Galeecia 3:13 - Wëël Jwøk

¹³ 'Ba Krictø acïëni mana doo en bäätø kiper ciik Jwøk, awëënne, kiper mana tïme ni cien kaperø. Kiper ogöörö, na «Acïëni oen bäät jiy bëët mo wø 'näk no oŋaap bäät jaath.»

Galeecia 3:13 Iomraidhean Croise

2 Camiel 17:23

'Ba kanya jooti ya Akithöpëlli ni køør acaara mare kär caadhø, arëën mare ajiiŋŋe ni tïŋŋe ni ci paare na en pääny poge, ni jiiŋ jap paare na karge, ni put ree lïër ni thøøe. Køøre ena kïth yi bwörö mar wänni.

2 Camiel 18:10

'Ba kanya ö dhaanhø aciel na joot Abëcëlöm, acaane jï Jöap ni kööe, ni «Ka adïëri møn, Abëcëlöm ajooda ni lïërö tier jaath kaace.»

2 Camiel 21:3

Kanyøgønø, nyeya ma Deebit jø Gibien aput cwøl ni cääne ki geni ni kööe, na «Agïnaŋø noo tïïa jïïu ennø? ?Agïne noo wïïra kwör ki gø nø, nee tïme ni løny jïïu ki man gwïëthu jic Wuuö Jwøk, ni beege jø Icriel?»

2 Camiel 21:9

Ni ö nyeya ni cïp ge ceŋ jø Gibien, ni ö jø Gibienni ni lïërge geni bäät kïdi nyïm Wuuö Jwøk. Kanyøgønø, jøøgø na abïriiø yøø, gena put thøø na aciel; 'ba geni, ge 'näk ka kany wø täk beek wø cwøl ni gäbci ki kac yie.

2 Nyeye 22:19

ni ‹Kiper mana päth cwïnyï ni dwøgï dëërï piny nyïma kanya wïnynyï luup 'moa mo jääla Jerucalem ki ge ki jø wø bëëdö yie, ni ge tïmö ni gena jøw mo cwïny pädhö ki gïrge ni geno nipäät, ni jeeyï abïïgï ki pänh cwïny, ni jwöŋï nyïma, ka adïëri møn, a na Wuuö Jwøk, oduuru marï awïnynya.

Acther 7:10

Ni putge Amaan lïër bäät jaadha jiiŋŋe kiper Mördekay. Køøre nyeya wëër mare adøø piny.

Acther 9:14

Ni put nyeya cïpö ki dwøl nee tïïc kaawat manøgø. Ni put awaaci gøø piny yi Cuca, ni lïër rïŋ dëët wäät Amaan moa näk apaar.

Jeremaya 44:22

Kiper manøgønø, atïmö ni ba løny jï Wuuö Jwøk këët ki man jïëny gïïa reyø na tïïyu na näk ec raac ki geni døc; ni beeye na räny paaci maru, ni tïme na gïn mo cwïny jiy böö ki gïna tägö dëëre, na gïr acïëni, ni bäŋ dhaanhø mo bëëdö yie kaawat man bëëde dïcäŋi en.

Jeremaya 49:13

A na Wuuö Jwøk, aana kööŋ ŋëëta keera, ni Bödhra, pääny Ëdöm, oränynyi ni tïme na gïn mo cwïny jiy böö ki gïno tägi dëëre, na gïr ajøøŋ, na gïr acïëni, ni ö päänye moe bëët ni nigeruuth na bäre bäre.»

Daniel 9:24

«Cwiiri abïriiø kwöre ma pïërabïriiø akwaan kiper jø pou ki pääny maru na en kur keere, ki man mwön bääyö yïth cwiiri moøgø, ki man thum raayi, ki man tïïc okïdi kiper gïïa bayi, ki man ö bëënynyö mana näk bëëdö na bäre bäre, ki man thur gïna nyooth kare ki luupa køp nyïïkuk Jwøki, ki man ö kar lam na en kur keere na pere leth ni jøri ki maaw.

Daniel 9:26

'Ba kanyo tïme na køør cwiiri abïriiø kwöre ma pïërabïciel ka ariiø, ŋata näk wïïe othïïmmö ki maaw di nääö ni bäŋ gïn mo dööŋ jïre, ni ö jø lenynyi mo kwäärö mør mo ena nyïm ni raanyge pääny ki kar lam na en kur keere. 'Ba aŋuunne öö kaamar jwïëö. Leny obëëdö ni cäätha nyïme jaak këël aŋuunne, ni ränynyö bëëdö no onøŋøl.

Dhekaraya 13:7

Wuuö Jwøk, eni na wïth jammi bëët, aköö, «Wui, opëëllö! Ö maal ni 'nägï dïkwääy mar dïëk 'moa; 'näk eni, eni na kare cään ki aani; 'näk dïkwääy nee dïëk keethge; 'ba aani cera ocäŋa løø bäät obwöre moa therø.»

Mathiew 26:28

Kiper man beeye remma mar luumma tuut ki jiy, nee køny piny kiper jiy mo thööth nee raay wëënni.

Mathiew 27:5

Ni ö Juudaci ni leeŋ gweta näk pïëradäk piny yi Øt Jwøk Mana Dwøŋ, ni aae. Ni cøøe ni lïër dëëre.

