Edhera 8:21 - Wëël Jwøk

²¹ Kanyøgø kanya enwa bäät naam Awaa, aana cïpö ki dwøl kiper nee jøw ba cämge, nee rewa dwøkwa piny nyïm Jwøk marwa ni wa kwaya eni kiper nee waani ko obwöre mowa ki jammi mowa bëët gwøe waŋjöö.

Edhera 8:21 Iomraidhean Croise

2 Luup Nyeye 20:3

Kanyøgø Jøcapat aput lwäyö, ni løø nyïme baŋ many Wuuö Jwøk; ni gööc piny ka awaaci dï Juuda bäre nee jøw wötge ni bäŋ cam mo bel.

2 Luup Nyeye 20:4

Ni ö jø Juuda ni cooŋge dëëtge kuna manyge køny mar Wuuö Jwøk, ni ge ööi ka yïth päänye bëët moa näk mo Juuda.

Edhera 8:15

'Ba a na Edhera, jøøgø acooŋa kanya ciel bäät naama näk kwöta kanya cwøl na Awaa, ni bëëtwa kaace ki nïne adäk. 'Ba kanya raŋŋa dëët jøøgø døøc ki dëët dïlämme, bäŋ jø tuuŋ Libay mo yaa joodø kaace.

Edhera 8:31

'Ba kanya tïm nïr dwää acielli na apaar kurriiø, waana tïŋŋö bäät Naam Awaa, ni wa døøa Jerucalem. 'Ba cer Jwøk marwa ena bäätwa, ni ö eni ni piem waani cer nyïïmän ki ceŋ jø wø møør piny øtjöö.

Neemiya 9:1

'Ba kanya tïm nïr dwää abïriiø ni pïërariiø ka aŋween, jø Icriel dëëtge acooŋge kanya ciel, ni bëëtge ni ge ba cämö, ni keece ege røø dëëtge na abïïe, ni bäätge ege kunynyö ki tør ni ge jwönna dëëtge.

Acther 4:16

ni «Ciï ni cooŋï jø Juuth bëët moa en Cuca, ni wödu kipera. Ni bëëdu ki nïne adäk, ki wärre ki cääŋŋe moge, nou ba cämö wala maath. 'Ba aani ki jø tïïc 'moa moa näk nyïïakuue wa wödö thuwø kaawat mano tïïyu. Køøre nø, aano ci baŋ nyeya, këël ni näk maa gwäya ciik. Ni näk maa thøw, aano thøw.»

Pwöc Leec Wïc 3:6

Bëëdï niï ŋäya eni ki yïth uutjïëth tïïe moï bëët, køøre eni uutjïëth tïïe moï odøøc mo thïïŋ.

Aydheea 30:21

Kanyo wäru cäädhu nou gaa bäät cwïïc wala bäät caam, dwøl wïnynyu wïnynyö ŋäthu mo köö, ni «Jöö en, cäädhu ki yie.»

Aydheea 35:8

'Ba jöö mo dwøŋ otïmö ni dagø yie, ni cwøli ni «Jöö mo ena kur keere na mar Jwøk.» Ni jiy moa näk ba waany ge ba cäädhi ki yie, këël jøøa jägö na näk wïthge ba leer bäŋgø mo cøra yie. 'Ba bee jøøa marge beer keerge noo cäädhi ki yie.

Aydheea 42:16

Cööye bwødha bwødhø ki waŋjöö mo kucge, ge pieya pieyø ki nyeŋ jïëthe mo kucge. Muudhö tïïa tïïö na tar nyïmge, ni ö kwöra gwalli øtjöö ni tïïa ge ni pøøth. Gïïögøøni beege noo tïïa, ni ge ba wïïa jaak ni kära tïïö.

Aydheea 49:10

Geni, ge ba näk käci ki riew, ni ge ba gut lïëth pinynyi ki kwaac cäŋ. Kiper a na Wuuö Jwøk ni wø cwïnye pädhi ki gïrge bee aani noo bwøth geni, noo nyooth geni baŋ pï jøør.

Aydheea 58:3

Ge köö, na ‹?Aŋø ni wø ba neenï wödö marwa en kany wø kwierwa cam ni marwa wödö? ?Na aŋø ni wø ba raŋï gø en kany wø dwøkwa dëëtwa piny ni wa mwöl?› «'Ba ka adïëri møn, uuni, kany wø wödu, u tïïya man wø manynyu keeru, nou bëëdö ni jø tïïc mou bëët you thiel piny.

