Galeecia 1:7 - Wëël Jwøk

⁷ 'Ba luummögø paa luumma nyään na met. 'Ba da jø møøk mo kiera wïthu, ni ge manynya man wiilge luum Krictø na nyään na met.

Galeecia 1:7 Iomraidhean Croise

Jeremaya 23:26

?Aŋø, a këël kany mo nyïëdi nø noo bëët gïïögø ni poot ena cwïny nyïïkuk Jwøk moi na tööte ii, jø wø car jap cwøk moa en cwïnyge keerge?

Jeremaya 23:36

'Ba u tïmö nou ba cäänö këët kiper dwør Wuuö Jwøk mana caal tëër, kiper ŋato cäänö, luubö mare otïmö na tëër bääte, kiper mana daaŋŋu luup Jwøa kwøw, Jwøk maru, eni na wïth jammi bëët.

Mathiew 24:24

Kiper Kricte mo patha adïëri ki nyïïkuk Jwøk mo patha adïëri, rege othïïŋge ni tïïge ki ŋïïce mo døøŋŋø ki gïï mo rëëma ec, nee wïth jiy maaŋge; këël wïth jøøa näk ojierø maaŋge maaŋŋø thuwø ni näk mo løny jïge.

Moa Tïïc Nyïïatwieli 13:10

ni kööe jïgø, ni «Ïïni, ïïna wär anägö, niï män ki moa beyø bëët, ni cwïnyï päŋ ki cwøk, ni ïïna ŋat dïwït. ?Aŋø, gïnögø ba weyï bäre bäre ki man bëëdï niï tïïya uutjïëth Wuuö moa tiir no oköömmö?

Moa Tïïc Nyïïatwieli 15:24

«Awïnywa ni da jø møøk dëëtwa mou ege öölö ni ge kiera wïthu, këël na kärwa geni luummö.

Moa Tïïc Nyïïatwieli 20:30

'Ba jø møøk dïïu røkge othïïŋge, ni kierge wïthu nee cwïny bääŋi løøge køørge.

2 Körin 11:13

Kiper teeŋ jiy ma yøøgønø, ge patha nyïïatwieli ma adïëri. Gena jø tïïc mo tïïö ka cwøk, ni dëëtge døøya ge nyïïatwiet Krictø keerge.

2 Körin 2:17

Kiper wa ba caal jøø ni thööth yøø ni wø køp luum Jwøk kiper gwel. 'Ba waana jiy mo bäŋ atade cwïnywa, mo jiera Jwøki, ni wa cäänö ka nyeŋ Krictø nyïm Jwøk.

2 Körin 4:2

Waani tïï atade ni wø määnö akwierwa, ni wa ba caath jöör riek waŋ, wala ki man wiilwa luum Jwøk. 'Ba dëëtwa ewa nyoodhø jï jiy bëët nyïm Jwøk ki køør luumma näk adïëri ni wø køpwa ni wïnyö jaak.

Galeecia 1:6

Aani, yia athäŋŋö kiper na laaru eni wec na cwøl uuni yi mëëc Krictø, ni løøu røgu baŋ teeŋ luubö mør mo nyään.

Galeecia 2:4

'Ba luummögø täga baŋ nyïïmëëe moa näk patha adïëri na duny ya acooŋa ki waŋjöö mør mo kuc, ni ge raŋa pät marwa na en ri Krictø Jecu, nee wa cäŋge dwøk yi twöc.

Galeecia 4:17

Jøøgø ge mwøtha uuni døc, 'ba tier marge patha gïn mo beer. 'Ba ge manynya man køøge u wøk, nou tïmu nou pwøya geni.

Galeecia 5:10

'Ba Wuuö yaa ŋäädhö døc, ni uuno jïëy ki dwøl mara ni bäŋ dwøl mør këët. 'Ba eni ni kier wïthu enø, ajälle ojoode, këël ena ŋa jaak.

Galeecia 5:12

A doo naa manynya jøø ni kier wïthu yøøgø, mana dege mätge dïnö.

