Galeecia 2:16 - Wëël Jwøk

¹⁶ ŋäcwa ni dhaanhø ba jïëc Jwøki ni mare beer ki køør tïïe moa en ri ciik Jwøk, 'ba beeye ki køør ŋäädhe ni en ri Jecu Krictø. Këël waani, waana jïëy ni ŋääthwa Krictø Jecu, kiper nee wa jïëc ni marwa beer ki køør ŋäädhe ni en ri Krictø, ni paa ki køør tïïe moa en ri ciik Jwøk. Kiper bäŋ dhaanhø mo jïëc ni mare beer ki køør tïïe moa en ri ciik Jwøk.

Galeecia 2:16 Iomraidhean Croise

Jööp 25:4

?Aŋø, bëët dhaanhø tïme ni tiir nidïï nyïm Jwøk? ?Dhaanhø man no onywøl dhaage en, bëëtö mare tïme ni waany nidïï?

Jööp 9:29

Aani, luubö anø ŋøl bääta ni aano bääyö; ?aperŋø nø noo bëëda ni raa öölö ki ŋaap jaak en?

Jøøn 20:31

'Ba moi göör kaper nou jïëyu ni Jecu beeye na Krictø ni näk O Jwøk, kiper nee u jïëyu ki eni ni ŋääthu gø, nou jïtu ki kwøw ki nyeŋŋe.

Moa Tïïc Nyïïatwieli 4:12

Kiper bäŋ dhaanhø mør mo doo piem jiy. Kiper bäŋ nyeŋ mør bäät piny bäre mo ocïbö dï jiy mo ø doo piemø ki køøre.»

Wëëlö Mana Göör Pøølli Baŋ Jø Röm 1:17

Kiper bëënynyö man wø cïp Jwøki onyoodhø ree, ni wø joot ki køør ŋäädhe keere na bäre bäre, kaawat mana gööri, ni «Eni noo bëënynyi ki køør ŋäädhe okwøw.»

Wëëlö Mana Göör Pøølli Baŋ Jø Röm 3:30

Kiper Jwøk aciel. Ni eni jøøa näk odaŋø ojïëe ni marge beer ki køør ŋäädhe marge, ni jïëc jøøa näk patha odaŋø ni marge beer kiper ŋäädhe marge.

Wëëlö Mana Göör Pøølli Baŋ Jø Röm 4:2

Kiper onää Eeberam ojïëö ni mare beer ki køør tïïe, eni doo jïtö ki gïn mo tööde kiper gø, 'ba paa ki nyïm Jwøk.

Wëëlö Mana Göör Pøølli Baŋ Jø Röm 4:24

'ba göör kaperø thuwø. 'Ba øøno jïëc thuwø ni marø beer, ø na näk ojïëy ni ŋääth ŋata tïŋ Kwääyø ma Jecu maal ki yi thøø,

Wëëlö Mana Göör Pøølli Baŋ Jø Röm 8:3

Kiper gïna ba maar lønyø jï ciik Jwøk ki man tïïc gø kiper mana døøyi ya dëëlli mo jääk, atïïc Jwøki kanya jääŋ Wääde kiree, ki dëël mo caala dëër dhaanhø ni da raay en, ni tïme no olämi kiper raay, ni jääl raay ri dëël.

Wëëlö Mana Göör Pøølli Baŋ Jø Röm 9:30

?Agïnaŋø noo caanø nø? Juurre na kär løp køør bëënynyö, bëënynyö ajootge. Ni beeye bëënynyö man wø joot ki køør ŋäädhe.

1 Körin 6:11

'Ba teeŋ bëëtö manøgø beeye bëët jø møøk dïïu na poode. 'Ba uuna lwøk, ni cïp uuni kur keeru, ni uuno jïëö ni maru beer ki nyeŋ Kwäärö ma Jecu Krictø, ki ri Jwïëc Jwøø.

Galeecia 4:5

kiper nee jøøa en ciik Jwøki bäätge, nee wïïl wøk, nee ø tïïe na wääte.

Galeecia 5:4

U ni many man jïëc u ni maru beer ki køør ciik Jwøk, uuna ŋul wøk ri Krictø, ni tïmu nou tøør ri met ec.

Pilipay 3:9

kiper naa joot naa ena dëëre, naa ba en dëëre kaper bëënynyö mana näk mara keera ni wø en ri ciik Jwøk, 'ba beeye bëënynyö man wø joot ki køør ŋäädhe ki ri Krictø, ni beeye bëënynyö man wø ööi ki baŋ Jwøk na näk ogöök ri ŋäädhe,

1 Piter 1:2

u na näk ojier Jwøki na näk Wuuö, nou ee miiø, ni cïp uuni kur keeru ki køør Jwïëc Jwøk, nou bëëdu nou leŋa luup Jecu Krictø, ni jør uuni ki remme. Met ec ki bëët-mëër pälle bäätu.

1 Piter 2:24

'Ba eni ki dëëre raay 'moø akääre ki rïŋ dëëre bäät jaath nee ø ba bëënnø raay, 'ba nee ø bëënnø moa beyø. Ni beeye ŋwiili moe na wëëk dëëtø jöönnö.

1 Piter 3:18

Kiper Krictø thuwø athøw kiper raay yie aciel na bäre bäre, ŋata beer na thuunh jøøa reyø, kiper nee ø kïth baŋ Jwøk, ki køør mana 'näk dëëre ni cäŋi wëëk kwøw ki ri jwïëy.

2 Piter 1:1

Aana Cayman Piter na laŋŋø na nyïïatwiel Jecu Krictø, a määtha uuni, u na wëëk ŋäädhe mo röömi ki marwa ki ri beeny Jwøk marø, ge ki Pïëmi ma Jecu Krictø.

1 Jøøn 1:7

'Ba ni näk mo ø cäädha yi tar, kaawat mare ni en yi tar, øøno dwätö karøbëët, ni rem Jecu na näk Wääde penya øøni yïth raay bëët.

Mana Nyooth 7:14

Ni dwøga gø jïre, ni «Ŋäyï, kwäärö.» Ni duu gø jïra, ni «Jøøgø beege jøøa ö wøk ki yi gïna leth døc na wäŋŋi. Abïïkge apenyge ni tïïcge ge ni tar ki rem Nyidiel.

Mana Nyooth 7:9

Køør gïïögø aana nëënnö, ni jooda lwaak mo päl døc, mo bäŋ ŋat mo maar lønyø jïre ki man kwaan geni, ni ööi ki yïth mïëri bëët, ki røk tuŋi bëët, ki røk jiy bëët, ki teeŋ dhøgi bëët, ni ge cuŋŋa nyïm wälu ki nyïm Nyidiel, ni geno ruyö ka abïïe mo tar, ni ceŋge da bäät twöe.