Edhera 9:5 - Wëël Jwøk

⁵ 'Ba kanya tïme na kany wø cïp olämi mar abøøya yie, aana ö maal ki kanya bëëda yie ni cwïnya opädhö, na abïï mara ka aleeŋŋa mara na jeeya poot ena dëëra, ni këëlla cøŋŋa piny ni thaaŋa ceŋŋa maal baŋ Wuuö Jwøk, Jwøk mara,

Edhera 9:5 Iomraidhean Croise

1 Nyeye 8:22

Kanyøgø, Cølöman acuŋŋö nyïm gïn wø cïp olämme bääte mar Wuuö Jwøk, ni thaaŋ ceŋŋe maal, ni lwaa Icriel bäre nut.

1 Nyeye 8:38

ni näk mo dhaanhø aciel wala jiyï ma jø Icriel bëët lämö ni kwacge ïïni, ni ŋati man nø gïna leth na tägö dëëre ŋääe ki cwïnye, ni thaaŋ ceŋŋe jï kuna en Øt Jwøki man yie,

1 Nyeye 8:54

'Ba kanya ö Cølömanni na lønye ki lam manøgø bäre ki kwac mana kwac Wuuö Jwøk ki gø, ena ö maal ki nyïm gïn wø cïp olämme bääte mar Wuuö Jwøk, kanya näk cøŋŋe ee këël piny yie, ni ceŋŋe ee thaaŋ maal;

2 Luup Nyeye 6:13

'Ba eno nø tïïö ki thudhi mo tïïc ka nywïënyö ma jwïël, mo bär mare beeye gööye abïïc, ni dööŋ yie beeye gööye abïïc, ni bär mare mar maal beeye gööye adäk, ni ee tïï dï kal. 'Ba ena cuŋŋö bäät gø, ni put cøŋŋe këël piny yie nyïm acooŋ jø Icriel bäre ni thaaŋ ceŋŋe maal.

Neemiya 1:4

'Ba aani kanya wïnynya luupögø, aana put pï piny ni jwöŋa, ni bëëda ki nïne naa kïmmö, naa wödö ki cam, naa lämö nyïm Jwø maal.

Bwøth Wøk 9:29

Ni kö Modhe jïgø, ni «Kanyo aa wøk yi pääny kiree, ceŋŋa othaaŋa jï Wuuö Jwøk; ni ö odäru ni cuŋŋe, ni tïme ni bäŋ pey këët, kiper nee putï ŋäc møn ni piny beeye mar Wuuö Jwøk.

Bwøth Wøk 9:33

Ni ö Modhe ni put aa wøk yi pääny nyïm Peerø, ni thaaŋ ceŋŋe jï Wuuö Jwøk; ni ö odäru ki pey ni cuŋge, ni cöök køthi bäät piny.

Aydheea 1:15

Kiper manøgønø, kany wø thaaŋu ceŋŋu maal nou lämö, waŋa kana kanø ki uuni. U këël doo lämö ki lam mo dwøŋ døc, aani, ïtha ba ciia; Kiper uuna jiy mo uuno kuny piny ki rem jiy.

Daniel 10:2

Kar kaaca, a na Daniel, aana bëëdö naa kïmmö ki juu adäk.

Luk 22:41

Ni daak ree buutge, ni daa kany mo bäär mëëth ki geni, ni këël cøŋŋe piny ni läme, ni kööe,

Moa Tïïc Nyïïatwieli 21:5

'Ba kanya thum nïrögø, waana tïŋŋö ni cäŋwa døø ri wääth marwa. 'Ba geni bëët ki määrge ko obwöre, waana jiethge këël mana pïïcwa ŋää paac. Ni këëlwa cøŋwa piny lak ageela, ni lämwa, ni määthwa dëëtwa.

Epeca 3:14

Kiper manøgønø, cøŋŋa wø këëlla piny nyïm Wuuö,