Galeecia 6:17

'Ba køør man nø, kär dee ŋat mo ööl aani këët. Kiper aani, a käära pööc mo Jecu ki dëëra.

2 Timöthi 2:18

jøøa gaa wøk ra adïëri, kiper mana caange gø ni duun wøk ki yi thøø anø tägö, ni raanyge ŋäädhe mar jø møøk.

1 Jøøn 2:26

A gööra luubö man baŋu kiper jøøa doo cøøk uuni.

1 Jøøn 4:1

Omëëya, kär jwïëy jïëyu bëët. 'Ba päänynyu jwïëy nee neennu nee gena mo Jwøk. Kiper nyïïkuk Jwøk mo thööth mo patha adïëri okeethø dï piny.

2 Jøøn 1:10

'Ba ni näk da ŋat mo ööa baŋu ni ba käl pwöc moøgø, kär nou jïëya gø ki man døny paac, ni ba määthu gø.

2 Jøøn 1:7

Kiper jø cwøk mo thööth okeethø dï piny, jøøa näk kär jïëy ni Jecu Krictø oöö ni da dëël. Teeŋ ŋatøgø nø, beeye dïcuuy ni ena nyimän Krictø.

Juut 1:4

Kiper da jø møøk mo odunynyö ki jöö mør ki piny, jøøa näk omiiø cøøn kiper ajäl Jwøk, jøøa ba wøør Jwøk na wiil luum met yi Jwøk marø ni døøcge gø jöö man tïïcge gïï mo patha karge, ni kwierge Kwääyø ma aciel na näk Kwäärö ma Jecu Krictø.

Mana Nyooth 12:9

Ni ö thwöra dwøŋ ni lëëŋi piny. Ni beeye thwöra cääŋŋe cøøn, na cwøl na anägö ni näk Ceethan, na näk dïcuuy mar piny bäre. Ena lëëŋ piny, ni ö nyïïatwiet maalli moe ni lëëŋi piny ki eni na aciel.

Mana Nyooth 13:14

Ni eni wø cøøga jø wø bëëdö bäät piny ki køør ŋïïce na näk owëëk eni nee tïïe buut Läänögø. Ni kööm geni ni cwääge ki kït Lääna näk dëëre da ŋwel opëëllö, na kwøw.

Mana Nyooth 19:20

Ni ö Lääyi ni maai, ge ki nyikuŋ jwøk mana näk patha adïëri, ŋata tïïö nyïme ki ŋïïce moa cøøk jøøa dëëtge jïtö ki ŋïï mar Läänögø, ki jøøa wøør gïna näk ocwääö na caal kïte. Gïïögø karge riet gena leeŋ yi naama liel ki maac mo jïye keec ni lïëth døc ni ge poot kwøw.

Mana Nyooth 2:2

«Aani, tïïe moï ŋääa, ki öölö marï, ni cwïnyï iï maa, niï ba maar jïëy ki jø raay. 'Ba jøøa døøc dëëtge nyïïatwieli ni ge patha nyïïatwieli, gena päänynyï, ni jootï geni ni marge tööt.

Mana Nyooth 2:20

«'Ba gïna jääla ïïni ki gø, beeye kiper mana wëëgï nyaanøgø na Jedhebal bëëtö dïïu, nyaanø ni dëëre ee døøc nyikuŋ Jwøk enø, ni pöö ni maaŋŋa wïth laaŋe 'moa nee bëëtge ki bëët käp, ni cämge ki caammi mo wø 'näk jï juu.

Mana Nyooth 2:6

'Ba gïn ni poot beer jïrï en, beeye kiper mana mänï ki tïïe mo jø Niköölac, na mäna ki ge thuwø.

Mana Nyooth 20:3

ni leeŋ gø yi buur, ni cïëk gø ni mwön gø bääte, kiper nee mïëri ba cøøge këët këël kanyo thum cwiiyøgø na kuma enø. Køør manøgønø, eni di pädö ki kany mo thiinh.