Galeecia 3:14 - Wëël Jwøk

¹⁴ Ni beeye kiper nee gwïëth mana kwøŋ Eeberam gwïëth ki gø nee tïme ni ena bäät juurre ki ri Krictø Jecu, kiper nee Jwïëc Jwøk mana kwøŋ buuk nee joodø ki ri ŋäädhe.

Galeecia 3:14 Iomraidhean Croise

Wïlöölö 22:18

Ni ö wïth juurre mo bäät piny bëët ni gwïëdhi ki køør nyïïkwaayï, kiper mana leŋï dwøra.› »

Aydheea 32:15

këël kanyo ö Jwïëc Jwøki noo ööe ki maal noo ö bäätø, noo tïm dï paapi na pwödhö mo ŋöömme beer, ni ö pwödhö mo ŋöömme beer ni kadhe ni tïme kaamar lul mo oløth.

Aydheea 41:8

«Wui, ï na dhaanhnha ma Icriel ni bee ï Jeekap na näk yaa jierø, ni bee ï na nyikwaar nyawatwa ma Eeberam,

Aydheea 49:6

Ena köö, ni «Bee gïn mo thiinh jaak kipera ki man tïïa ïïni na dhaanhnha, nee wïth tuŋi mo Jeekap tïŋï maal, ni duuï jø Icriel moa no odööŋ ni kwøw. Aani thuwø ï tïïa tïïö ni ïïna tar mar wïth juurre, nee pïëm mara man wø piema jiy ki gø nee pïïe teegi mo piny bäre.»

Aydheea 52:10

Wuuö Jwøk teek bade na en kur keere di nyoodhø, ni nëënö jï wïth juurre bëët, ni ö jø wø en teegi bëët bäät piny ni raŋge pïëm mare man piem jiy ki gø, eni na Jwøk marø.

Jeremaya 31:33

'Ba luubö mano tuuda ki jø Icriel yïth nïröke beeye en: Aani, ciik 'moa okïtha wïthge, ni gööra geni yïth cwïnyge. Ni bëëda ni aana Jwøk marge, ni bëëtge ni gena jiya.

Jeremaya 32:40

Ni ööa ni tuda ki luubö ki geni mo bëëdö na bäre bäre, ni beeye ni gïn mo beer ba wiia ki man tïïa gø jïge. Ni mooa cwïnyge ki lwär, ni bëëtge ni ge lwäär ki aani cooth, naa ba wecge.

Edhikiel 11:19

Aani ge mooa mooø ki cwïny aciel ni mooa dëëtge ki jwïëy mo nyään; cwïnynyi moge na caal kïte käla wøk dëëtge ni mooa geni ki cwïnynyi mo jööm kaamar rïŋö.

Edhikiel 39:29

Aani täärnyïma ba kana këët ki geni, kiper jwïëya kønynya bäät jø dhi øt Icriel.› Luummögø caana Kwäärö Wuuö Jwøki.»

Dhekaraya 12:10

«Dïcäŋöca, aani, jwïëc met ec ki jwïëc lam kønynya bäät dhi øt Deebit ki bäät jø wø bëëdö Jerucalem. Kanyøgønø geno tïmö ni ge neeta ŋata cwøpge ki tøŋ, ni kïmge kiper gø kaawat man wø kïm dhaanhe bäät nyaare aciel keere mo othøw, ni jwöŋge kiper gø ni yïthge ege keeyø døc kaawat man wø jwöŋ dhaanhe bäät wääde ma kanynye mo othøw.

Luk 11:13

?'Ba ni näk u na näk jø raay muuö ŋäyu ki man cïpu ki muuce mo beyø jï nyïïu, a Wääu ni en maal nø, okääŋe nidïï ki man cïp Jwïëc Jwøk na en kur keere jï jø wø pëëny eni?»

Luk 24:49

'Ba kawaane, a wëëga gïna buuk Wära uuni. 'Ba bëëdu paani, këël mano jïtu ki teek mano ööi ki maal.»

Jøøn 7:39

'Ba luummögøøni caane kaper Jwïëc Jwøk mano ö bäät jøw ojïëy ki eni ni ŋääthge gø. Kiper kar kaaca Jwïëc Jwøk poot kär cïbö, kiper na poot Jecu ni poot kär jïtö ka ajiem.

Moa Tïïc Nyïïatwieli 2:33

'Ba kawaane kiper na tïŋi maal ni wëëgi ajiem bäät cwïï Jwøk, ni wëëgi Jwïëc Jwøk na en kur keere na buuk Wuue jïre, gïn neennu en ni wïnynyu en awëëk ööny bäätwa.

Moa Tïïc Nyïïatwieli 4:12

Kiper bäŋ dhaanhø mør mo doo piem jiy. Kiper bäŋ nyeŋ mør bäät piny bäre mo ocïbö dï jiy mo ø doo piemø ki køøre.»

Moa Tïïc Nyïïatwieli 5:32

'Ba waana lïŋŋe kiper gïïögø, këël Jwïëc Jwøk thuwø na en kur keere na cïp Jwøki jï jø wø leŋ dwøre.»

1 Körin 12:13

Kiper øøna lwøk bëët na nyuudhi ki ri Jwïëy aciel nøø tïmø na dëël aciel, nee jø Juuth wala jø mo patha jø Juuth, ki laaŋe wala jøøa bëëdö ki wïthge. Ni wëëk ø maath bëët ki ri Jwïëy aciel.

2 Körin 1:22

Ni mooc dëëtø ki ŋïï mare, ni kïth Jwïëye cwïnynyø na kuri.

Galeecia 3:16

'Ba gïïa buuk, buuka jï Eeberam ki nyikwaare. Ni kär cwøl Wëël Jwøki ni «Nyïïkwaayï» ni kede ge thööth. 'Ba caana aciel keere, ni «Nyikwaarï,» ni beeye Krictø.

Galeecia 3:2

'Ba wïnynyu mara, nou pëënynya ki gïrpiny aciel keere. ?Jwïëc Jwøk, jootu kaper tïïe moa en ri ciik Jwøk wala jootu kaper mana wïnynyu ni ŋääthu gø?

Galeecia 4:6

'Ba kiper mana näk uuna wääte, Jwøk Jwïëc Wääde ajääŋŋe yïth cwïnynyø, ni wø jwöŋi na «Abba, Awuuö.»

Epeca 2:18

Ni beeye ki køøre na jïtø ki jöö karøbëët man cøø baŋ Wuuö ki ri Jwïëc Jwøk na näk aciel.

Epeca 2:22

Ni beeye eni na ö uuni thuwø ni wø geer u ree, kiper nou tïmu na kar bëëtö mar Jwøk ki køør Jwïëye.

Epeca 3:16

naa lämö nee u wëëk tëënnö ki teek mano ööi ki køør Jwïëye ki yïth cwïnynyu, keda mana päl ajieme,

Epeca 4:30

Kär cwïny Jwïëc Jwøk na en kur keere wëëgu ränynyö, ŋata jootu ŋïï ree kiper cäŋo wïïr kwöri mou yie.

1 Piter 1:22

'Ba na tïme ni cwïnynyu you døøc mo tar kiper mana leŋŋu adïëri ni jït cwïnynyu ki mëëc nyïïmëëe ma adïëri, putu bëëtö nou mëër ki røgu ki cwïnynyu bäre.

1 Piter 3:9

Kär nou dwøga raay jï ŋato tïïc raay dëëtu, wala ajaany jï ŋato jany uuni, 'ba mana dou tïïö, u doo gwïëtha eni. Ni beeye gïnögøøni na cwøl uuni kipere, nou gwïëth.