Galeecia 3:16 - Wëël Jwøk

¹⁶ 'Ba gïïa buuk, buuka jï Eeberam ki nyikwaare. Ni kär cwøl Wëël Jwøki ni «Nyïïkwaayï» ni kede ge thööth. 'Ba caana aciel keere, ni «Nyikwaarï,» ni beeye Krictø.

Galeecia 3:16 Iomraidhean Croise

Wïlöölö 12:3

Ni jøw wäro gwïëth ïïni, gwïëdha gwïëdhö; ni ŋat wäro cien ïïni, ciena cienø thuwø. 'Ba wïth tuŋi bëët mo bäät piny ogwïëth ki køørï.»

Wïlöölö 12:7

Kanyøgø Wuuö Jwøk ree anyoodhe jï Abram ni kööe, ni «Aani ŋøøpi ii cïba cïbö jï nyïïkwaayï.» Køøre Abram atïïö ki gïn wø cïp olämme bääte jï Wuuö Jwøk na nyooth ree jïgø.

Wïlöölö 15:5

Ni ö Wuuö Jwøki ni käl Abram wøk ki yi øtø ni kööe, ni «Raŋ maal ni kwaanï ceer, ni näk mo løny jïrï ki man kwaanï ge bëët.» Ni kö Wuuö Jwøki jï Abram, ni «Nyïïkwaayï thuwø otïmö ni caala geni.»

Wïlöölö 21:12

'Ba Jwøk aköö jï Eeberam, ni «Kär cwïnyï pädhö kiper nyilaal ki menni na näk laŋŋø marï; gïno caan Ceera jïrï jaak, wär leŋï, kiper Aydhak beeye no cwøl nyeŋ nyïïkwaayï ki køøre.

Wïlöölö 49:10

Athøc kwär ba aay cer Juuda, ni kwär ba aay dhi øde, këël mano ö ŋat ma athøc kwär dööŋ jïre; ni tïm jiyi bëët ni leŋa ciik moe.

Mathiew 1:1

Man beeye tier tuuŋ mar Jecu Krictø na käl ri Deebit na käl ri Eeberam.

Luk 1:55

kaawat mana caan gø jï kwäyø, ni beeye Eeberam ki nyïïkwaaye, këël bäre bäre.»

Moa Tïïc Nyïïatwieli 3:25

'Ba uuni, uuna wäät nyïïkuk Jwøk, ni nägu wäät luumma tuut na wëëk Jwøki kwäyu, na kööe jï Eeberam, ni ‹Jø bäät piny bëët ogwïëth ki ri kunhnhö marï.›

Wëëlö Mana Göör Pøølli Baŋ Jø Röm 12:5

Kaawat manøgønø, këël na thöödhø, øøna dëël aciel ri Krictø, ni ŋati man nø ena thääŋö ri wati maya.

Wëëlö Mana Göör Pøølli Baŋ Jø Röm 4:13

'Ba gïna buuk jï Eeberam ki nyïïkwaaye, ni piny doo cøøa jïge, kär öö ki køør ciik Jwøk, 'ba ööi ka køør bëënynyö man wø en ri ŋäädhe.

Wëëlö Mana Göör Pøølli Baŋ Jø Röm 4:16

Beeye tiere na tïm gïnni en no ogöök ri ŋäädhe, kiper nee buuk tïme ni bëënna met yi Jwøk, nee cööp kare na adïëri jï nyïïkwaac Eeberam bëët, ni paa jï jø wø bëën ciik Jwøk keerge, 'ba këël jø wø nywaak ŋäädhe mar Eeberam, kiper ena kwarø bëët,

Wëëlö Mana Göör Pøølli Baŋ Jø Röm 9:4

Kiper gena jø Icriel, ni beeye geni na tïïc Jwøki na nyïïe. Na ajiem, ki luupa tuut, ki ciik Jwøk na cïp, ki lam, ki gïïa buuk wëëga geni,

1 Körin 12:12

'Ba kaawat man bëët dëëlli na aciel en ni dëëre da thäŋi mo thööth; ni poot na dëël aciel, këël na bëët thäŋi moe ni thööth, Krictø thuwø poot na enøgønø.

1 Körin 12:27

'Ba kawaane, uuna dëër Krictø, ni ŋati man nø ena thääŋö dëër gø.

2 Körin 11:22

?Aŋø, gena jø Ibaru? ?A aani? ?Gena jø Icriel? ?A aani? ?Gena nyïïkwaac Eeberam? ?A aani?

Galeecia 3:19

?Aperŋø nø, ni dee ciik Jwøk? Ciik Jwøk acïp kiper luup moa dhal, këël kanya di nyikwaarø öö, ŋata buuk. 'Ba luummögø caana nyïïatwiet maalli ki dhi nyïjöö.

Galeecia 3:8

'Ba wëël Jwøk, na ŋäc gø cøøn dïkwøŋ ni juurre jïëc Jwøki jïëö ni marge beer ki køør ŋäädhe, luumma nyään na met akwøŋ køp jï Eeberam, ni kööe, ni «Beeye ïïni noo gwïëth wïth juurre bëët ki køørï.»

Epeca 5:32

Gïnögø beeye gïn mo dwøŋ døc mo tiere okwøŋ kan, naa cäänö kaper Krictø ka acooŋ Jwøk.

Köløcia 2:19

ni Wïc käre maa, na näk Krictø, ŋata ö dëëlli bäre ni wø piidhe ki ree no odwätö na aciel ki ri mut ki läär na dwal gø, ni piith ka pïth mana en baŋ Jwøk.

Köløcia 3:11

'Ba ki ri bëëtö manøgø, bäŋ ŋat mo jeeny ni ena ŋat Gïrïïk, wala ŋat Juuth, wala ŋat mo odaŋø, wala ŋat mo kär daŋø, wala jur, wala jøw mo otaaø, wala laŋŋø, wala ŋat mo bëëdö ka wïïe; 'ba Krictø ena wïth jøøgø bëët, ni en cwïnyge bëët.