Edhera 9:2 - Wëël Jwøk

² Kiper geni, nyïï juurre møøk akälge ni nywømge ge na mään jïge ki jï wäätge, ni ö kunhnhö marge na en kur keere na mar Jwøk ni put ree jääp ki kunhnhö mar juurre. 'Ba beege dïbwöthe ki jø kööre na no opöödhö ki tïïc manøgø ni raac enø.»

Edhera 9:2 Iomraidhean Croise

Wïlöölö 6:2

jiy moa näk wäät Jwøk, nyïï jiy møga ajootge ni mïërö, ni ö ŋati man nø ni lwør mana jiere jaak, ni nywømge dëëtge.

1 Nyeye 11:1

'Ba nyeya ma Cølöman acäŋ tïmö ni mëër ka määr wïth juurre møøk mo thööth bäät nyi Peerø, ni beege nyïï jø Möap, ki nyïï jø Amön, ki nyïï jø Ëdöm, ki nyïï jø Caydan, ki nyïï jø Këth,

Edhera 10:2

'Ba Cekaniya wär Jikiël, mo käla ri nyïïkwaac Ilam, aköö jï Edhera, ni «Waani, waana tïïö ki gïn mo raac dëër Jwøk marø, ni beeye mana nywømwa nyïï juurre; 'ba wa na jø Icriel, këël na bëëtwa ki bëëtö manøgø, poot da ŋäädhe kiperwa.

Edhera 9:12

'Ba ennø, kär nyïïu cïpu jï wäätge nee nywømge, ni ba källu nyïïge nee nywømmu jï wäätu, ni ba cädu kiperge ki man jïtge ki bëëtö mo beer ki bëët kwär. Køøre uuno bëëdö nou teek nou cama caammi mo beyø moo jootu yi ŋöömmögø, ni weyu gø jï jøw käl dëëtu na man bëëtge yie na bäre bäre.›

Edhera 9:14

?A ennø, ciik moï cäŋwa ka kaallø, ni nywømwa dëëtwa ki juurre moøgø ni wø tïïö ki gïïögø ni raac eci ki ge yøø? ?A ïïni, ï ba wëër ki waani ni raanynyï wa këël mano tïme ni bäŋ dhaanhø mo dööŋ wala mo bøth?

Neemiya 13:17

'Ba aani jøøa kwörge døøŋŋø mo Juuda ajääla ni kööa jïge, ni «?Uuni, aperŋø ni tïïyu gïn ni raac en, nou tïïya cäŋ jwömö ni ba en kur keere?

Neemiya 13:28

Këël dhaanhø aciel røk wäät Jööda o Kwääy Lam Mana Dwøŋ ma Eliyacip, ena cø nyi Cenbalat nyï Örönaim. Køøre ena riemma.

Bwøth Wøk 19:6

ni tïmu ni uuna dïlämme mo tuuŋ kwär jïra, ni uuna wï jur mo ena kur keere.› Moøgø beege luup moo caanï jï jø Icriel.»

Bwøth Wøk 22:31

«U doo bëëdö ni uuna jiy mo ena kur keerge jïra. Kiper manøgønø, u ba doo cämö ki rïŋö mo kwany no ocam lääy mørri paap; teeŋ rïŋö manøgø dou leeŋa baŋ guu.

Bwøth Wøk 34:16

'Ba ni näk nyïïge you nywømø jï wäätu nee tïmge na määrge, kanyo bëët nyïïge moøgø ni ge tïïö ki gïï mo reyø ni cwïnyge ena køør juu moge, wäätu bwøthge bwødhø ki øtjöörögø ni tïïcge teeŋ tïïc manøgø.

Aydheea 6:13

'Ba këël ni näk mo dööŋŋa dhaanhø aciel ki ra apaar yi ŋöömmögø, poot cäŋa waaŋ; ni tïmge kaamar jaath mo teek kanyo ŋødi piny ni dööŋ gutö mare. 'Ba gutö manøgø beeye noo tïmö na kunhnhö mana näk ena kur keere.»

Ciik Kiper Dïlämme 21:15

kiper nee kunhnhö mare ba tïme ni ba waany røk jø poge, kiper beeye aani na Wuuö Jwøk na cïp eni kur keere.› »

Milkiya 2:11

Jøøa bëëdö yi ŋööm Juuda gena tïïö ka atade, ni tïïge ki gïn mo raac døc yi Icriel ki yi Jerucalem, kiper jøøa bëëdö yi ŋöömmögø, øt lam na en kur keere mar Wuuö Jwøk mana mëëre ki gø apäätge ki køør mana nyöömge ki mään mo wøøra jwøk mør.

Milkiya 2:15

?Aŋø, u kär tïïc Wuuö Jwøki na dëël aciel na jwïëy aciel ki cïïï na bëëde? ?Aperŋø na ö Wuuö Jwøki na tïïc gïnögø? Beeye kiper nou jïtö ko obwöre ma jø Jwøk ma adïëri. Kiper manøgø nø, gwøgu dëëtu, nee bäŋe ŋat mo tïïö ka atade dëër cïïe mana nywøme ni ena wøp.

1 Körin 7:14

Kiper dïcwønna näk patha ojïëy, ocïp kur keere na mar Jwøk ki køør cïïe. Ni ö dhaaŋŋa näk patha ojïëy ni cïbi kur keere na mar Jwøk ki køør cwøre. Onää patha enønø, nyïïu doo tïmö ni ba waany, 'ba kawaane gena tïmö ni ge ena kur keerge na mo Jwøk.

2 Körin 6:14

Kär dëëtu kuupu ki jiy mo kär jïëy. ?Aŋø, bëënynyö ki rääö a dege dwätö na aciel nidïï? ?Wala a tuuŋa ŋø ni en yïthakic tar ki muudhö?

Tiet Ciik 14:2

Kiper uuna jiy mo ena kur keerge jï Wuuö Jwøk na näk Jwøu. 'Ba Wuuö Jwøk uuna jiere kiper nou tïmu ni uuna jiy moa näk thööge dï jiy bëët moa en bäät piny.

Tiet Ciik 7:6

Gïïögø bëët dou tïïö kiper uuna jiy mo ena kur keerge jï Wuuö Jwøk na näk Jwøu. Wuuö Jwøk na näk Jwøu uuna jiere nou tïmu ni uuna thööge dï jiy bëët moa en bäät piny.

Jøcua 22:15

'Ba jøøa jääŋŋi yøø, gena ci yi ŋööm Gelät baŋ jø tuuŋ Ruben, ki jø tuuŋ Gaat, ki thääŋ tuuŋ Maneeca, ni cäänge ki geni ni köge,

Jøcua 23:12

Kiper ni näk mo uuno døø ŋäthu ni göögu røk juurre moøgø no odööŋ yïthakiyu yøø, ni nywømmu dëëtu ki geni, ni dwätu ki ge, ni ö geni ni dwätge ki uuni,