Galeecia 1:8 - Wëël Jwøk

⁸ 'Ba këël doo naa waani wala nyïïatwiet maal, ni näk da ŋat mo køpa luubö mør jïïu mo patha luumma nyään na met mana kwøŋwa køp jïïu, ŋatøca, acïëni oen bääte.

Galeecia 1:8 Iomraidhean Croise

Wïlöölö 9:25

Køøre ena köö, na «Acïëni oen bäät Keenan, ni tïme ni kadha laŋ mare dï laaŋe mo nyïïmenni.»

1 Nyeye 13:18

Køøre nyikuŋ Jwøk mana näk jaal acäänö ki wïïe keere ni kööe jïgø, ni «Aani, aana nyikuŋ Jwøk mo caala ïïni thuwø, ni da luum Wuuö Jwøk mo ocaan nyïïatwiel maalli jïra, ni kööe, ni ‹Ciï ni duuï eni paarï, nee cäme nee mäthe ki pïï.› » 'Ba nyikuŋ Jwøk manøgø, mare cwøk.

Neemiya 13:25

Køøre aani, gena jääla ni cwöla acïëni bäätge ni pwöda jiy møøk rege, ni nywaada jïëc wïthge, ni wëëga geni kööŋ ki nyeŋ Jwøk nee geni nyïïge ba cïpge këët jï wäät juurre nee nywømge, ni ba kälge nyïï juurre nee nywøm wäätge wala geni.

Jeremaya 23:16

Man beeye mana caan Wuuö Jwøki, Jwø wïth jammi bëët, ena köö, ni «Kär nou wïnynya luup nyïïkuk Jwøk moø ni køp luup yøø jïïu. Geni, ge pääŋa cwïnynyu jaak ki luup ŋäädhe mo oballe; luup moøgø ni carge yøø käla wïthge keerge, ni patha moa cur dhi Wuuö Jwøk.

Jeremaya 23:36

'Ba u tïmö nou ba cäänö këët kiper dwør Wuuö Jwøk mana caal tëër, kiper ŋato cäänö, luubö mare otïmö na tëër bääte, kiper mana daaŋŋu luup Jwøa kwøw, Jwøk maru, eni na wïth jammi bëët.

Mathiew 25:41

«Kanyøgønø, eno köö jï jøw oen bäät caame, ni ‹Aayu buuta, u na näk ocienø; cou yi maaa näk bäŋ cuŋŋe kar ajäla, na näk ojiiŋŋø kiper anägö ki nyïïatwiete.

Maak 14:71

Kanyøgø Piter atägö ki man cwöl acïëni bääte, ni kööŋe, ni «Ŋatø ni cäänu kipere enø kuua.»

Moa Tïïc Nyïïatwieli 23:14

Ni cige baŋ kwääc laam ki jaae, ni köge, ni «Dëëtwa alamwa døc ni cam ba maarwa bel, këël mano 'näkwa Pøøl.

Wëëlö Mana Göör Pøølli Baŋ Jø Röm 16:17

Nyïïmera, a kwaya uuni ki man gwøgu dëëtu ki jø wø käl apääk dïïu ni wø kïth dïdëët jööra pwöny uuni ki gø. Kwierru geni.

Wëëlö Mana Göör Pøølli Baŋ Jø Röm 9:3

Doo beer kee aani ki dëëra, aano cienø, ni ŋul aani wøk dëër Krictø kiper nyïïmera, na näk tuuŋwa na jø powa.

1 Körin 12:3

Kiper manøgønø, a manynya man ŋäyu gø, ni bäŋ dhaanhø mo cäänö ki ri Jwïëc Jwøk mo köö, ni «Jecu cien.» Ni bäŋ dhaanhø mo maara köö, ni «Jecu beeye Kwäärö,» ni näk ba caan ka ri Jwïëc Jwøk.

1 Körin 16:22

'Ba nee da dhaanhø mo ba mëër ki Kwäärö, ŋatøca, acïëni oen bääte. Wui, Kwääcwa, laar öö!

Galeecia 1:9

'Ba, kaawat mana kwøŋwa gø caan, këël kawaane cäŋa ka caannø, ni nee da ŋat mo køpa luubö mør jïïu ni patha luumma nyään na met mana kwøŋu jïëc, ŋatøca, acïëni oen bääte.

Galeecia 3:10

Kiper jiy bëët mo wø ŋääth tïïe moa en ri ciik Jwøk, acïëni ena bäätge. Kiper ogöörö, na «Acïëni oen bäät jiy bëët mo wø ba gwøk jammi bëët moa näk ogöör yi wëël ciik Jwøk, ki man tïïcge ge.»

Galeecia 3:13

'Ba Krictø acïëni mana doo en bäätø kiper ciik Jwøk, awëënne, kiper mana tïme ni cien kaperø. Kiper ogöörö, na «Acïëni oen bäät jiy bëët mo wø 'näk no oŋaap bäät jaath.»

Tayta 3:10

'Ba ni näk da ŋat mo tïïya apääk, noo köömmï gø yie aciel wala ariiø ni luummï ba wïnynye, wär kwierï nø, ni ba dwätï ki gø këët.

Jøcua 9:23

Ennø, uuna jiy mo ocienø møn; 'ba u puta bëëtö ni uuna laaŋe na bäre bäre, ni uuna dïmööt jenni ki jø wøm pïï kiper oduŋkaara na näk kar bëëtö mar Jwøa.»

2 Piter 2:14

Ni nyeŋge ena køør käp, ni raay ba maarge wec. Ni ge maaŋŋa wïth jøøa cwïnyge cwøk. Ni cwïnyge ege pwönynyö ki wärö. Ni gena jiy mo ocienø.

1 Camiel 26:19

'Ba ennø, ï na nyeya mara, beerra man wïnynyï luupa, a na dhaanhnhï. Ni näk mo beeye Wuuö Jwøk na tïïc ïïni niï ööï maal bääta, beerra man ö Wuuö Jwøki ni jïëc olämi ni raanynya luubö manøgø yïthakiyø; 'ba ni näk mo tïïya jiyi, acïëni oen bäätge nyïm Wuuö Jwøk, kiper dïcäŋi ge riema aani wøk nee kara tïme ni bäär ki jø powa ni beege jic Wuuö Jwøk, ni marge köö, ni ‹Ci tïny juu møøk.›