Galeecia 3:21 - Wëël Jwøk

²¹ ?Aŋø, ciik Jwøk nø, atïmö ni män ki gïïa buuk Jwøki? Ba doo løny! Kiper onää da ciik Jwøk mo ocïbö mo maara cïpö ki kwøw, bëënynyö doo ena køør ciik Jwøk.

Galeecia 3:21 Iomraidhean Croise

Luk 20:16

Eni öö ni 'näk jø puur moøgø ni cïp pwöthögø ceŋ jø møøk.» 'Ba na wïnyge gïnögø, gena köö, «Wui, gïnögø kär tägö!»

Wëëlö Mana Göör Pøølli Baŋ Jø Röm 3:31

?Kiper manøgønø, ø weta ciik Jwøk wøk ki køør ŋäädhe man? Ba doo løny. Ø poot gwøga ciik Jwøk.

Wëëlö Mana Göör Pøølli Baŋ Jø Röm 3:4

Ba doo løny. Jootu joodø, ni Jwøk poot bëëdö kare na adïëri këël jiy bëët doo tïmö ni ge ba maar ŋääth, kaawat mana gööri, ni «Kiper manøgønø, luummï na caanï beeye adïëri, ni tïm marï na kare ki køør luummï noo ŋølï.»

Wëëlö Mana Göör Pøølli Baŋ Jø Röm 3:6

'Ba doo løny. ?Onää enøgønø, Jwøk luup piny a dee gø ŋølø nidïï?

Wëëlö Mana Göör Pøølli Baŋ Jø Röm 9:31

'Ba jø Icriel na løp køør bëënynyö man wø göök ri ciik Jwøk, kär løny jïge ki man thöörge ciigøgø.

2 Körin 3:7

?'Ba ni näk Ciik Modhe na näk ogöör bäät opäm kïdi na bwöth baŋ thøø oöö ka ajiem mo kär løny jï jø Icriel ki man neenge täärnyïm Modhe kiper taye, këël na bëët tayøgø ni cäätha piny,

Galeecia 2:17

'Ba ni näk waani ki dëëtwa, waano cwølø ni waana jø raay kany bëëtwa en ni wa manynya gø nee wa jïëc ni marwa beer ki ri Krictø, a Krictø nø, atïmö ni beeye ŋata käl raay? Ba doo løny!

Galeecia 2:19

'Ba ki køør ciik Jwøk beeye na thøøa, ni tïma naa ba en tiet ciik Jwøk, kiper naa kwøa jï Jwøk.

Galeecia 2:21

Naa ba tïïc met yi Jwøk ni bäŋ tiere. 'Ba ni näk ciik Jwøk beeye wø jïëc dhaanhø ni mare beer ki køøre, nyootha gø ni Krictø athuunh jaak.

Galeecia 6:14

'Ba aani kara bäär ki teeŋ atöör manøgø, 'ba beeye luum jaadha no odëëdö mar Kwääyø ma Jecu Krictø keere ni daa tööda kipere, ni beeye na tïïc jap piny keda gïn mo ogur bäät jaadha no odëëdö ki baŋa, ni tïma ni aano thøw jï jap piny.

Ibaru 11:7

Ni beeye ŋäädhe, na ö Noa na leŋ luubö mana caan Jwøki jïre ni tïïc jääy, ni piem jø paare, kanya ö Jwøki na køp gïïa näk poot kär nëënö jïre. Ni beeye gïnögø na jääl piny ki gø, ni tïm Nöa na lwiidhø mar jïëc man wø ööi ki ri ŋäädhe.

Ibaru 7:18

'Ba ki løøk aciel, luubö mana kwøŋ cem adaak, kiper mana näk mo jääk ni bäŋ gïn mo kønye.

Ibaru 7:19

Kiper bäŋ gïn mo otïïc ciik Modhe no othur kare. 'Ba ki løøk maya, ŋäädhe mar yi nyïm mana beerra eni, apïï, ni beeye gïn wø nyiigø buut Jwøk ki køøre.