ï yaa nø ŋäc cøøn.»

Pwöc Leec Wïc 2:5

ïïni, tier lwär ki Wuuö Jwøk otïmö ni ŋäyï, ni jootï leec wï Jwøk.

Jeremaya 31:34

Ni këël doo bëëdö ni bäŋ ŋat pwöny watge ki coki, ni ‹Bëëdï niï ŋäya Wuuö Jwøk,› geno bëëdö naa ŋäcge bëët, ni tägi ka jiy moa kwörge therø këël jiy moa kwörge døøŋŋø; kiper gïïa bacge wiia wiiø, ni ba para wïïa ki raay moge këët.» Luummögø caana Wuuö Jwøki.

Abakuk 2:14

Kiper piny opäŋ ki ŋäc ajiem mar Wuuö Jwøk, kaawat man wø ö pïïyi ni wø pääŋ naama dwøŋ.

Mathiew 11:27

«Jammi bëët onø wëëk Wära aani; ni bäŋ ŋat mo ŋäc Wäädö, 'ba beeye Wuuö keere, ni bäŋe dhaanhø mo ŋäc Wuuö, 'ba beeye Wäädö keere, ki ŋat wø met yi Wäädö ki man nyooth eni jïgø.

Luk 5:38

'Ba køøŋ nyïïomøki mo nyään doo kïtha yïth opïc pëëne mo nyärö.

Jøøn 10:14

'Ba aani, aana dïkwääy mana näk adïëri. Ni moa näk 'moa ŋääa, ni ö 'moa ni ŋäcge aani,

Jøøn 10:27

'Ba dïëga dwøra wø wïnyge wïnynyö, ni ŋääa geni, ni ö geni ni cääthge køøra.

Jøøn 17:3

Ni man en beeye kwøw mana näk adïëri mo bäŋ cuŋŋe, niï ŋäcge, ï na näk Jwøk mana näk adïëri keere, ki Jecu Krictø na jääŋŋï.

Wëëlö Mana Göör Pøølli Baŋ Jø Röm 8:29

Kiper jøøa ŋääe cøøn, ee miiø thuwø ki man tïmge ni kïtge caala kït Wääde, kiper nee eni tïme na kaa dï nyïïmëëe mo thööth.

Wëëlö Mana Göör Pøølli Baŋ Jø Röm 8:3

Kiper gïna ba maar lønyø jï ciik Jwøk ki man tïïc gø kiper mana døøyi ya dëëlli mo jääk, atïïc Jwøki kanya jääŋ Wääde kiree, ki dëël mo caala dëër dhaanhø ni da raay en, ni tïme no olämi kiper raay, ni jääl raay ri dëël.

1 Körin 13:12

'Ba kawaane jammi poot nëënö ni jïrri yi räŋi, 'ba kanyo tïme na kanyøca, dëëtø oneetø ni ø neeta nyeŋŋø. 'Ba kawaane a ŋäya mo thiinh keere, 'ba kanyøca oŋääa bäre, keda man ŋäc aani døøc en.

1 Körin 15:34

Cäŋu wïthu caarrø, ni ba bääyu këët. Kiper jø møøk bäŋ gïn mo ŋäcge kiper Jwøk. Ni gïn caana naa lääa wïthu.

1 Körin 8:3

'Ba ni näk dhaanhø mëër ka Jwøk, eni ŋäc Jwøki.

2 Körin 11:20

Kiper u wø laara jïëy ni näk da ŋat mo öö ni døøc u laaŋe, wala eni raanynya japu, wala møta uuni, wala cäädhi ka atöör, wala dhööŋŋa thäŋŋu.

2 Körin 4:6

Kiper beeye Jwøk na köö, ni «Tar rienye yi muudhö,» na wëëk tar rieny yïth cwïnynyø, nee tay ajiem Jwøk ni en täärnyïm Krictø wëëk ŋäc.

Galeecia 3:3

?Aŋø, uuna tïmö ni uuna bøøre? ?U na nø tägö ki mo Jwïëc Jwøk, u doo cäŋ døø baŋ tïïe mo dëël?

Galeecia 4:3

Ni øøni, marø poot na enøgønø thuwø. Kanya poodø ni ø therø, øøna laaŋe jï juu mo bäät piny.

Epeca 1:17

nee Jwøk na näk Jwø Kwääyø ma Jecu Krictø, ni näk Uun ajiem, nee u mooe ki wïdhi mo leer, ki cwïny mou wëëge ka ŋäc eni,

2 Timöthi 2:19

'Ba Jwøk, mare na näk ee këël piny wø cuŋŋa kare, ni ŋïï man ena dëëre na ennø, ni «Wuuö moa näk moe ŋääe,» ni «Jiy bëët mo wø cøør nyeŋ Wuuö, raay wär kwierge.»

Ibaru 7:18

'Ba ki løøk aciel, luubö mana kwøŋ cem adaak, kiper mana näk mo jääk ni bäŋ gïn mo kønye.

2 Piter 2:20

'Ba ni näk wïthge ocäŋ maaŋŋø ni bööt geni, køør mana bøthge ki japa doo raany geni piny, ki køør ŋäc mana ŋäcge Kwääyø na näk Pïëmi ma Jecu Krictø, bëëtö mana en cään atïmö ni raaca eni døc ki bëëtö mana dïkwøŋ.

1 Jøøn 5:20

'Ba ŋääø ni O Jwøk anø öö, ni mooc øøni ka acaara ki man ŋääø ŋata näk adïëri. Ni ø ena ri ŋata näk adïëri ki køør Wääde ma Jecu Krictø. Manøgø beeye Jwøk mana näk adïëri ni näk kwøw mana näk adïëri mo bäŋ cuŋŋe.