Aydheea 58:5

?Aŋø, teeŋ wödö manøgø beeye mana manynya, ni tïme ni beeye cäŋ man ö dhaanhø ni dwøk dëëre piny ni mwöl keere yie? ?Aŋø, beeye ki man ö dhaanhe ni kuul wïïe piny kaamar otöök, ni but piny yïth keece ki yi bur? ?Aŋø, manøgø beeye man wø cwøllu ni wödö, ni beeye cäŋ man wø jïëa, a na Wuuö Jwøk?

Jeremaya 10:23

Wui Wuuö Jwøk, ŋääa ni bëët dhaanhø ba en cere keere, ni patha dhaanhø ki dëëre ni wø neet kwör wø caadhe.

Jeremaya 42:3

Lämï kiper nee Wuuö Jwøk, Jwøk marï, kanyo ciwa yie ki gïno tïïcwa nee nyoodhe jïwa.»

Daniel 9:3

Kanyøgø nyïma aputa løø baŋ Kwäärö Wuuö Jwøk ki lam, naa manynya eni ni mara kwac, naa lämö ki lam wödö ki cam, naa käära keece na abïïe, naa bëëdö yi bur.

Jool 1:14

Uuni, gööyu piny ki cäŋ mo you cïp kur keere mo jiy ba cämö yie, ni cwötu ka acooŋa mo ena kur keere, ni cooŋŋu jø døøŋŋø yi Øt Wuuö Jwøk, Jwøk maru, ki jø wø bëëdö yi paac bëët, ni gööu ko oduuru dëër Wuuö Jwøk.

Ciik Kiper Dïlämme 16:29

«'Ba man tïmö na ciik kiperu mo bëëdö na bäre bäre: kanyo tïm nïr dwää abïriiø na apaar, wäru dëëtu dwøgu piny, nou ba cämö, ni bäŋe tïïc mo tïïyu, nee ŋat Icriel wala wëëllö mo path mo bëëdö dïïu;

Ciik Kiper Dïlämme 16:31

Manøgø tïmö ni beeye cäŋ jwömö mar jwöm dëël jïïu na bäre, ni dëëtu you dwøk piny, nou ba cämö. Ni manøgø tïmö na ciik mo bëëdö na bäre bäre.

Ciik Kiper Dïlämme 23:29

Ni näk mo da dhaanhø mo dëëre ba dwøk piny ni ba kwier cam dïcäŋ manøgø, eni wär put tïmö ni tøør yïthakic tuuŋge.

Joona 3:5

'Ba jø Nineba dwør Jwøk aŋääthge, ni gööcge piny ka awaaci mar wödö, nee ba cämge, ni røøge keece dëëtge na abïïe, ni tägi ka jøøa kwörge døøŋŋø këël jøøa näk kwörge bäŋgø.

Joona 3:7

Ni cïpe ki dwøl dï Nineba mo køp, ni «Man beeye dwøl mana cïp nyeya ki jø kööre moe, «ni ‹Kär dee dhaanhø ki lään paac, teeŋ ka dhäk ki dïëk, mo bïti ki gïrpiny. Kär dee gø mo cämö wala mo mädhö ki pïï.

Kwään Jiy 14:3

?Aperŋø ni ö Wuuö Jwøki ni käl wa yi ŋöömmi en ki man thøøwa dhi tøŋ? Waani, mään mowa ko obwöre mowa di maaø ki tøŋ jaak. ?Aŋø, ba theemma man døøwa Ijep nø?»

Kwään Jiy 14:31

'Ba obwöre mou, moa wäŋŋu ni di maaø ki tøŋ, geno kïtha yi ŋöömmögø, ni jootge ŋöömma kwierru.

Moa Tïïc Nyïïatwieli 2:39

Kiper gïna buuk, buuga jïïu ki nyïïu ki jøøa kwörge bäyö bëët, këël jiy bëët moo cwøl Wuuö Jwøki na näk Jwøø baŋe.»

Pïëmme 20:26

Køøre jø leny mo jø Icriel, këël jiy bëët, gena aa Bëthël ni jwöŋge yie; ni bëëtge kaace nyïm Wuuö Jwøk, ni mänge dëëtge ki cam ki yi cäŋögø bäre këël mana päth cäŋŋi. Ni cïpge jï Wuuö Jwøk ko olämme mo wø waaŋ bäre ko olämme mo wø duunni ki mëër.

1 Camiel 7:6

Kanyøgønø, jiy rege acooŋge Micpa. Ni ö pïïyi ni øømmi ni kønynyi piny nyïm Wuuö Jwøk ni nyootha bääyö marge. Ni ö jiyi ni kweerge ki cam dïcäŋeca, ni putge marge caan kaace, ni köge, ni «Waana bääyö dëër Wuuö Jwøk.» 'Ba Camiel luup jø Icriel aŋøle Micpa.