Moa Tïïc Nyïïatwieli 5:30

Kiper Jwø kwäyø, Jecu atïŋ maal, ŋata ŋaabu bäät jaath ni 'nägu gø.

Wëëlö Mana Göör Pøølli Baŋ Jø Röm 4:25

ŋata wëëk thøø kiper moa dhalø, ni cäŋi tïŋ maal kiper nøø jïëc ni marø beer.

Wëëlö Mana Göör Pøølli Baŋ Jø Röm 9:3

Doo beer kee aani ki dëëra, aano cienø, ni ŋul aani wøk dëër Krictø kiper nyïïmera, na näk tuuŋwa na jø powa.

2 Körin 5:21

Kiper ŋata kuc raay atïïe na ŋat raay kiperø, kiper nee ø bëënynyø ki beeny Jwøk ki køøre.

Galeecia 3:10

Kiper jiy bëët mo wø ŋääth tïïe moa en ri ciik Jwøk, acïëni ena bäätge. Kiper ogöörö, na «Acïëni oen bäät jiy bëët mo wø ba gwøk jammi bëët moa näk ogöör yi wëël ciik Jwøk, ki man tïïcge ge.»

Galeecia 4:5

kiper nee jøøa en ciik Jwøki bäätge, nee wïïl wøk, nee ø tïïe na wääte.

Epeca 5:2

Ni caathu jöör mëër, kaamar Krictø na mëër ki øøni ni cïp dëëre kiperø na jëëdhi mo ŋwääö ni met no olämi man wø 'näk jï Jwøk.

Tiet Ciik 21:23

rïŋ dëëre kär këët wäär ni poot no olïërö ri jaath, kiper ŋat mo olïërö ri jaath beeye ŋat mo ocien Jwøki. Eni wär put koony dïcäŋöca, kiper nee ŋöömmo cïp Wuuö Jwøki na näk Jwøu jïïu enø, nee ba raanynyu.

Tayta 2:14

ŋata cïp ree kiperø, nee ø wïïl wøk yïth raay bëët, ni tïïc øøni ni ø waany na moe, na jiy mo cwïnyge ege cïp køør tïïe moa beyø.

Ibaru 9:12

Ni eni kär öö ki rem dïëk ki mo røøe, 'ba ena døny yi kanya en kur keere na pere letha eni yie aciel keere ni käära remme kiree, ni wïïl øøni wøk na enønø, këël na bäre bäre.

Ibaru 9:15

Kiper manøgønø, ena nyïjöö mar luumma tuut na nyään, kiper nee olaaw mana näk adïëri na bäŋ cuŋŋe na buuk nee ci jï jøøa cwøl, kiper mana tïme ni da ŋat mo othøw man wø wïïl geni wøk yïth moa dhalge ri luumma kwøŋ tuut na bëënge.

Ibaru 9:26

Kiper onää enøgønø, gïïa leth dee jøøyø cøøn, ki kanya täk pinynyi. 'Ba atïmö ni eni ööi ka yie aciel keere ya aŋuun piny man en, ni ba nwøe këët, kiper nee raay wëënne ki køør dëëre na cïbe;

Ibaru 9:28

Kaawat manøgø thuwø Krictø na cïp yie aciel keere nee raac jiy mo thööth kääre, ocäŋ duuö, ni ba ööi kaper raay nee kääre, 'ba oööi ni piema jø wø koor eni.

1 Piter 2:24

'Ba eni ki dëëre raay 'moø akääre ki rïŋ dëëre bäät jaath nee ø ba bëënnø raay, 'ba nee ø bëënnø moa beyø. Ni beeye ŋwiili moe na wëëk dëëtø jöönnö.

1 Piter 3:18

Kiper Krictø thuwø athøw kiper raay yie aciel na bäre bäre, ŋata beer na thuunh jøøa reyø, kiper nee ø kïth baŋ Jwøk, ki køør mana 'näk dëëre ni cäŋi wëëk kwøw ki ri jwïëy.

1 Jøøn 4:10

'Ba mëër beeye en, ni patha øøni na mëër ki Jwøk, 'ba beeye eni na mëër ki øøni ni jääŋ Wääde nee tïme no olämi kiper raay moø.

Mana Nyooth 1:5

ki baŋ Jecu Krictø, na näk lïŋi mana näk adïëri, ŋata kwøŋ duu wøk ki yi thøø, eni na wïth nyeye mo piny. Ajiem ki rööny en jïre këël na bäre bäre, ŋata mëër ki øøni, na pät øøni ki remme yïth raay moø,

Mana Nyooth 13:8

'Ba eno wøør jø wø bëëdö bäät piny, ni beege jiy bëët moa näk nyeŋge kär göör yi wëël kwøw mar Nyidiel na bëëdö no onää ki kanya poot pinynyi ni kär caa.

Mana Nyooth 5:9

Ni wärge ki duut mo nyään, ni köge, ni «Røma ïïni ki lwør wëëlö ni japï möönne moe. Kiper ïïna 'näk, ni wïïrï kwör jiy ki remmï kiper Jwøk, jøøa käl røk tuŋi bëët, ki dhøgi, ki wïth juurre, ki yïth mïëri bëët.