Galeecia 3:1 - Wëël Jwøk

¹ Wui, u na jø Galeecia ni bäŋ wïdhi en! ?Aŋa na maaŋ wïthu, u na Jecu Krictø anyooth nyïmmu bëët ni eno gur bäät jaadha no odëëdö?

Galeecia 3:1 Iomraidhean Croise

Mathiew 24:24

Kiper Kricte mo patha adïëri ki nyïïkuk Jwøk mo patha adïëri, rege othïïŋge ni tïïge ki ŋïïce mo døøŋŋø ki gïï mo rëëma ec, nee wïth jiy maaŋge; këël wïth jøøa näk ojierø maaŋge maaŋŋø thuwø ni näk mo løny jïge.

Mathiew 7:26

'Ba jiy bëët mo wø wïny luupa ii ni ba tïïcge geni, ocaal ŋat mo wïïe bäŋ acaara, mo øde ee geer ya akwöö.

Luk 24:25

Kanyøgø Jecu aköö jïge, «U ni bäŋ wïdhi en, ni cwïnynyu teek ki man jïëyu moa car nyïïkuk Jwøki bëët!

Moa Tïïc Nyïïatwieli 16:6

Ni ö Pøølli ki jøøa en buute ni caathge yïth mïëc Parijia ki Galeecia, kiper mana mäni ya Jwïëc Jwøki na en kur keere ki man køpge luum Jwøk yi Eecia.

Moa Tïïc Nyïïatwieli 6:7

'Ba luum Jwøk anyaay. Ni ö bääŋi ni thöönhge døc yi Jerucalem. Ni ö dïlämme møøk mo thööth ni jïëcge luum ŋäädhe manøgø.

Wëëlö Mana Göör Pøølli Baŋ Jø Röm 10:16

'Ba ïthge kärge ciiø bëët ki luumma nyään na met. Kiper acaan Aydheea, ni «?Wui Wuuö Jwøk, aŋa na jïëy ki luumma køpwa?»

Wëëlö Mana Göör Pøølli Baŋ Jø Röm 2:8

'Ba mar jø wø ŋäc dëëtge keerge ni wø ba leŋ adïëri ni ge jïëya raay, beeye gootø ki wëër noo en nyïmge.

Wëëlö Mana Göör Pøølli Baŋ Jø Röm 6:17

'Ba pwøc en jï Jwøk kiper uuni na kwøŋ bëëtö na laaŋe mo raay, uuna tïmö nou leŋa pwöc ki cwïnynyu bäre, mana cïp jïïu,

1 Körin 11:26

'Ba kany wäro cammu møgi ni mäthu ya athöönhnhi, u køpa thøw Kwäärö ma Jecu gøøc mano ööe.

1 Körin 2:2

Kiper yaa cooŋø ki cwïnya ni bäŋ gïn mo ŋääa dïïu, 'ba beeye Jecu Krictø keere, eni na 'näk bäät jaadha no odëëdö.

2 Körin 10:5

Wa wø nyaga pïëm, ki jammi bëët mo wø thïïŋ røkge ka atöör ni ge gëëŋa jöör Jwøk ki man ŋääi. Ni peecwa acaare bëët nee dwør Krictø leŋge.

2 Körin 11:3

'Ba aana lwäyö ni wïthu di maaŋŋø ni weyu mëër mana näk adïëri ni en cwïnynyu kiper Krictø, kaawat mana tïïc thwölli ki riek waŋe na ööe ni cøøk Iip.

Galeecia 1:2

Aani ki nyïïmëëe moa en buuta bëët, wa göönna baŋ acook Jwøk mo Galeecia.

Galeecia 1:6

Aani, yia athäŋŋö kiper na laaru eni wec na cwøl uuni yi mëëc Krictø, ni løøu røgu baŋ teeŋ luubö mør mo nyään.

Galeecia 2:14

'Ba na jooda geni ni ge ba cäädhi ki køør luubö mana näk adïëri na en ri luumma nyään na met, acaana jï Ciipa nyïmge bëët, ni kööa, na «Aŋø, ni näk ïïna ŋat Juuth mo bëëdö kaamar jur, niï ba bëëdö kaamar jø Juuth, juurre a diï gø maaø ki teek nidïï nee bëëtge kaamar jø Juuth?»

Galeecia 3:3

?Aŋø, uuna tïmö ni uuna bøøre? ?U na nø tägö ki mo Jwïëc Jwøk, u doo cäŋ døø baŋ tïïe mo dëël?

