Galeecia 4:4 - Wëël Jwøk

⁴ 'Ba na ö kanya wäŋŋi na thur kare, Jwøk Wääde ajääŋŋe, ni nywøli ya dhaage ni ciik Jwøk ena bääte,

Galeecia 4:4 Iomraidhean Croise

Wïlöölö 3:15

Yïthakiyu ki dhaagø omooa ki män, ni mooa yïthakic nyïïï ki nyïïe ki män thuwø. eni wïïï onyadhe, ni ö ïïni ni dwøŋï opuny tiere.»

Wïlöölö 49:10

Athøc kwär ba aay cer Juuda, ni kwär ba aay dhi øde, këël mano ö ŋat ma athøc kwär dööŋ jïre; ni tïm jiyi bëët ni leŋa ciik moe.

Aydheea 48:16

Ööu ni nyänhnhu buuta, ni cegu ïthu ki luubö man. Ki mana täga cøøn, a kär cäänö ki luup mo tietge okanø. Kany wø täk gïrpinynyi, aani, a nutö kaace.» 'Ba ennø, Kwäärö Wuuö Jwøk aana jääŋŋe ni Jwïëy moe ena bääta.

Aydheea 7:14

Kiper manøgønø, Kwäärö Wuuö Jwøk ki dëëre cïpö jïïu ki nyuudhi; ka adïëri møn, nyakøø mo dëër dïcwøø poot kuue ojïti ki nyilaal ni lwaare ki gø na dïcwøø, ni cak nyeŋ gø ni Imanuwel.

Jeremaya 31:22

?Wui, nyaara ma Icriel, ï ni cwïnyï ogaa wøk en, a këël kany mo nyïëdi nø noo bëëdï niï wïdö jaak? Kiper Wuuö Jwøk tïïö ki gïn mo nyään bäät piny, ni beeye ni dhaagø dïcwøø gwøe gwøø.»

Dhekaraya 6:12

Ni caanï gø jïre ni man bee dwør Wuuö Jwøk, eni na wïth jammi bëët, ena köö, ni ‹Man bee dhaanhø mo nyeŋŋe cwøl ni Lwinh Jaath; eno løth kaamar lwinh jaath kanya en yie, ni geer øtø mar Wuuö Jwøk.

Milkiya 3:1

Wuuö Jwøk, eni na wïth jammi bëët, aköö, ni «Neennu, aani nyïïatwiel mara ojääŋŋa, ni ö eni ni jiiŋ jöö nyïma; ni ö kwäärö na manynyu ni ö yi øt lam mare ni cwöba rou. 'Ba eni na nyïïatwiel mano käär luumma tuut Jwøki ki jiy oööi, ni beeye ŋata met yïthu ki gø.»

Kwään Jiy 28:22

Køøre nø, nywø ateea aciel thuwø dou cïbö no olämi mar wëën raay, nee tïme no okïdi kiperu.

Mathiew 1:23

ni «Nyakøø mo dëër dïcwøø poot kuue ojïti ki nyilaal ma cïïŋŋö; 'ba nyeŋŋe ocak ni Imanuwel», na näk tiere beeye ni «Jwøk ena buutø».

Mathiew 3:15

'Ba adwøk Jecu jïre, ni «Wec manøgø kawaane. Kiper beer jïïø ki man wëëgø moa many Jwøki bëët thur karge na ennø nø.» Kanyøgønø, Jøøn ajïëy.

Mathiew 5:17

«Kär nou caara gø naa ööa kuna raanynya ciik Jwøk ki luup moa køp nyïïkuk Jwøki. A ba ööi naa raanynya geni, 'ba a ööi naa wëëga ge thur karge.

Maak 1:15

Ni kööe, ni «Kanya wäŋŋi athur kare, ni buc Jwøk kare acäännö. Løgu cwïnynyu ni jïëyu luumma nyään na met, ni ŋääthu gøøni.»

Luk 1:31

'Ba neenï, yiï ojïti ki dhaanhø ni lwaarï ki gø na cïïŋŋö, 'ba nyeŋŋe ocwølï ni Jecu.

Luk 1:35

Ni kö nyïïatwiel maalli jïgø, ni «Jwïëc Jwøk na en kur keere öö bäätï, ni ö teek Jwøa Dwøŋ ni en Maal ni rïëp ïïni. Kiper manøgønø, nyilaaro lwaarø ki gø, ocwøl ni ena kur keere na O Jwøk.

Luk 2:7

Ni lwaare ki kanynye ma nyilaal ma dïcwøø, ni rïëp gø ka abïïe ni pïël gø yi pöö, kiper na tïme ni bäŋ kany mo rømge yie yi øt wëëlle.

Luk 20:44

?'Ba ni näk eno nø cwøl Deebiti ni Kwäärö na enønø, a dee cäŋ tïmö na wääde nidïï?»

