Edhera 9:8 - Wëël Jwøk

⁸ «'Ba ennø, ki kany mo thiinh, ï na Wuuö Jwøk, Jwøk marwa, mëër marï anyoothï, ni weyï waani na mo dööŋ ni kwøw, ni këëllï tietwa piny ki køør øtø marï man ni en kur keere en, nee ï na Jwøk marwa, dëëtwa tïïyï nee nigethïk, ni mooyï waani ki nyi kwøw mo thiinh yi laŋ man bëëtwa yie en.

Edhera 9:8 Iomraidhean Croise

2 Nyeye 19:4

Kanymør ni Wuuö Jwøk, Jwøk marï, luup bëët moa caan Rapcakë, ŋata jääŋ nyeny Aciria nee eni na Jwøa kwøw pääde, wïnynye wïnynyö, ni ö eni na Wuuö Jwøk ni jook ŋata wïny luup moøgø dhi gø. 'Ba kiper manøgønø, beerra man lämï jï Wuuö Jwøk kiper jiy moa no odööŋ ni kwøw.› »

Edhera 9:9

Kiper waana laaŋe; 'ba këël na bëëtwa yi laŋ, ï na Jwøk marwa, wa kärï wiiø. Mëër marï ni wø ba jøøl anyoothï jïwa ni nëënö jï nyec Parca, ni cäŋï wa mooyø ki kwøw mo nyään, nee øtø marï, ï na Jwøk marwa, cäŋwa geerrø ni dwøkwa kwöra no oränynyö karge, ni mooyï wa ki kany bëëtwa yie ni waano gwøø, ni beeye Jerucalem ki dï Juuda bäre.

Neemiya 1:11

Wui Kwäärö Wuuö Jwøk, a kwaya ïïni, beerra man cegï ïthï ki lam mara, a na dhaanhnhï en, ki lam mar jiyï mo wø bëëdö ni yïthge met ki man wøørge nyeŋŋï; ni wëëgï gïna many dhaanhnhï thur kare dïcäŋi ki køør mano nyoothï mëër jïre nyïm nyeya ma Arthëkcic.» 'Ba aani, a bëëdö ni aana kwääy mar nyeya.

Neemiya 9:31

'Ba ki køør mëër marï na päl, ge kärï wiiø, ni ge kärï raanynyø na bäre; kiper ïïna Jwø wø nyooth met ec, ni ïïna Jwø mëër.

Jööp 33:30

ni mare piem jwïëy mo dhaanhø dhi thøø, kiper nee dhaanhø bëëde yi tac kwøw.

Pwöc Leec Wïc 29:13

Gïn mo rwöpa ŋata can ki ŋat wø caar jiy beeye en, geni bëët nyeŋge amooc Wuuö Jwøki ki tar.

Luup Dïpööy 12:11

Luup jøøa wïthge leer caala jaath man wø kwør lääc paac ki gø, ni kany wø cooŋ geni caala mucumääre mo ogurö ni teek. Ni luupögø cïpa dïkwääyi mana näk aciel ni beeye Jwøk.

Aydheea 1:9

'Ba onää Wuuö Jwøk, eni na wïth jammi bëët, bäŋ jiy mo ee wiiø ni kwøw dëëtø, doo na øøno tïmö kaamar Cødam ki Gømöra en.

Aydheea 14:3

'Ba dïcäŋeca, kanyo ö Wuuö Jwøki noo mooc uuni ki jwöm yi bëët rääm mana rämu ki gø, ki yi caarø mana caar uuni ki gø, ki yïth tïïe moa teek na wara tïïyu nou ena tier laŋ,

Aydheea 56:5

a cïpö jïge ki nyeŋ ajiem yi øtø mara ki yi kiir mara, na nyeŋ mo wïc di paayø ki gø; ni beeye nyeŋ mo kaala obwöc cwøw ko obwöc mään moa dige nywølø. Aani, nyeŋ man wø bëëdö na bäre bäre ni ba ränynyi, cïba cïbö jïge.

Aydheea 57:15

Kiper Wuuö Jwøk, eni na en maal na kare dwøŋ, ni wø bëëdö na bäre bäre, ni wø nyeŋŋe en kur keere, ena köö, ni «Aani, a bëëdö maal kany mo ena kur keere, naa bëëdö thuwø ni kara cään ki jiy moa näk cwïnyge opädhö kiper raay moge, ki jiy moa näk cwïnyge opädhö ki køør japa leth na pïï bäätge, nee jiy moa näk cwïnyge opädhö nee cwïnyge cøma, ni mooa jiy moa no ocaarø ki jwöm ki yïth cwïnyge.

