Edhera 9:15 - Wëël Jwøk

¹⁵ Wui Wuuö Jwøk, Jwø Icriel, ïïni, ï beer; kiper waani, waana wec na mo dööŋ ni kwøw, kaawat man bëëde dïcäŋi en. Ennø, raay mowa ena nyïmï; ni bäŋ dhaanhø rewa mo maar cuŋŋö nyïmï ki køør raay mowa.»

Edhera 9:15 Iomraidhean Croise

Edhera 1:4

'Ba kanyo en dhaanh Wuuö Jwøki yie jaak, beerra man ö jø kaace ni kønyge eni ki warkey, ki gwel-bïrö, ki jammi, ki lääc paac; ni mëëtge bäät japøgø ki muuce møøk mo cïpge ka met ec kiper Øt Wuuö Jwøk ni en Jerucalem.› »

Edhera 9:6

ni kööa, «Wui Jwøk, ï na Jwøk mara, aani wïïa laay ki man tïŋa wïïa maal baŋï, ï na Jwøk mara, kiper gïïa bacwa atïmö ni thööth ni kaala wïthwa, ni ö raayi mowa ni thöönhge no okëët maal.

Neemiya 9:8

Ni jootï eni na dhaanhø mo cwïnye ena baŋï, ni tudï ki luubö ki eni ki man cïpï ŋøøm jï jøw käl dëëre, ni beeye ŋööm jø Keenan, ki mar jø Këth, ki mar jø Amör, ki mar jø Përec, ki mar jø Jeebuc, ki mar jø Gërgëca, ni putï luumma caanï wëëk thur kare, kiper marï adïëri.

Jeremaya 12:1

Wui, Wuuö Jwøk, ï bëëdö ni marï adïëri kany wø lööa nyïmï; 'ba ï poot pëënynya pëënynyö kiper ŋøl marï. ?Aŋø, aperŋø ni ö gïï wø tïïc jø raayi ni thurge karge jïge en? ?Na aperŋø ni ö jiyi bëët mo wø tïïö ki gïï mo reyø ki piny ni bëëtge ni bëëtö marge jööt jaak?

Edhikiel 33:10

«'Ba ennø, ï na wär dhaanhø, caanï jï jø Icriel ni man beeye luum wø caannu, u köö, ni ‹Japa reyø na tïïcwa, ki raay mowa, atïmö na tëër bäätwa, ni ränywa ki køørge. ?Waano kwøwa nidïï këët nø?›

Edhikiel 7:16

'Ba moo bøth ki thøø noo reŋi, geno tïmö ni ge bëëdö bäät kïte, ni ge jwöŋö kaamar akuyi yïth aleye, ni ŋati man nø jwøga raay moe.

Daniel 9:14

Kiper manøgønø, ï na Wuuö Jwøk, ï kär dwiil ki man kälï gïna leth bäätwa, kiper ï na Wuuö Jwøk, Jwøk marwa, marï beer ki yïth jammi bëët mo wø tïïyï; 'ba waani dwørï kärwa wïnynyö.

Ciik Kiper Dïlämme 26:40

« ‹'Ba ni näk mo raay moge ki raay mo kwäcge ege købø, ki jöö mana baacge gø ki gø, ni beeye gïïa tïïcge dëëra, ka ageem mana tïïcge dëëra thuwø,

Ciik Kiper Dïlämme 26:41

na tïïcge aani naa gëëma ki geni thuwø, ki man kïtha geni yi ŋööm nyïïmän moge; wala ni näk mo cwïnyge na näk kär daŋø ki man cïpge ge jïra, ege døøc mo mwöl, ni jïëcge gïïa bacge,

Jøøn 8:21

Ni cäŋ Jecu köö jïge, ni «Aano aay, ni cayu aani, 'ba uuno thøw yïth raay mou. Ni kuno cøøa yie, u ba dou maara ö yie.»

Jøøn 8:24

Anø caana jïïu, ni ‹Uuno thøø yïth raay mou.› Kiper ni näk mou ba jïëy ni beeye aani na eni, u thøøa yïth raay mou.»

Wëëlö Mana Göör Pøølli Baŋ Jø Röm 10:3

'Ba na kucge bëënynyö man wø ööi ki baŋ Jwøk ni tïmge ni ge caya man jootge bëënynyö marge keerge, dëëtge kärge cïbö køør bëënynyö man wø cïp Jwøki.

Wëëlö Mana Göör Pøølli Baŋ Jø Röm 3:19

'Ba ŋääø ni gïn mo ocaan ciik Jwøki wø cäänna jøøa bëën ciik Jwøk, kiper nee bäŋe dhaanhø mo jaal dhee këët, nee jø piny bäre ba maarge köö ni mana many Jwøki kucge.

1 Körin 15:17

'Ba ni näk Krictø kär tïŋ maal, ŋäädhe maru bäŋ tiere, nou poot ena yïth raayu.

Jøcua 22:15

'Ba jøøa jääŋŋi yøø, gena ci yi ŋööm Gelät baŋ jø tuuŋ Ruben, ki jø tuuŋ Gaat, ki thääŋ tuuŋ Maneeca, ni cäänge ki geni ni köge,