Galeecia 2:19 - Wëël Jwøk

¹⁹ 'Ba ki køør ciik Jwøk beeye na thøøa, ni tïma naa ba en tiet ciik Jwøk, kiper naa kwøa jï Jwøk.

Galeecia 2:19 Iomraidhean Croise

Wëëlö Mana Göör Pøølli Baŋ Jø Röm 4:15

Kiper ciik Jwøk käla ajäla, 'ba kany mo bäŋ ciik Jwøk, bäŋ gïn mo caan no odhalø yie.

Wëëlö Mana Göör Pøølli Baŋ Jø Röm 5:20

'Ba ciik Jwøk aci yie thuwø kiper nee rääc luumma dhal nyoodhe ni päl. 'Ba kanya ö raayi na pälle, met ec opällö ni kadha eni,

Wëëlö Mana Göör Pøølli Baŋ Jø Röm 6:11

Kaawat manøgø uuni thuwø, wär dëëtu caarru ni uuno thøw ni raay bäŋ teek bäätu këët, ni cäŋu kwøwø jï Jwøk ki ri Krictø Jecu.

Wëëlö Mana Göör Pøølli Baŋ Jø Röm 6:14

Kiper raay ba doo tïmö na kwäärö bäätu, kiper mana tïme nou ba bëën ciik Jwøk, 'ba u bëënna met yi Jwøk.

Wëëlö Mana Göör Pøølli Baŋ Jø Röm 6:2

Ba doo løny. ?Øøni na näk othøw ni teek raay bäŋgø bäätø këët, øøna døø poodø ni ø bëëdö yïth raay nidïï?

Wëëlö Mana Göör Pøølli Baŋ Jø Röm 7:14

'Ba ŋääø ni ciik Jwøk beeye mar Jwøk. 'Ba aani a ena kur piny, ni aano ŋeeø na laŋŋø jï raay.

Wëëlö Mana Göör Pøølli Baŋ Jø Röm 7:4

Kaawat manøgø thuwø, nyïïmera, uuna nø thøw ni ciik Jwøk jïre bäŋ teek bäätu këët ki køør dëër Krictø, nou tïmu ni uuna moe, eni na tïŋ maal ki yi thøø, kiper nøø tïïø ki gïï mo beyø jï Jwøk.

Wëëlö Mana Göör Pøølli Baŋ Jø Röm 8:2

Kiper kwøw mana cïp Jwïëc Jwøki ki ri Krictø Jecu, aana päde cer raay ki thøø.

1 Körin 10:31

Kiper manøgønø, ni näk mou cämö wala u mädhö, wala gïn wäro tïïyu jaak, wäru tïïyu bëët nou jiema Jwøk.

1 Körin 9:20

Ki jï jø Juuth dëëra atïïa keda aana ŋat Juuth, kiper naa känna kura ki jø Juuth. 'Ba ki jï jøøa bëën ciik Jwøk, dëëra atïïa keda aana dhaanhø mo bëënna ciik Jwøk.

2 Körin 5:15

'Ba ena thuunh jiy bëët, kiper nee jøøa kwøw bëënge eni na thøw kiperge ni tïŋi maal, ni ge ba bëën dëëtge këët.

Galeecia 2:20

'Ba aana gur bäät jaadha no odëëdö ki Krictø na aciel. Ni patha aani ni kwøw en, 'ba beeye Krictø ni bëëdö ni kwøw dëëra en. Ni bëëtö man bëëda ki gø kawaane ki dëël man en, a bëëdö ka ri ŋäädhe na en ri O Jwøk, ŋata mëër ki aani, ni cïp ree kipera.

Galeecia 3:10

Kiper jiy bëët mo wø ŋääth tïïe moa en ri ciik Jwøk, acïëni ena bäätge. Kiper ogöörö, na «Acïëni oen bäät jiy bëët mo wø ba gwøk jammi bëët moa näk ogöör yi wëël ciik Jwøk, ki man tïïcge ge.»

Galeecia 3:24

Kiper manøgønø, ciik Jwøk beeye dïkuri marø këël mana ö Krictø, kiper nee ø jïëc Jwøki ni marø beer ki ri ŋäädhe.

Galeecia 6:14

'Ba aani kara bäär ki teeŋ atöör manøgø, 'ba beeye luum jaadha no odëëdö mar Kwääyø ma Jecu Krictø keere ni daa tööda kipere, ni beeye na tïïc jap piny keda gïn mo ogur bäät jaadha no odëëdö ki baŋa, ni tïma ni aano thøw jï jap piny.

Köløcia 2:20

?'Ba ni näk uuno thøw ki Krictø na aciel jï juu mo bäät piny, aŋø ni poot bëëdu keda uuna mo piny en? ?Na aŋø wø leŋŋu dööt jiy mo wø köö,

Köløcia 3:3

Kiper uuna thøw, ni kwøw maru okanø ki Krictø na aciel baŋ Jwøk.

1 Thecalönika 5:10

ŋata thøw kiperø, kiper nøø tïmø ni ø bëëdö ka eni na aciel, nee øøno thøw wala ø kwøw.

Tayta 2:14

ŋata cïp ree kiperø, nee ø wïïl wøk yïth raay bëët, ni tïïc øøni ni ø waany na moe, na jiy mo cwïnyge ege cïp køør tïïe moa beyø.

Ibaru 9:14

a teeŋ lwøk mo nyïëdi nø noo lwøk øøni ki rem Krictø, ŋata cïp dëëre jï Jwøk ni bäŋ gïn mo jøøŋŋi ree, ni cïbe ka ri Jwïëc Jwøk ni wø bëëdö na bäre bäre, noo døøc cwïnynyø mo waany ni wiiø tïïe mo thøø ni tïnynyø Jwøa kwøw.

1 Piter 2:24

'Ba eni ki dëëre raay 'moø akääre ki rïŋ dëëre bäät jaath nee ø ba bëënnø raay, 'ba nee ø bëënnø moa beyø. Ni beeye ŋwiili moe na wëëk dëëtø jöönnö.

1 Piter 4:6

Ni beeye tiere na køp luumma nyään na met këël jï jøøa näk othøw, kiper manøgønø, këël na ŋøl luumge piny ni gena jiy kaawat man wø ŋøl luup jiy piny, nee ge maar wëënnö ki jöö man kwøwge ki ri jwïëy kaawat man kwøw Jwøki en na jwïëy.