Galeecia 4:9

?'Ba kawaane na tïmu ni Jwøk ŋäyu, ni doo beerra mana daa köö, ni uuna tïmö nou ŋäc Jwøki, uuna dou cäŋ døø baŋ juu moøgø nidïï, na näk jïge bäŋ teek ni bäŋ karge, ni cäŋu tïmö ni uuna laakge en?

Galeecia 5:11

'Ba nyïïmera, aani, onää a poot køpa luum daŋ, doo bäŋ jiy mo gëëmö ki aani. Onää a poot køpa luum daŋ, doo bäŋ jiy mo män ki aani kiper køp luum jaadha no odëëdö.

Epeca 3:8

'Ba aani, këël na thiinh kara døc dï jø Jwøk bëët, met ec manøgø awëëk aani, nee gïr kwär mar Krictø na näk bäŋ teeŋe køba jï juurre,

Epeca 4:14

kiper nee ø ba bëëdø kaamar obwöre këët ni wø wïïri køør pwöc ma teeŋi ki køør reek nyeŋ jiy ni wø maaŋ wïth jiy ki cwøkge.

Epeca 5:15

Kiper manøgønø, gwøgu dëëtu døøc ki wääthu, ni wïthu leer nou patha jiy mo wïthge ba leer.

Tiet Ciik 32:6

?Aŋø, u na jø Icriel, u ka bøøre møn, ni wïthu ba leer, uuna cäŋ tïmö nou tïïya gïï mo reyø na kar gïïa beyø na tïïc Wuuö Jwøki jïïu? ?Aŋø, eni paa wääu na cwääc uuni, na tïïc uuni ni tietu këëtge piny?

2 Thecalönika 1:8

ni cool kwöri dëët jøøa kuc Jwøk, ki moa taak luumma nyään na met mar Kwääyø ma Jecu.

1 Timöthi 6:4

ŋatøgø päŋŋa cwïnye ka atöör, ni bäŋ gïn ŋääe. Eni wïïe raac no okadhø ki pïëc, ni yie met ki pïëm tiet luup, ni wø käl gwön, ki wëëye, ki waac nyeŋ, ka adïëde mo reyø,

Ibaru 11:8

Ni beeye ŋäädhe, na ö Eeberammi na leŋ luubö kanya cwøli ni aa kanya wäŋŋi ni cøøa jïre no olaaw. Ni aae ni kanyo ci yie kuue.

Ibaru 5:9

'Ba ki køør mana tïïi no othur kare, ena tïmö na tier pïëm man piem jiy ki gø mana näk adïëri na bäŋ cuŋŋe jï jø wø leŋ dwøre bëët,

1 Piter 1:22

'Ba na tïme ni cwïnynyu you døøc mo tar kiper mana leŋŋu adïëri ni jït cwïnynyu ki mëëc nyïïmëëe ma adïëri, putu bëëtö nou mëër ki røgu ki cwïnynyu bäre.

1 Piter 4:17

Kiper nïr løøk anø öö, ni tägi ka jø Jwøk. ?'Ba ni näk mo tägi ka øøni, a cuŋ mar jø wø ba leŋ luum Jwøk na nyään na met obëëde nidïï?

2 Piter 2:18

'Ba dhøkge päŋ ka atöör jammi mo oballe jaak, ni ge maaŋŋa wïth jøøa bøth kany mo cään en, ceŋ jøøa en yïth raay, ki gïïa reyø ni wø many dëër dhaanhe.

Mana Nyooth 18:3

Kiper mïëri bëët amädhö ki køøŋø mar käp mare, ni ö nyec pinynyi ni käpge ki gø, ni ö jø wø dääbö ki japge piny ni kwärge ki køør käp mare na raac døc.»

Mana Nyooth 2:20

«'Ba gïna jääla ïïni ki gø, beeye kiper mana wëëgï nyaanøgø na Jedhebal bëëtö dïïu, nyaanø ni dëëre ee døøc nyikuŋ Jwøk enø, ni pöö ni maaŋŋa wïth laaŋe 'moa nee bëëtge ki bëët käp, ni cämge ki caammi mo wø 'näk jï juu.

1 Camiel 13:13

'Ba Camiel aköö jï Cøøl, ni «Ïïni, ïïna tïïö ki gïn mo wïïï kärï caarø ki gø; ciik Wuuö Jwøk, Jwøk marï, na kööm ïïni ki gø, kärï gwøø, kiper doo na iï gwøø møn, Wuuö Jwøk nyec marï dee tïïö nee bëëde dï jø Icriel na bäre bäre.