Galeecia 3:17 - Wëël Jwøk

¹⁷ 'Ba tier mana caana beeye en, ni ciik Jwøk na cïp ki køør cwiiri ma dïpe aŋween ki pïëradäk, luumma kwøŋ Jwøki tuut bäŋ wø wiile, ni tïïc gïna buue ni bäŋ tiere.

Galeecia 3:17 Iomraidhean Croise

Wïlöölö 15:13

Ni kö Jwøki jï Abram, ni «Wär ŋäyï møn ni nyïïkwaayï obëëdö na wëëlle yi ŋöömma näk paa marge, ni tïnyge jøøgø ni gena laaŋe, ni ö nyïïkwaayï ni caari ki cwiiri ma dïpe aŋween.

Wïlöölö 15:18

Dïcäŋöca Wuuö Jwøk atudö ki luubö ka Abram, ni kööe, ni «Ŋöömö man acïba jï nyïïkwaayï, ki mano täge ki naam jø Ijep këël mano këët naama dwøŋ, na näk Upareeti,

Wïlöölö 17:19

'Ba Jwøk aköö, ni «Ka adïëri møn, Ceera na näk cïïï nyöötö ki dhaanhø ma dïcwøø ni jïtï ki wäädï, ni cagï nyeŋŋe ni Aydhak. Ni ö luumma tuuda ni wëëga gø bëëtö yïthakicwa ki eni na bäre bäre, këël nyïïkwaaye mo ööi køøre bëët.

Jööp 40:8

«?Aŋø, ï köö møn ni luup mo wø ŋøla patha adïëri? ?Aŋø, a jällï jällö ni aano bääyö ni keda beerra marï keere?

Aydheea 14:27

Kiper Wuuö Jwøk, eni na wïth jammi bëët, acaara mare anø cïp piny. ?Aŋø, da ŋat mo raanynya acaara manøgø? Eni cere ee nø rwiec. ?Aŋø, da ŋat mo tïïc gø nee cere duue?»

Aydheea 28:18

'Ba luubö mana tuutu ki thøø nou ba gude oraanynyi, ni ö luubö mana tuutu ki kar bëët jwïëc jøøa no othøw, ni ba thur kare; kany wø ö jwïïö man wø räänyö noo kwön bäätu, uuno raanynye.

Kwään Jiy 23:19

Jwøk ba caal dhaanhø ni wø cäänö ki tööt; ni eni ba caal o dhaanhø ni wø laar acaaye wiil. ?Gïna näk ee caanø, a ba dee gø tïïö nidïï? ?Ni gïn mo ee buuö, a ba dee gø tïïö nee thur kare nidïï?

Kwään Jiy 30:8

'Ba ni näk mo män cwøre mänö dïcäŋo wïny gø, eni raanynya kööŋ mar cïïe, wala gïna lam ree ki gø ni wïïe käre caarø, ni tïme ni ba en bäät cïïe këët. Køøre Wuuö Jwøk dhaaŋŋøgø di wëënnö.

Jøøn 1:17

Kiper Ciik Jwøk cïp ka ri Modhe, 'ba met ec ki moa näk adïëri ööi ka køør Jecu Krictø.

Moa Tïïc Nyïïatwieli 7:6

'Ba acaan Jwøki na ennønø jïre, ni ‹Nyïïkwaayï otïmö ni path po jø møøk, ni ö jøøgø ni tïïcge ge na laaŋe ni caange ge ki cwiiri ma dïpe aŋween.›

Wëëlö Mana Göör Pøølli Baŋ Jø Röm 3:25

ŋata kïth Jwøki nyïm no olämi ki køør remme, na doo jïëö ki køør ŋäädhe. Manøgø atïïc kiper nee ŋøl luup mar Jwøk na näk adïëri nyoodhe, kiper na kwøŋ bëëdö ni cwïnye ee cïp piny ni käre raay moa dïkwøŋ kwaan.

Wëëlö Mana Göör Pøølli Baŋ Jø Röm 3:3

?Agïnaŋø nø, këël na tïm jø møøki dïge ni ba maar jïëy, bëëtö marge ni ge ba jïëy, Jwøk ni wø ŋääth dee tïïö ni ba ŋääth?

