Galeecia 1:10 - Wëël Jwøk

¹⁰ ?Aŋø, aani kawaane, a manynya man ö jiyi ni pwøcge aani, ni patha pwøc mar Jwøk? Wala, a manynya man døøya yïth jiy mo met? Onää a poot døøya yïth jiy mo met, a bäŋ doo tïmö ni aana laŋŋø mar Krictø.

Galeecia 1:10 Iomraidhean Croise

Mathiew 22:16

Ni jääŋge bääŋi moge baŋe, ni ge cii ka jic Eerat na aciel, ni köge jïgø, ni «Dïpööy, ŋäcwa ni ïïna dhaanhø miï caana adïëri, niï pöö ka jöör Jwøk na adïëri, ni jiy raŋï ka waŋ aciel, ni bäŋ jiy mo kwörge døøŋŋø mo lwäärï.

Mathiew 28:14

'Ba ni näk gïnögø wïnyö jï kwäärö, cwïnye owëëkwa pïïn piny, nou ba jïtu ki luubö mo pïï bäätu.»

Mathiew 6:24

«Bäŋ dhaanhø mo løny jïre ki man tïny kwääri ariiø. Kiper eni løny ki man männe ka aciel ni mëëre ki maya. Wala cwïnye wëëge aciel, ni jøøŋ maya. Kiper ba løny jïïu ki man tïnynyu Jwøk ni tïnynyu jap piny.

Moa Tïïc Nyïïatwieli 12:20

'Ba Eerat bëëdö no ogootø ki jø Tayar ki jø Caydan. Ni ö jøøgø baŋe bëët ni rege ege cooŋø. 'Ba na nø kwaacge Balacta na näk nyikuŋ nyeya, na jïëc marge, nyeya akwaacge kiper nee bëëtge ki bëët-mëër. Kiper poge bëënna po nyeya ma Eerat kiper caammi.

Moa Tïïc Nyïïatwieli 5:29

'Ba adwøk Piterri ki nyïïatwieli møga, ni «Beerra man lwäärwa Jwøk ki man lwäärwa jiy.

Wëëlö Mana Göör Pøølli Baŋ Jø Röm 1:1

Aana Pøøl na laŋ Jecu Krictø ni göön baŋu ki wëëlö en. Ni aano cwølø naa tïma na nyïïatwiel, ni aano cïp kur keera kiper luumma nyään na met mar Jwøk,

Wëëlö Mana Göör Pøølli Baŋ Jø Röm 2:29

'Ba dhaanhø wø tïmö ni ena ŋat Juuth ma adïëri kiper man wø en cwïnye. Ni daŋ ma adïëri beeye gïn mo ena cwïny, na gïr jwïëy ni patha gïn mo tïïc ka cenø. Ni pwøc mare ba käl baŋ jiy, 'ba käla baŋ Jwøk.

Wëëlö Mana Göör Pøølli Baŋ Jø Röm 2:8

'Ba mar jø wø ŋäc dëëtge keerge ni wø ba leŋ adïëri ni ge jïëya raay, beeye gootø ki wëër noo en nyïmge.

1 Körin 10:33

keda mara ni manynya man døøya yïth jiy mo met ki yïth jammi bëët mo wø tïïa, naa ba caar mara a keera. 'Ba a caara gïr jiy mo thööth, nee ge piem.

2 Körin 12:19

?Aŋø, you caarø ni wa piema dëëtwa nyïmmu? Beeye nyïm Jwøk ni cäänwa en ki nyeŋ Krictø. Ni gïïögø bëët tïïcwa kaper nou tëënnu, u no omëëcwa.

Epeca 6:6

Ni ba tïïyu kaper na mïëre ki nyeŋ jiy nou døøya yïth jiy mo met. 'Ba tïïyu ni uuna laak Krictø, nou tïïya mana many Jwøki ki cwïnynyu bäre,

Pilipay 1:1

Aana Pøøl ki Timöthi, wa na laak Krictø Jecu. Wa määtha uuni na jø Jwøk bëët ni en dëër Krictø yi Pilipay, ki jø wø raŋ acooŋ Jwøk, ki jø wø tïny acooŋa.

Köløcia 3:22

U na laaŋe, leŋŋu luup jøø ni bëënnu piny en ki yïth jammi bëët. Ni ba tïïyu kaper man wø neet uuni nou døøya yïth jiy mo met. 'Ba tïïu ni cwïnynyu leer, nou lwäära Wuuö.

1 Thecalönika 2:4

'Ba wa wø cäänö kaawat mana ö Jwøki na jïëc waani ki man caanwa luumma nyään na met, ni paa nee yïth jiy døøcwa mo met, 'ba wa wø tïïya mo wø mïn yi Jwøki ki ge, ŋat wø pääny cwïnywa.

Jeemeth 4:4

?Nyie, u ni wø kwier luum Jwøk en, kuyu ni ŋat wø näk nyïïawäädi ki piny, mare män ki Jwøk? Kiper manøgønø, ŋat wø many piny nee tïme na nyawatge, wø tïïya ree ni ena nyimän Jwøk.

1 Jøøn 3:9

Ni bäŋe ŋat mo onywøl Jwøki mo bëëdö ni bääö, kiper bëët Jwøk ena cwïnye, ni eni ba maar bëëdö ni bääö kiper mana nywøli ya Jwøki.

1 Camiel 21:7

'Ba ŋat tïïc aciel mar Cøøl ma wïth jø wø kwaac dïëk, mo nyeŋŋe cwøl ni Döweek ma nyï Ëdöm, nut kaagø dïcäŋögø, no otïïö nee bëëde nyïm Wuuö Jwøk.