Galeecia 4:19 - Wëël Jwøk

¹⁹ U na nyïïa, cwïnya ajïtö ki gïn mo caala mäc lwaar kiperu, këël mano tïm Krictø ni ena cwïnynyu.

Galeecia 4:19 Iomraidhean Croise

Aydheea 53:11

Wuuö Jwøk aköö, ni «Køør gïïa jwøre ki cwïnye, yie omïnni kanyo joot gïno beer. Eni na dhaanhnha na mare beer, ki køør leec wïc mare, jiy mo thööth ojïëe ni marge beer ki køør mana käär raay moge.

Luk 22:44

'Ba kiper mana tïme ni cwïnye opädhö døc, ena lämö døc ki cwïnye bäre. Ni ö kwäk mare ni tïme kaamar remø ni tøøna piny.

Wëëlö Mana Göör Pøølli Baŋ Jø Röm 13:14

'Ba dëëtu wär cïpu jï Kwäärö ma Jecu Krictø, ni ba wëënnu dëël ki jöö man tïïc gïï wø manynye.

Wëëlö Mana Göör Pøølli Baŋ Jø Röm 8:29

Kiper jøøa ŋääe cøøn, ee miiø thuwø ki man tïmge ni kïtge caala kït Wääde, kiper nee eni tïme na kaa dï nyïïmëëe mo thööth.

2 Körin 12:14

'Ba kawaane dëëra yaa nø jek ki dää wäädhi ki man ööa baŋu. 'Ba u ba ööla, kiper a ba many japu, 'ba beeye dëëtu keere ni manynya. Kiper patha obwöre na doo känö ki jammi jï jøøa nywøl geni, 'ba beeye jøøa nyöödö ni wø känö jï nyïïge.

Epeca 4:13

këël mano dwätø karøbëët na aciel ki ri ŋäädhe ki ŋäc man ŋääø O Jwøk, ni døøŋŋø, ni thurø karø kaamar Krictø ni wø näk othur kare,

Epeca 4:24

ni bëëdu ki bëëtö mana nyään, na näk ocwääö ni caala bëët Jwøk, na bëëtö mana beer na näk adïëri na en kur keere.

Pilipay 1:8

Kiper Jwøk beeye ni ŋäc mara, naa lääŋŋa uuni døc ki mëër mana en jï Krictø Jecu.

Pilipay 2:17

'Ba ni näk aano tïmö kaamar ogweea ni køny aani bäät jëëdhi na näk ŋäädhe maru, yia met, ni yïthø met, karøbëët.

Pilipay 2:5

Putu bëëtö ki køør acaara mana jootu baŋ Krictø Jecu.

Köløcia 1:27

'Ba gïna nyooth Jwøki jïge ki met yie, beeye ni moa beyø døc na näk rege da ajiem, na en ri luumma näk tiere okwøŋ kan, awëëk pällö dï juurre; ni luummögø beeye ni Krictø ena cwïnynyu, ŋata näk gïïa beyø na en nyïm ŋääth ka ree.

Köløcia 2:1

'Ba aani, a manynya man ŋäyu gø, ki man näk maa lääŋŋa u døc ki cwïnya bäre, ki jøø ni en Leeyödicia yøø, ki jø møga bëët moa näk a poot kärge joodø.

Köløcia 3:10

ni tïmu ni uuna jiy mo nyärö, ni wø kïtu caal kït ŋata cwääc uuni, nou døøc mo nyärö ki køør man ŋäyu eni.

Köløcia 4:12

'Ba uuna määth Epapara ŋata öö ki baŋu, na näk laŋ Krictø Jecu. Eni lääŋŋa uuni cooth ki cwïnye bäre yïth laam moe, nou cuŋŋu ni uuno thur karu, ni moa many Jwøki bëët you kwanyø na adïëri.

1 Thecalönika 2:7

këël na mïëre jïwa ki man caanwa gø, ni «Tïïyu gïn kiper mana näk waana nyïïatwiet Krictø.» 'Ba waana bëëdö ni wa mwöl dïïu, keda waŋø mo neeta nyïïkwaaye.

1 Timöthi 1:2

A göönna baŋï, ï na Timöthi, ï na wääda ma adïëri ki køør ŋäädhe. Met ec ki bäth-ec ki bëët-mëër na en jï Jwøk na näk Wuuö ki Krictø Jecu na näk Kwääyø bëëde bäätï.

Tayta 1:4

A göönna baŋï, ï na Tayta, ï na wääda ma adïëri ki ri ŋäädhe mana nywaaø. Met ec ki bëët-mëër ni en jï Jwøk na näk Wuuö ki Krictø Jecu na näk Pïëmi marø, en bäätï.

Piliman 1:10

A kwaya ïïni kiper wääda ma Onecima, ŋata tïma ni aana wänni yi øt twöc en.

Piliman 1:19

coola coolø jïrï. 'Ba luubö man gööra aani ki cera, a na Pøøl. 'Ba marï na mayï baŋa ba caana nø, këël dëërï kiree.

Ibaru 5:7

'Ba yïth nïne moa bëët Jecu bäät piny, Jecu alämö ni kwac Jwøk, ni jwöŋe ki pï nyeŋ ki dwøl mo päl, ni jwönna ŋata näk løny jïre ki man piem gø nee ba thøøe, ni wïny mare kiper mana leŋ luup mo Jwøk.

Jeemeth 1:18

Ni beeye ki køør mana manynye ki wïïe keere na cwääc øøni ki køør luum adïëri nøø tïmø ni ø caala thwöth beel ri moa cwääe.

1 Jøøn 2:1

Nyïïa, u ni therø, a gööra luubö man baŋu kiper nou ba bääyu. 'Ba ni näk da ŋat mo bääyö, jïïø da ŋat mo ena kurø buut Wuuö, ni beeye Jecu Krictø na beer.

1 Jøøn 2:12

A göönna baŋu, u ni therø, kiper raay mou awec ki køør nyeŋŋe.

1 Jøøn 5:21

U ni therø, bëëdu ni karu bäär ki gïï wø lam jaak.

3 Jøøn 1:4

'Ba bäŋ met ec mo daa joodø mo kaala man këët, kany wø wïnynya gø ni nyïïa caatha køør adïëri.