Kanyøgønø, gïre awïnyö dï Ciria bäre, ni kälge jiy bëët moa tuu baŋe, jøøa no omaaŋ täwe ma teeŋi ki ŋwiili ma teeŋi mo rämö, ki jøøa dëëtge da anäge, ki jøøa dëëtge da cet, ki moa näk obäp. Ni køny geni.
'Ba kanyøgø ya acooŋ Jwøk mana en Antïëk da nyïïkuk Jwøk ki dïpööye, ni beege Barnaba ki Cimien ni wø cwøl ni Najer, ki Lucia ŋat ma nyï Cayriin, ki Manien na piith po kwäärö ma Eerat, ki Cøøl.
Ni ge käära wëëlö mo ogöörö na ennø nø, ni «Waana nyïïatwieli ki jaak acooŋ Jwøk ni määth uuni en, u na nyïïmëëe ma juurre, u na en yi Antïëk, ki Ciria, ki Cilicia.
'Ba køør manøgønø, Pøøl aruu yi Körin ki nïne møøk mo thööth. Køøre ena tïŋŋö buut nyïïmëëe ni aa Ciria ki jää naam. Ni Paricila ka Akwila cäädhi ka eni na aciel. 'Ba kanya jöök Cencure, jïëye agwäär wøk, kiper kööŋ mana kööŋ ki gø.
ni «Aana ŋat Juuth, naa nywølla Tarca yi Cilicia. 'Ba a piitha paani en, ni aano pwönynyö cer Gameeliel ki pwöc mo teek kiper ciik Jwøk mar kwäyø, ni cwïnya wø caya Jwøk kaawat man tïïyu dïcäŋi en.
'Ba kanyøgø, jø møøk mo ena dëët jø øt acooŋ lam mana cwøl ni mar jøøa näk opädö, ki jø øt acooŋ lam mar jø Cayriin, ki mar Alekdhandaria, ki jø møøk mo käla Cilicia ki Eecia, rege athïïŋge ni pïëmge ki Ectipen.