1 Körin 1:12

'Ba man cääna kipere en beeye ni ŋat mør wø köö, ni «Aana dhaanh Pøøl,» ni kö maya, ni «Aana dhaanh Apøla,» ni kö maya, ni «Aana dhaanh Ciipa,» ni kö maya, ni «Aana dhaanh Krictø.»

1 Körin 1:17

Kiper a kär jääŋ Krictø baŋ lwøk na nyuudhi, 'ba a jääŋŋe kuna køba luumma nyään na met, nee caana ni kära døønnø, kiper nee gïr jaadha no odëëdö mar Krictø nee ba bänhnhe.

1 Körin 10:19

?Agïnaŋø ni caana? ?Kööa no olämme mo wø ŋaal mo wø cïp jï gïï wø lam, a gïrpiny? ?Wala gïn wø lam a gïrpiny?

1 Körin 7:29

'Ba nyïïmera, tier mana caana beeye ni kanya wäŋŋi kare acäännö døc. Kiper manøgønø, wär jøøgø ni jïge da mään yøø, bëëtge kede jïge bäŋgø.

2 Körin 1:20

Kiper gïïa buuk Jwøki bëët wø thura karge ki ri Krictø. Ni beeye ni wø kööø ni «Enøgønø» ki køøre, ni ø jiema Jwøk.

2 Körin 9:6

'Ba tiere beeye en, ŋat wø pïïdhö ni cere ee noogø, ociek jïre thuwø no onoogø. 'Ba ŋat wø pïïdhö ni ee møgø, ociek jïre thuwø no omøgø.

Galeecia 3:15

'Ba nyïïmera, nou cäänna ki luubö mo yaa päärö ki teeŋ gïn wø tïïc jiyi. Ni këël dwør dhaanhø mo othøw, bäŋ ŋat mo wiil gø, wala cäŋe ka meetø, ni näk mo onø caan.

Galeecia 3:21

?Aŋø, ciik Jwøk nø, atïmö ni män ki gïïa buuk Jwøki? Ba doo løny! Kiper onää da ciik Jwøk mo ocïbö mo maara cïpö ki kwøw, bëënynyö doo ena køør ciik Jwøk.

Galeecia 5:16

'Ba a caana gø jïïu, ni caathu køør Jwïëc Jwøk, ni ba jïëyu ki gïï wø cac dëëlli.

Galeecia 5:4

U ni many man jïëc u ni maru beer ki køør ciik Jwøk, uuna ŋul wøk ri Krictø, ni tïmu nou tøør ri met ec.

Epeca 2:12

Ni parru wïthu ki man näk kar kaaca karu bäär ki Krictø, ni uuna jiy mo path ki po jø Icriel, nou tøør ri luupa tuut Jwøki na buuk, ni jïïu bäŋ ŋäädhe kiper yi nyïm, ni jïïu bäŋ Jwøk piny.

Epeca 4:17

Kiper manøgønø, a cäänna uuni ni mara køba ka nyeŋ Wuuö, ni kär nou bëëdö këët kaawat man wø bëët juurre ni wø bäŋ gïn mo ŋäcge.

Köløcia 2:4

'Ba manøgø acaana jïïu kiper nee bäŋe ya ŋat mo maaŋ wïthu ki luup mo keda beyø jaak.

Ibaru 11:13

'Ba jøøi bëët ii, gena thøø yïth ŋäädhe, ni gïna buuk kär ci jïge, 'ba aneenge ni kare bäär ni mïn yïthge ki gø, ni ege jïëö ni gena jiy mo path mo bäŋ poge bäät piny.

Ibaru 7:18

'Ba ki løøk aciel, luubö mana kwøŋ cem adaak, kiper mana näk mo jääk ni bäŋ gïn mo kønye.

1 Piter 1:20

Ni eno miiø kanya poode ni piny poot kär cwääö. 'Ba ena nyooth kiperu ya aŋuun nïne.