Galeecia 2:2 - Wëël Jwøk

² Naa cii kaper na nyoothi ya Jwøki jïra, ni peedha luumma nyään na met nyïmge ni wø køba cooth dï juurre. 'Ba mara caana jï jøøa døøŋŋø kur keerwa naa ba tïma kaamar ŋat mo rïïŋö jaak, wala ŋat mo reeŋø ni ŋwiec mare bäŋ tiere.

Galeecia 2:2 Iomraidhean Croise

Luup Dïpööy 10:1

Kaawat man wø thøø lwaŋŋi yi maaw mo ŋwäänynye met ni wø tïïcge maaw bäre ni ŋwääö no okwäk, gïn mo thiinh thuwø mo tïïc ni wïc kär caarø, leec wïc ki wödö raanynye raanynyø bäre.

Mathiew 10:16

«Neennu, aani, a jääŋŋa u wøk kaamar dïëk mo ena dï kwäänynye. Kiper manøgønø, bëëdu ni nyeŋŋu reegø kaamar thwöre nou mwöl kaamar akuyi.

Moa Tïïc Nyïïatwieli 15:12

Ni ö acooŋa bäre ni lïŋe. Ni cekge ïthge jï Barnaba ki Pøøl kanya caange luum ŋïïce ki gïï mo rëëma ec moa tïïc Jwøki ki rege dï juurre.

Moa Tïïc Nyïïatwieli 15:2

'Ba na nø jït Pøølli ki Barnaba ki pïëm mo ba thiinh ni ge løøŋŋa luummögø ki jøøgø, gena kwany ki jø møøk nee cige yi Jerucalem baŋ nyïïatwieli ki jaak acooŋ Jwøk, nee tier luummögø neenge.

Moa Tïïc Nyïïatwieli 15:4

'Ba na pïïc Pøølli ki Barnaba yi Jerucalem, gena pänh acooŋ Jwøki, ki nyïïatwieli, ki jaae. Ni køpge jammi bëët moa tïïc Jwøki ki rege.

Moa Tïïc Nyïïatwieli 18:9

'Ba dïcäŋ aciel ki wäär Wuuö acäänö ki Pøøl yïth lääk, ni kööe, ni «Kärï lwäyö. Cäänï, ni ba lïŋï.

Moa Tïïc Nyïïatwieli 23:11

'Ba na tïme na wäär, Wuuö acuŋŋö buut Pøøl ni kööe, ni «Mak cwïnyï. Kiper gïra okøpï yi Röm thuwø, kaawat mana køpï gïra yi Jerucalem.»

Moa Tïïc Nyïïatwieli 5:34

'Ba ŋat Paricith aciel røk kwääc løøe, mo nyeŋŋe cwøl ni Gameeliel, ŋat ma dïpööy mar ciik Jwøk mo owøør jiyi bëët, ree athïïŋe, ni cïpe ki dwøl nee jøøgø kïth wøk ki kany mo thiinh.

Wëëlö Mana Göör Pøølli Baŋ Jø Röm 9:16

Kiper manøgønø, ba en ri gïn wø many dhaanhe wala tïïe moe, 'ba beeye køny Jwøk keere.

1 Körin 1:23

'Ba waani, wa wø køpa gø ni Krictø anäk bäät jaadha no odëëdö, ni wø ö jø Juuthi ni wø cwanyge tietge ki gø, ni näk luum bøøl ki jï juurre.

1 Körin 2:2

Kiper yaa cooŋø ki cwïnya ni bäŋ gïn mo ŋääa dïïu, 'ba beeye Jecu Krictø keere, eni na 'näk bäät jaadha no odëëdö.

1 Körin 9:24

?Aŋø, kuyu ni jø wø reŋi, wø läätö bëët, 'ba beeye dhaanhø aciel keere ni wø jïti ki gïn wø mëëk eni? 'Ba reŋu nø ki ŋwïëögø nee ci jïïu.

1 Körin 9:26

'Ba aani, a ba rïïŋi jaak ki ŋwïëy mo bäŋ tiere, naa bäŋ wø dhööŋi keda dhaanhø mo pööta jamø jaak.

2 Körin 12:1

'Ba aani, a töödö nø, këël na bëëde ni bäŋ gïn mo joot dëër gø, 'ba aano pööth baŋ luup lääk ki gïïa nyooth Wuue jïra.

Galeecia 1:12

Kiper luummögø kära wïnynyö dhi dhaanhø, naa kär pwönynyö ki gø, 'ba beeye Jecu Krictø na nyooth gø jïra.

Galeecia 1:16

kanya tïm yie ni met ki man nyooth Wääde jïra, nee gïre køba jï juurre bëët, bäŋ ŋat mo yaa pëënynyö ka acaara.

Galeecia 1:6

Aani, yia athäŋŋö kiper na laaru eni wec na cwøl uuni yi mëëc Krictø, ni løøu røgu baŋ teeŋ luubö mør mo nyään.

Galeecia 2:6

'Ba jøøa wäŋŋi ni døøŋŋø kwörge yøø, a caana gø jïïu, ni jøøgø bäŋ gïn mo ege nyoodhø jïra. Nee kwörge døøŋŋø wala therø bäŋ gïrge ki jïra. Kiper Jwøk luumme aciel kiper jiy bëët.

Galeecia 2:9

'Ba na ŋäcge met yi Jwøk mana wëëk aani, Jeemeth ki Ciipa, ki Jøøn, jøøa wäŋŋi ni døøŋŋø kwörge, ceŋwa amakge ki Barnaba ni ge nyootha dwätö jïwa, ni wa doo cøøa baŋ juurre, ni cige baŋ jøøa näk odaŋø.

Galeecia 5:7

Uuni, uuna kwøŋ rïïŋu ki ŋwïëy mo beer. ?Aŋø, aŋa na røøth nyïmmu ki man leŋŋu mana näk adïëri?

Pilipay 2:16

ni luubö mana en kwøwi ree you maa cwïnynyu, kiper naa tïma naa töödö dïcäŋo näk cäŋ Krictø, ki man näk mo ŋwïëy mara kära ŋwieø jaak, wala raa kära öölö jaak.

Pilipay 2:29

Kiper manøgønø, pänhnhu eni ki nyeŋ Wuuö ni mïn yïthu bëët, ni wøørru teeŋ jøøgø.

1 Thecalönika 3:5

Kiper manøgønø, na tïm cwïnya ni ba maara mak këët, aana jääk baŋu, kiper bëët ŋäädhe maru nee wïnynya, kiper na lwäya ni kanymør ŋat wø pääny jiy, u ee päänynyö, ni tïm öölö marwa no oaay jaak.

2 Timöthi 4:7

Aana këëdö ki leny ma wøp, ni thööra ŋwïëy mara, ni gwøa ŋäädhe.

Ibaru 12:1

Kiper manøgønø, na tïme ni buutø da teeŋ lwaa lïŋŋe mo thööth ma yøøgø nø, beerra man ööø thuwø ni cïbø gïïö ni peek yøø piny, ki raay no onigän dëëtø ii, ni ŋwieø ŋwïëy man en nyïmmø en, ni cwïnynyø yøø maaø,