Aydheea 6:13

'Ba këël ni näk mo dööŋŋa dhaanhø aciel ki ra apaar yi ŋöömmögø, poot cäŋa waaŋ; ni tïmge kaamar jaath mo teek kanyo ŋødi piny ni dööŋ gutö mare. 'Ba gutö manøgø beeye noo tïmö na kunhnhö mana näk ena kur keere.»

Jeremaya 42:2

ni köge jïre, ni «Beerra man wïnynyï kwac marwa, ni lämï kiperwa jï Wuuö Jwøk, Jwøk marï, ni beeye kiper jøøi ii bëët moa dööŋ, kiper beeye waani keerwa na nøk ii na dööŋ røk jøøa thööth, kaawat man nëënwa jïrï ki waŋï ennø.

Jeremaya 44:14

'Ba ki røk jø Juuda moa dööŋ na aay nee bëëtge Ijep, bäŋgø mo bøth, ni bäŋgø mo dööŋ ni kwøw mo døøa yi ŋööm Juuda mana manyge ki cwïnyge ni ge døøa yie nee bëëtge yie. Geni, bäŋgø mo døøk, 'ba beege mo nøk keerge noo døøk.»

Edhikiel 14:22

'Ba poot da obwöc cwøw ko obwöc mään mo dööŋ ni kwøw mo käla wøk ki yie. Geni, geno ö baŋu; 'ba kanyo jootu bëëtö marge, ki tïïe moge, uuno jïti ki cïp cwïny piny kiper gïïa leth bëët na kïtha bäätge, ge na jø Jerucalem.

Odheea 6:2

Eni dëëtø odwøk kare køør nïne ariiø, ni tïŋ ø maal ri dää nïne, nee ø bëëdø ni ø kwøw nyïme.

Abakuk 3:2

Wui Wuuö Jwøk, lïëŋ mar nyeŋŋï awïnynya, ni thäŋ yia ki gïr tïïe moï. Wui Wuuö Jwøk, tïïe moa tïïyï, cäŋ tïïyö kar kany ennø, niï tïïya geni nee ŋäc yïth cwiiri moi. Nyooth met ec këël na bëëdï ni ïïno wëër.

Jepaniya 3:12

'Ba aano kïth yi Jerucalem ki jiy mo mwöl mo dëëtge ege dwøk piny, ni putge bëëtö ni geno göök ri nyeŋŋa, a na Wuuö Jwøk.

Dhekaraya 10:4

'Ba dïbwöthe mo bëëdö kaamar kït gøøt, ki mo bëëdö kaamar mucumääre mo wø gur oduŋkaara piny ki ge, ki mo bëëdö kaamar atheerø mar leny, ki teeŋ dïbwöthe møga bëët, di joodø ki røk jø dhi øt Juuda.

Dhekaraya 8:12

Kiper maalø køth ojääŋŋe piny, ni ö köödhi ni tucge, ni ö omøki ni nywølge ki nyïëdi, ni ö jap pinynyi ni ciekge. Japøgø bëët wëëga tägö kiper thäk jøøi moa dööŋ ni kwøw.

Dhekaraya 8:6

Wuuö Jwøk, eni na wïth jammi bëët, aköö, na «?Aŋø, këël na bëëde ni luummögø nëëni keda gïn mo ba tägi ki jï thäk jøøi moo bøth ni kwøw kar kaace, dhäthö jïra thuwø ki man täge?» Luummögø caana Wuuö Jwøki, eni na wïth jammi bëët.

Wëëlö Mana Göör Pøølli Baŋ Jø Röm 9:27

'Ba Aydheea acäänö ki dwøl mo dwøŋ kiper gïr jø Icriel, ni «Këël wäät Icriel doo thööth ni caala akwöny naama dwøŋ, mo nøk keerge beege noo piem.

Mana Nyooth 3:12

'Ba ŋato böödö, eno tïïa na werø yi Øt Jwøk Mana Dwøŋ mar Jwøa. Ni ba ö wøk yi gø bäre bäre. 'Ba nyeŋ Jwøa ogööra dëëre, ki nyeŋ pääny Jwøa, ni beeye Jerucalem mana nyään noo ööi ki maal ki baŋ Jwøa, ni gööra nyeŋŋa mo nyään dëëre.

1 Camiel 14:27

'Ba Jönathan, kanya ö wänni na wëëk jiy kööŋ, gïnögø käre wïnynyö. Kiper manøgønø, Jönathan athøra mana kääre ki cere tier gø arwaak yi maar kïc, ni kïth gø dhee, ni ö dëëre ni put nithïk.

1 Camiel 14:29

Køøre Jönathan aköö, ni «Wära wïth jiy akiere. Neennu, ki køør mana bela maar kïc man ni thiinh en, dëëra aput nithïk.