Jøøn 1:14

Ni ö Dwørøgøøni ni tïme na dhaanhø ni bëëde dïïø, ni mëër ka adïëri okääthö jïre. Ni waani ajiem mare ewa neenø, ajiema en jï Wäädö na näk aciel jï Wuuö.

Jøøn 10:36

aŋø, u doo köö, naa jädö, a na cïp Wuue kur keere ni jääŋŋi piny, kiper na kööa, ni ‹Aana O Jwøk›?

Jøøn 3:16

«Kiper Jwøk mëër ki jø piny døc, ni beeye na cïp Wääde ma aciel, kiper nee ŋato wäro jïëy ki eni ni ŋääth gø nee kwøe ki kwøw mana näk adïëri mo bäŋ cuŋŋe, nee ba ränynye.

Jøøn 6:38

A kär öö ki maal ni ööa piny naa tïïa mana manynya ki wïïa keera, 'ba beeye mana many Ŋata jääŋ aani ni wø tïïa.

Jøøn 8:42

Ni kö Jecu jïge, «Onää Jwøk beeye Wääu, u doo mëër ki aani, kiper Jwøk beeye na käla baŋe. A kär öö ki wïïa a keera, 'ba beeye eni na jääŋ aani.

Moa Tïïc Nyïïatwieli 1:7

'Ba ena köö jïge, ni «Paa kare kiperu ki man ŋäyu nïne ki kwöra wäŋŋi na caan Jwøki ki teege.

Wëëlö Mana Göör Pøølli Baŋ Jø Röm 1:3

Ni luummögø na nyään na met enø beeye luubö kiper Wääde na nywöli na dhaanhø ki ri nyïïkwaac Deebit.

Wëëlö Mana Göör Pøølli Baŋ Jø Röm 15:8

Kiper a cäänna uuni ni Krictø atïmö na ŋat tïïc mar jøøa näk odaŋø, ni nyootha gø ni Jwøk luumme adïëri ni wëëga gïïa buuk jï kwäre thur karge,

Wëëlö Mana Göör Pøølli Baŋ Jø Röm 5:6

Kanya poodø ni røgø ba maarø køny, Krictø athuunh jø raay ki kanya wäŋŋi ni kare.

Wëëlö Mana Göör Pøølli Baŋ Jø Röm 8:3

Kiper gïna ba maar lønyø jï ciik Jwøk ki man tïïc gø kiper mana døøyi ya dëëlli mo jääk, atïïc Jwøki kanya jääŋ Wääde kiree, ki dëël mo caala dëër dhaanhø ni da raay en, ni tïme no olämi kiper raay, ni jääl raay ri dëël.

Wëëlö Mana Göör Pøølli Baŋ Jø Röm 9:5

ni kwäre moa døøŋŋø beege moge. Ni bee ki rege na nywøl Krictø na dhaanhø, eni na Jwøk na en bäät jammi bëët na doo pwøø na bäre bäre. Enøgønø.

Epeca 1:10

Ni manøgø ee cooŋø ki cwïnye nee tïïe kanyo ö kanya wäŋŋi noo thur kare, kiper nee jammi bëët dwal dëëre, mo maal ki mo piny.

Köløcia 2:14

ni wec luubö mana doo caanø dëëtø, na dee marø ŋøl piny ki køøre. Luummögøøni alwøre, ni guri bäät jaadha no odëëdö.

1 Timöthi 2:6

ŋata wïïr ree nyeŋ kwöc jiy bëët, ni gïre ocaanø ki kanya näk kare.

1 Timöthi 3:16

Ajïëø møn, ni gïna näk tiere okwøŋ kan mar lam marø, dwøŋ møn. Kiper øøna jïëy, ni ena nyooth kanya tïme na dhaanhø, ni ŋunni ya Jwïëc Jwøki, ni ena neen nyïïatwiet maalli, ni nyeŋŋe okøbø dï mïëri, ni jïëc nyeŋŋe dï piny, ni kïthi maal ka ajiem.

Ibaru 2:14

Kiper manøgønø, na tïme ni jøøgø beege jic dëël ki remø, eni ki dëëre, ena tïmö na dhaanhø kaamarge, kiper nee ŋata en teek thøø cere na näk anägö, nee raanynye ki køør thøwe,

Ibaru 9:10

kiper mana tïme ni ge caana luup caammi, ki maath, ki luup lwøk na nyuudhi ma teeŋi keerge, ni beege jap dëël moa cem gøøc kanya di luumma nyään na wäŋŋi cööp kare.

1 Jøøn 4:14

'Ba mana neenwa ni wø køpwa beeye ni Wuuö Wääde ajääŋŋe na Pïëmi mar piny.

1 Jøøn 4:2

'Ba Jwïëc Jwøk oŋäyu ki køør luummi en: Jwïëy bëët mo wø jïëy ni Jecu Krictø oöö ni da dëël beege mo Jwøk.