Edhera 9:9 - Wëël Jwøk

⁹ Kiper waana laaŋe; 'ba këël na bëëtwa yi laŋ, ï na Jwøk marwa, wa kärï wiiø. Mëër marï ni wø ba jøøl anyoothï jïwa ni nëënö jï nyec Parca, ni cäŋï wa mooyø ki kwøw mo nyään, nee øtø marï, ï na Jwøk marwa, cäŋwa geerrø ni dwøkwa kwöra no oränynyö karge, ni mooyï wa ki kany bëëtwa yie ni waano gwøø, ni beeye Jerucalem ki dï Juuda bäre.

Edhera 9:9 Iomraidhean Croise

Edhera 2:68

'Ba kanya pïïc jøwi kanya en wï Øt Wuuö Jwøki yie Jerucalem, jø møøk røk dïbwöthe mo wïth tuŋi gena cïpö ki jammi ki met ec kiper Øt Jwøk nee cäŋ geer kare,

Edhera 7:6

Edhera manøgø atïŋŋö Babiløn ni cøøa Jerucalem. Eni, ena dïpööy, mo ciik Modhe na cïp Wuuö Jwøki, Jwø Icriel, ee kwanyø døc. Køøre nyeya jammi moa many Edhera bëët acïbe jïre, kiper Edhera cer Wuuö Jwøk, Jwøk mare, ena bääte.

Edhera 7:8

Køøre Edhera apïï Jerucalem ri bïï dwäde, kanya tïme na bïriet cwiiri moa beet Arthëkcic ni ena nyeya.

Edhera 9:10

«?'Ba ennø, ï na Jwøk marwa en, agïnaŋø noo caanwa køør gïn? Kiper waani ciik moï awecwa,

Neemiya 2:17

Køøre aana cäänö ki geni ni kööa, ni «Uuni, bëëtö man ni raac ni enø yie en nëënö jïïu, ni Jerucalem bëëdö no oränynyö, ni dhøgi mo kiir mare owaaŋø ki maac. Uuni, beerra man ööu ni cäŋø kiir mar Jerucalem geerrø, kiper nee ø ba bëëdø këët ni ø di jøøŋŋø.»

Neemiya 9:17

Geni, gena kweer ki man cekge ïthge, ni kärge tïïe moï lääŋŋö moa näk rëëma ec na tïïyï yïthakicge. Gena tïmö ni wïthge teek, ni kwänyge ki dïbwödhi mo dwøga geni yi bëët laŋ Ijep. 'Ba ïïni, ïïna Jwø wø wëën jiy, ni wø nyooth met ec mare, ki mëër mare, ni wø ba laar wëër, ni mëëye ni wø ba jøøl päl. Ïïni, jiyï kärï wiiø.

Aydheea 14:3

'Ba dïcäŋeca, kanyo ö Wuuö Jwøki noo mooc uuni ki jwöm yi bëët rääm mana rämu ki gø, ki yi caarø mana caar uuni ki gø, ki yïth tïïe moa teek na wara tïïyu nou ena tier laŋ,

Aydheea 5:2

Eni pwödhö manøgø apuure ni kwäny kïte wøk, ni tøøk jer omøki moa beyø yie. Ni gëëde ka abïl koor dïëre, ni kunye ki buur man bii pï nyïïjenni yie. Køøre ena bëëdö ni koora nyïëdi mo beyø moo nywøl jer omøki mo pwöthögø, 'Ba atïmö ni nywøla nyïëdi mo reyø.

Aydheea 5:5

'Ba ennø, gïno tïïa kiper pwöth jer omøki mara caana caanø jïïu: jenni moa näk yaa piidhø na ciel deŋŋe käla wøk, ni wëëga gø raanynyø, ni ö cielli mana no otïïö ki kïte ni nyaa gø piny ni dööŋe na kar adhwøla.

Aydheea 61:4

Køøre mïëri moa no oränynyö ya acääŋŋe odwøkge karge, ni ö japa no oniruuth piny no oränynyö ni tïŋge ge maal; ni ö päänye moa no oruuki na beet beenhnhe moa pöödhö ni cäŋge ge geerrø.

Edhikiel 11:16

Kiper manøgønø, caanï jïge ni man beeye luumma caan Kwäärö Wuuö Jwøki kiper jøøa mak ki tøŋ, ena köö, ni ‹Këël na bëëtge ni ge yaa riem kwör mo bäyö dï wïth juurre, ni ge yaa keethø dï mïëri, a poot bëëdö ki geni ki kany mo orømø yïth mïëri moa cige yïthge.›

Daniel 9:25

«Kiper manøgønø, beerra man ŋäyï gø ni kwanyï tiere ki man näk mo luubö mana caan ki man dwøk Jerucalem kare ki man cäŋi geerrø, këël kanyo ö ŋata näk wïïe othïïmmö ki maaw, ŋato käär jiy, otïmö na cwiiri abïriiø kwöre abïriiø, ki cwiiri abïriiø kwöre ma pïërabïciel ka ariiø. Jerucalem cäŋ ka geerrø ni da nyeŋ jïëthe ki kwör gwøk røk mo teek. 'Ba kar kaace beeye cäŋ gïï mo leth.

Agëë 1:9

U cädö nou jïtö ki mo thööth, 'ba tïmö nou joota mo nøk. 'Ba kany wø kïthu ge paac, puta ka kooth ki jam dhaa.» Køøre Wuuö Jwøk, eni na wïth jammi bëët, aköö, na «?Aperŋø ni wø täk gïïögø? Beeye kiper na weyu øtø mara no oränynyö, ni tïm ŋati man nø ni lääŋŋa øde keere ki man jiiŋ gø.

Dhekaraya 2:5

'Ba aani ki dëëra, a na Wuuö Jwøk, aano tïmö kaamar kiir jïre mo bëëdö ni caala maac deŋŋe, ni tïma ni aana ajiem mano en yie.›