Edhera 9:1 - Wëël Jwøk

¹ 'Ba køør gïïögø bëët, dïbwöthe mo jø Icriel aö baŋa ni köge, ni «Jø Icriel, ki dïlämme, ki jø tuuŋ Libay, dëëtge kärge pääŋŋö ki juurre moa bëëdö yi ŋöömmi, mo wø tem gïïa näk ec raac ki ge, ni beege jø Keenan, ki jø Këth, ki jø Përec, ki jø Jeebuc, ki jø Amön, ki jø Möap, ki jø Ijep, ki jø Amör.

Edhera 9:1 Iomraidhean Croise

Wïlöölö 15:16

'Ba nyïïkwaayï oruu paanøgø këël ŋweer beenhnhe, køøre geno duu kany, kiper raay mo jø Amör poot kär këët kanya manynyi ki man raany ge.»

1 Nyeye 11:1

'Ba nyeya ma Cølöman acäŋ tïmö ni mëër ka määr wïth juurre møøk mo thööth bäät nyi Peerø, ni beege nyïï jø Möap, ki nyïï jø Amön, ki nyïï jø Ëdöm, ki nyïï jø Caydan, ki nyïï jø Këth,

2 Luup Nyeye 33:2

'Ba ena bëëdö ni tïïya gïï mo nëëni ni reyø ki jï Wuuö Jwøk, ni caatha køør gïïa näk ec raac ki ge døc na tïïc wïth juurre moa riem Wuuö Jwøki wøk nyïm jø Icriel.

2 Luup Nyeye 8:7

'Ba jiy bëët moa näk patha jø Icriel na bøth ki thøø røk jø Këth, ki røk jø Amör, ki røk jø Përec, ki røk jø Ëwi, ki røk jø Jeebuc,

Edhera 10:2

'Ba Cekaniya wär Jikiël, mo käla ri nyïïkwaac Ilam, aköö jï Edhera, ni «Waani, waana tïïö ki gïn mo raac dëër Jwøk marø, ni beeye mana nywømwa nyïï juurre; 'ba wa na jø Icriel, këël na bëëtwa ki bëëtö manøgø, poot da ŋäädhe kiperwa.

Edhera 10:8

'Ba ŋato ba ööi ki yïth nïne moø na adäk yøø, ki køør luum dïbwöthe ki jø døøŋŋø, eni jape di camø bëët, ni wii eni wøk ki ya acooŋ nyïïkwaac jøøa mak ki tøŋ moa duuö.

Neemiya 13:23

Maya thuwø, ki yïth nïröka, aani, aana jïtö ki jø Juuda mo onyöömmö ki mään mo käla ya Acdöt, ka Amön, ki Möap.

Neemiya 4:3

'Ba kar kaagø Thöbiya nyï Amön ena buut Cenbalat, ni kööe, ni «Kiir manøgø ni geerge enø, këël etha othöö bääte, kïte mo kiir marge manøgø puta øc piny.»

Neemiya 4:7

'Ba kanya ö Cenbalati ki Thöbiya, ka Arabe, ki jø Amön, ki jø Acdöt na wïnyge gø ni kiir mar Jerucalem tïïc mare ki man dwøgi kare cäädhö ni beer, ni kwöra ŋammø onø dïïr, geni, gena put wëër døc.

Neemiya 9:2

Kanyøgø jø Icriel dëëtge akälge wøk ki røk juurre, ni öge maal ni køpge raay moge, ki gïïa reyø na tïïc kwäcge.

Bwøth Wøk 13:5

'Ba kanyo ö Wuuö Jwøki noo kïth uuni yïth ŋøøp jø Keenan, ki jø Këth, ki jø Amör, ki jø Ëwi, ki jø Jeebuc, na kööŋe jï kwäyu kiper nee cïbe jïïu, ni beeye ŋöömma näk caak ki maar kïc päl yie, u doo tïïya tïïc man yi dwääni en.

