Galeecia 1:15 - Wëël Jwøk

¹⁵ 'Ba eni na cïp aani kur keera naa poot kär nywølø, na cwøl aani ki met ec mare,

Galeecia 1:15 Iomraidhean Croise

Aydheea 49:1

Wui, u na jø wø bëëdö yïth mïëri moa en bäät naama dwøŋ, wïnynyu mara, ni cegu ïthu, u na wïth juurre moa kwörge bäyö. Wuuö Jwøk aana cwøle kanya pooda naa ena ec, ni cak nyeŋŋa kanya pooda naa ena yi mera.

Aydheea 49:5

'Ba ennø, man beeye dwøl mana caan Wuuö Jwøki, eni na cwääc aani ec, naa tïma ni aana dhaanhnhe, nee nyïïkwaac Jeekap duua baŋe, nee ge na jø Icriel dëëtge cooŋge ree; kiper mana näk mo aano wøørø ki nyïm Wuuö Jwøk, ni eni na Jwøk mara bee teek mara.

Jeremaya 1:5

ni «Kanya poodï niï poot kära cwääö ec, ï yaa jierø; ni kanya poodï niï poot kär nywølø, ï yaa cïp kur keere na mara, ni tïïa ïïni na nyikuŋ Jwøk kiper tiet mïëri.»

Mathiew 11:26

Kiper beeye mana manynyï ki met yiï, ï na Wuuö.

Luk 10:21

'Ba yi caannøca, Jecu yie amïnnö ki ri Jwïëc Jwøk na en kur keere, ni kööe, ni «Ïïna pwøa, Awuuö, ï na Kwääc maal ki piny, kiper mana mänï gïï ki jøøa wïthge leer na ŋäc jammi, ni nyoothï geni jï obwöre moa mar. Kiper beeye mana manynyï ki met yiï, Awuuö.

Moa Tïïc Nyïïatwieli 13:2

Kanya wøørge Wuuö ni ge lämö ki lam-wödö, Jwïëc Jwøk na en kur keere aköö, ni «Cïbu Barnaba ki Cøøl kur keerge jïra, kiper tïïc mana cöölla geni gø.»

Moa Tïïc Nyïïatwieli 9:15

'Ba Wuuö aköö jïre, ni «Ciï, kiper eni yaa jierø na gïr tïïc mara, nee nyeŋŋa kääre dï juurre ki nyeye ki dï wäät Icriel.

Wëëlö Mana Göör Pøølli Baŋ Jø Röm 1:1

Aana Pøøl na laŋ Jecu Krictø ni göön baŋu ki wëëlö en. Ni aano cwølø naa tïma na nyïïatwiel, ni aano cïp kur keera kiper luumma nyään na met mar Jwøk,

Wëëlö Mana Göör Pøølli Baŋ Jø Röm 1:5

ŋata jïtwa ki met ec ki køøre ki twiel man tïïcwa jiy nee jïëcge ni ŋääthge, nee nyeŋŋe tïme ni wïnyö dï juurre bëët,

Wëëlö Mana Göör Pøølli Baŋ Jø Röm 8:28

'Ba ŋääø ni Jwøk tïïö ri jammi bëët nee bëënyge jï jøw wø mëër ki eni, jøøa näk ee cwølø keda mana manynye.

Wëëlö Mana Göör Pøølli Baŋ Jø Röm 8:30

'Ba jøøa näk ee miiø, ee cwølø thuwø. Ni jøøa näk ee cwølø, ee jïëö thuwø ni marge beer. Ni jøøa näk ee jïëö ni marge beer, ee jiemø thuwø.

Wëëlö Mana Göör Pøølli Baŋ Jø Röm 9:24

Ni beeye øøni na cwøle, ni patha ø keerø na en røk jø Juuth, 'ba këël ki røk juurre thuwø.

1 Körin 1:1

Aana Pøøl na cwøl nee tïme na nyïïatwiel mar Krictø Jecu ki køør mana many Jwøki, ki cöögø ma Cøtheni.

1 Körin 1:21

'Ba Jwøk, ki køør leec wïc mare, jø piny amäne ki man ŋäcge eni ki køør leec wïthge. 'Ba eni yie amïnnö ki man piem jø wø jïëy ni ŋääthge ki køør luum bøøl ni wø køpwa.

1 Körin 1:24

'Ba ki jï jøøa näk ocwølø, na näk jø Juuth këël jø Gïrïïk, beeye Krictø na näk teek Jwøk, ni näk leec wï Jwøk.

1 Körin 1:9

'Ba Jwøk dwøre ba dak, ŋata cwøl uuni ki man dwätu ki wääde ma Jecu Krictø na näk Kwääyø.

1 Körin 15:10

'Ba beeye met ec mar Jwøk na tïïc aani ni aana dhaanhø en. 'Ba met yie na nyuth aani paa oballe jaak. 'Ba atïmö ni tïïö aani døc naa kaala geni. 'Ba paa aani, 'ba beeye met yi Jwøk ni wø tïïö dëëra.

Galeecia 1:1

Aana Pøøl na nyïïatwiel, ni twiel mara ba jooda baŋ jiy ni ba wïnynya baŋ dhaanhø, 'ba jooda baŋ Jecu Krictø, ki Jwøk na näk Wuuö, na tïŋ gø maal ki yi thøø.

Galeecia 1:6

Aani, yia athäŋŋö kiper na laaru eni wec na cwøl uuni yi mëëc Krictø, ni løøu røgu baŋ teeŋ luubö mør mo nyään.

Epeca 1:5

Ni ø ee kwøŋ miek ki mëëye nøø tïmø ni øøna wääte ki køør Jecu Krictø kaawat mana manynye,

Epeca 1:9

'Ba mana manynye na näk ee kwøŋ kan anyuth øøni, kaawat mana kwøŋ gø cooŋ ki cwïnye ni tïïe ka ri Krictø.

Epeca 3:11

Ni beeye gïna näk ee kwøŋ cooŋ ki cwïnye cøøn kanya poot pinynyi, ni beeye na wëëk thur kare ennø ki ri Krictø Jecu na näk Kwääyø,

2 Timöthi 1:9

eni na piem øøni, na cwøl øøni ki cwönna en kur keere, ni paa kiper tïïe 'moø moa tïïø, 'ba beeye ki køør met ec mare ki mana manynye e keere, ni beeye met yie mana cïbe jïïø cøøn ki ri Krictø Jecu ni piny poot käre cwääö,

1 Piter 5:10

'Ba køøre, nou nø jwørru gïïö ni leth yøø ki kany mo thiinh, Jwøa näk Jwø met ec bäre, ŋata cwøl uuni ya ajieme mana näk bäŋ cuŋŋe ki ri Krictø, oööi ki dëëre ni dwøk u karu, ni wëëk u tëënnö, ni këël tietu piny.

1 Camiel 12:22

'Ba Wuuö Jwøk, ki køør nyeŋŋe na dwøŋ, jiye ba wiie, kiper eni yie met ki mana tïïc uuni na wï jur ma thööŋŋe.