Edhera 9:12 - Wëël Jwøk

¹² 'Ba ennø, kär nyïïu cïpu jï wäätge nee nywømge, ni ba källu nyïïge nee nywømmu jï wäätu, ni ba cädu kiperge ki man jïtge ki bëëtö mo beer ki bëët kwär. Køøre uuno bëëdö nou teek nou cama caammi mo beyø moo jootu yi ŋöömmögø, ni weyu gø jï jøw käl dëëtu na man bëëtge yie na bäre bäre.›

Edhera 9:12 Iomraidhean Croise

1 Luup Nyeye 28:8

«'Ba ennø, a köömma uuni nyïm jø Icriel bëët, ka acooŋ Wuuö Jwøk, ki nyïm Jwøk marø, gwøgu ciik Wuuö Jwøk eni na Jwøk maru, ni manynyu gø døc, kiper nee ŋøøpi ni beyø ii put bëëtö na mou, ni dööŋe jï wäätu ki jiy mo oööi køøru na bäre bäre.

2 Luup Nyeye 19:2

'Ba Jiyu wär Anani, ŋat wø joot jammi ki køør man wø nyooth Jwøki jïre, aci wøk kuna røømge ki nyeya ma Jøcapat ni kööe jïgø, na «?Aŋø, ï kønya jøøa reyø ni mëërï ki jø wø män ki Wuuö Jwøk, niï käla wëëc Wuuö Jwøk bäätï keerï?

Edhera 9:2

Kiper geni, nyïï juurre møøk akälge ni nywømge ge na mään jïge ki jï wäätge, ni ö kunhnhö marge na en kur keere na mar Jwøk ni put ree jääp ki kunhnhö mar juurre. 'Ba beege dïbwöthe ki jø kööre na no opöödhö ki tïïc manøgø ni raac enø.»

Bwøth Wøk 23:32

Kär dee gïn mo tuutu ki geni wala ki juu moge.

Pwöc Leec Wïc 13:22

Dhaanhø mo beer wø wëëö ki gïï wø dööŋ jï nyïïkwaaye, 'ba jammi mo jø raay wø dööŋ jï jøøa marge beer.

Pwöc Leec Wïc 20:7

Ŋata mare beer ni wø bëëdö ni mare adïëri, obwöre moe ogwïëth ki køøre.

Aydheea 1:19

Ni näk mo u jïëy ni kïthu luumma bäät tïïc, gïïa beyø moo ciek yïth ŋøøm cammu camø;

Tiet Ciik 23:6

'Ba ki yïth nïr kwøw mou bëët, käru cädu kiper jøøgø ki man jïtge ki bëëtö mo beer ki bëët kwär.

Tiet Ciik 23:7

«'Ba käru männö ki ŋat Ëdöm, kiper ena tuuŋu, ni ba männu ki ŋat Ijep, kiper uuna bëëdö ni uuna wëëlle yi ŋööm poge.

Tiet Ciik 7:3

Kär røgu nywømmu ki geni. Kär nyïïu cïpu jïge nee nywøm wäätge, ni ba källu nyïïge nee nywøm wäätu.