Bwøth Wøk 23:23

Kiper nyïïatwiel maal mara manøgø ocäädhi maal nyïmmu, ni kïth uuni yïth ŋøøp jø Amör, ki jø Këth, ki jø Përec, ki jø Keenan, ki jø Ëwi, ki jø Jeebuc; ni puta geni raanynyø na bäre.

Bwøth Wøk 33:16

?Aŋø, ni näk miï ba aay ki waani, oŋääi nidïï ni yiï met ki aani ki jøøi na näk jiyï ii, ni waana jiy mo wa ena kur keerwa dï jiy moa en bäät piny bëët?»

Aydheea 52:11

'Ba u ni wø käär jap Wuuö Jwøk na en kur keerge, aayu, aayu, daagu rou kaagø! Kär dee gïn mo gutu mo ba waany! Dønynyu wøk ki yi paanøgø, ni døøyu dëëtu mo waany.

Jeremaya 26:10

'Ba kanya ö jø Juuda moa kwörge døøŋŋø na wïnyge gïïa tägö yøø, gena öö ki paan dwøŋ ni cige Øt Wuuö Jwøk, ni pïge piny kar acooŋa dhi kal mar Øt Wuuö Jwøk mana cwøl ni Dhi Kal Mana Nyään.

Jeremaya 26:16

'Ba jøøa kwörge døøŋŋø ki jiy bëët aköö jï dïlämme ki nyïïkuk Jwøk, ni «Ŋati en mare ba doo ŋøla yi thøø, kiper ena cäänö jïïø ki nyeŋ Wuuö Jwøk, Jwøk marø.»

Ciik Kiper Dïlämme 18:3

Käru tïïö ki gïï wø tïïc yi ŋööm Ijep na bëëdu yie, ni ba tïïyu gïï wø tïïc yi ŋööm Keenan noo kïtha u yie; käru cäädhö køør ciik moge.

Milkiya 2:11

Jøøa bëëdö yi ŋööm Juuda gena tïïö ka atade, ni tïïge ki gïn mo raac døc yi Icriel ki yi Jerucalem, kiper jøøa bëëdö yi ŋöömmögø, øt lam na en kur keere mar Wuuö Jwøk mana mëëre ki gø apäätge ki køør mana nyöömge ki mään mo wøøra jwøk mør.

Kwään Jiy 23:9

Ennø, gena neena naa ena bäät kïdi, ni neena geni naa ena bäät thuur. Ka adïëri møn, gena lwaak mo rege kärge kwaan dëët juurre møga, ni bëëdö ge keerge.

Kwään Jiy 25:6

'Ba kanya pootge dho oduŋkaany røømmø, ni ge kïmmö, ŋat Icriel aciel aput kännö ki nyi jø Midien ni kïth gø yo oduŋkaara mare, ni nëënö jï Modhe ka acooŋ Icriel bäre.

Tiet Ciik 18:9

«'Ba kanyo pïïyu yi ŋöömmo cïp Wuuö Jwøki na näk Jwøu jïïu, u ba doo kwänynyö ki ŋwaal gïï mo Jwøk yie raac ki geni baŋ juurre moo en kaace.

Tiet Ciik 23:8

Nyïïkwaacge moo nywøl ri dää beenhnhe moge dï ŋöömmu, løny jïge ki man dønyge dï acooŋa mar Wuuö Jwøk.

Tiet Ciik 7:1

«'Ba Wuuö Jwøk na näk Jwøu u kïthe yi ŋöömmo cou yie nou lwørru na maru, ni riem wïth juurre mo thööth wøk nyïmmu, ni beege jø Këth ki jø Gërgëca ki jø Amör ki jø Keenan ki jø Përec ki jø Ëwi ki jø Jeebuc, ni beege wïth juurre abïriiø mo thöötha geni ki uuni mo kaala uuni ki teek.

Jøcua 23:12

Kiper ni näk mo uuno døø ŋäthu ni göögu røk juurre moøgø no odööŋ yïthakiyu yøø, ni nywømmu dëëtu ki geni, ni dwätu ki ge, ni ö geni ni dwätge ki uuni,