Galeecia 4:14 - Wëël Jwøk

¹⁴ 'Ba këël kanya bëëda naa tuu dïïu, ni u yaa öölö ki täw mara, u kär jøøm ki aani, wala da gïn mo raac mo you caanø dëëra, 'ba aana pänhnhu kede aana nyïïatwiel maal mar Jwøk, wala kaawat mana dou Krictø Jecu pänhnhö.

Galeecia 4:14 Iomraidhean Croise

2 Camiel 14:17

«'Ba a na dhaanhnhï, aana köö, ni ‹Beerra man ö dwør nyenynya ni cøm cwïnya, kiper leec wïc mar nyeya caala leec wïc mar nyïïatwiel maal mar Wuuö Jwøk, ni løny jïre ki man ŋøl luubö mana beer ki mana raac. 'Ba ennø, ï na nyeya, Wuuö Jwøk, Jwøk marï, bëëde ki ïïni na aciel.› »

2 Camiel 19:27

'Ba eni thuwø, nyeŋŋa anø waae ki ïïni, ï na nyeya. 'Ba ennø, beerra man tïïyï mana beerra eni ki jïrï jaak dëëra; kiper ï na nyeya, leec wïc marï caala leec wïc mar nyïïatwiel maal mar Jwøk.

Jööp 12:5

Jiy moa näk ge ena yi bëëtö mo beer ge ŋeethø bäät dhaanhø mo ena yi bëëtö mo leth, mo cäätha bäät pädhö.

Luup Dïpööy 9:16

Køøre aana köö, ni «Beerra leec wïc ni kaala teek mar dhaanhø.» 'Ba leec wïc mar ŋata can ataak ni luup moe kär leŋø.

Dhekaraya 12:8

'Ba dïcäŋöca, Wuuö Jwøk jø Jerucalem ogwøe, ni ö jøøa jägö dïge ni tïmge ni teek dïcäŋöca kaamar Deebit, ni ö jø dhi øt Deebit ni bwøthge jiy kaamar Jwøk, ni ge caala nyïïatwiel maal mar Wuuö Jwøk mo bwödhö nyïmge.

Milkiya 2:7

«Kiper dïlämi doo naa bëëdö ni ciik Jwøk ŋääe ni ena dhee, ni di jiyi ö baŋe kiper pwöc, kiper bee eni na jääŋ Wuuö Jwøki, eni na wïth jammi bëët.

Mathiew 10:40

«'Ba ŋat wø jïëc uuni, jïëya aani. Ni ŋat wø jïëc aani, jïëya eni na jääŋ aani.

Mathiew 18:5

Ni ŋat wäro pänh nyilaal mo caala man ki nyeŋŋa, eni pänhnha aani.

Mathiew 25:40

«'Ba odwøk nyeya jïge, na ‹Adïëri møn, a cäänna uuni, ni gïna tïïyu jï dhaanhø aciel mo thiinhnha kare dï moi na nyïïmera ii, gïnögø tïïyu jïra.›

Luk 10:16

Ni kö Jecu jï bääge, ni «Ŋato wïny maru, wïnynya mara. Ni ŋato kwier uuni, kwiera aani. 'Ba ŋato kwier aani, kwiera eni na jääŋ aani.»

Jøøn 13:20

Adïëri møn a caana gø jïïu, ni ŋat wäro jïëc ŋato jääŋŋa, jïëya aani; ni ŋato wäro jïëc aani, jïëya eni na jääŋ aani.»

1 Körin 1:28

Ni Jwøk jiera gïïa can dï jap piny, na näk ojar pinynyi, këël jammi moa näk otagø, kiper nee japi ni en pinyi en nee raanynye.

1 Körin 4:10

Waana bøøre kiper nyeŋ Krictø, 'ba uuni, wïthu leer ki kur Krictø. Wa jääk, 'ba u teek. Uuno wøørø, 'ba waano taaø.

2 Körin 5:20

Kiper manøgønø, waana kar dhøk mo Krictø, ni Jwøk jiy wø köömme ka køørwa. Wa kwaaya uuni ki køør Krictø ki man døøu kanya ciel ki Jwøk.

Galeecia 3:26

Kiper uuna wäät Jwøk bëët ki køør mana ŋääthu Krictø Jecu.

Galeecia 3:28

'Ba kawaane bäŋ ŋat Juuth wala ŋat Gïrïïk këët, ni bäŋe laŋŋø wala ŋat mo bëëdö ka wïïe keere, ni bäŋe thwønh wala maath, kiper uuna tïmö ni uuna aciel dëër Krictø Jecu.

Galeecia 4:13

Ŋäyu, ni luumma nyään na met na kwøŋa gø køp jïïu, køba kaper täw na mak aani.

Galeecia 4:15

?Agïnaŋø na tägö ri met ec mana kwøŋu joot? Kiper maru ajooda na adïëri, ni onää løny jïïu kar kaaca, nyeŋŋu dou gööna wøk, ni dou ge mëëk aani.

1 Thecalönika 2:13

Ni beeye wø pwøcwa Jwøk cooth thuwø, kiper kanya wïnynyu luum Jwøk baŋwa, aputu jïëc ni beeye luum Jwøk, ni näk adïëri møn, ni patha luum jiy jaak, ni beeye ni tïïö cwïnynyu, u na jïëy.

1 Thecalönika 4:8

Kiper manøgønø, ŋato taak luummögø, ba taak dhaanhø, 'ba taaga Jwøk, ŋat wø cïp Jwïëye na en kur keere jïïu.

Ibaru 13:2

Kär nou weya man pänhnhu jøw mo path, kiper jø møøk nyïïatwiet maal apänhge na enøgønø ni kucge.