Edhera 8:1 - Wëël Jwøk

¹ 'Ba moi beege nyeŋ dïbwöthe mo wïth tuŋi, ki nyeŋ kwäcge moa kälge dëëtge, jøøa tïŋŋö Babiløn ni ge cäädhi ka aani na aciel, a na Edhera, ri nïne moa beet Arthëkcic ni ena nyeya.

Edhera 8:1 Iomraidhean Croise

1 Luup Nyeye 24:31

'Ba geni thuwø gena tïïö ki gïï wø tïïc na nyuuthe keda mana tïïc tuuŋge na käl ri Aran, kaawat mana tïïcge gø nyïm nyeya ma Deebit ki Dhadök ka Ayemëlëk ki bwöthe mo dhøk uudi moge, ki dïlämme ki jø tuuŋ Libay. 'Ba dhøk uudi moa døøŋŋø atïïc ni röömi ki dhøk uudi moa therø.

1 Luup Nyeye 26:32

'Ba Jeriya ki jø tuuŋge, jøøa teek na näk tïïc løny jïge na bëëdö na bwöthe mo wïth dhøk uudi, gena tïïc nyeya ma Deebit na kwääri mo wø raŋ bëët jiy bäät jø tuuŋ Ruben, ki bäät jø tuuŋ Gaat, ki bäät thääŋ jø tuuŋ Maneeca, kiper luup bëët mo Jwøk ki mo nyeya; ni kwäänge beege kume ariiø ki dïpe abïriiø.

1 Luup Nyeye 4:33

Atude moge bëët ena deŋ päänye moøgøøni këël mana këët päänya cwøl ni Baal. Moøgøøni beege kwör bëëte moge, ki kanya täk tier tuuŋ marge yie.

1 Luup Nyeye 9:1

'Ba jø Icriel bëët nyeŋge ogöörö ki køør dhøk uudi moge yi Wëël Luup Nyec Icriel. 'Ba jø Juuda gena mak ki tøŋ ni kïth geni yi Babiløn kiper mana tïïge ki raay dëër Jwøk.

1 Luup Nyeye 9:34

Jøøgø bëët beege wïth dhøk uudi mo jø tuuŋ Libay moa bëëdö Jerucalem, ni gena dïbwöthe mo nyeŋge ogöör piny yi Wëël Nyeŋ ki køør dhøk uudi moge.

2 Luup Nyeye 26:12

'Ba kwään dïbwöthe mo dhøk uudi moge moa bëëdö na jø leny moa teek, beege kume ariiø ki dïpe abïciel.

Edhera 1:5

Køøre dïbwöthe mo wïth tuŋi mo tuuŋ Juuda ki mo tuuŋ Benjamen, ki dïlämme, ki jø tuuŋ Libay, ge na yïthge theŋ Jwøki nee cige nee Øt Wuuö Jwøk ni en Jerucalem cäŋge geerrø, rege ajiiŋge kiper wääth.

Edhera 2:2

Ni jøøgø ge cäädhi ka dïbwöthe moge, ni beege Dherubabel, ki Jøcua, ki Neemiya, ki Ceraya, ki Rilaya, ki Mördekay, ki Bilcan, ki Mïcpar, ki Bigway, ki Reum, ki Baanaa. 'Ba moi beege kwään cwøw mo jø Icriel moa öge ki ge:

Edhera 2:3

Nyïïkwaac Paröc beege jiy ma kume ariiø ki dïpa aciel ki pïërabïriiø ka ariiø;

Edhera 2:62

'Ba jøøgø nyeŋ kwäcge amanyge yi wëël nyeŋ, 'ba kiper mana näk mo kär joodø, gena kwaan kaamar jiy mo ba en ri tuuŋ dïlämme, ni män geni ki tïïc mar dïlämme.

Edhera 7:13

«'Ba ennø, aana kän wøk ki dwøl, nee jø Icriel ki dïlämme moge ki jø tuuŋ Libay moa en paara mo yïthge met ki man cige Jerucalem, nee aacge ki ïïni.

Edhera 7:28

ni ö eni na Wuuö Jwøk na meet mëër mare ni wø ba jøøl ni päl bääta nyïm nyeya ki nyïm jø wø køny nyeya ka acaara, ki nyïm jø kööre moe moa teek. 'Ba Wuuö Jwøk, Jwøk mara, aana mooe ki teek ni bëët cere ni ena bääta; ni cooŋa dïbwöthe røk jø Icriel nee aacge ki aani.»

Edhera 7:6

Edhera manøgø atïŋŋö Babiløn ni cøøa Jerucalem. Eni, ena dïpööy, mo ciik Modhe na cïp Wuuö Jwøki, Jwø Icriel, ee kwanyø døc. Køøre nyeya jammi moa many Edhera bëët acïbe jïre, kiper Edhera cer Wuuö Jwøk, Jwøk mare, ena bääte.

Edhera 7:7

'Ba jø møøk røk jø Icriel, ki dïlämme møøk, ki jø dhi øt Libay møøk, ki jø møøk røk jø wø wär ki dudi Øt Jwøk, ki jø møøk røk jø wø koor dhøk kal mar Øt Jwøk, ki jø møøk røk jø wø tïïc tïïe moa therø Øt Jwøk, gena ci Jerucalem ki Edhera na aciel kanya tïme na ri bïriet cwiiri moa beet Arthëkcic ni ena nyeya.

Edhera 8:2

Ki ri nyïïkwaac Piniac, beeye Gërcöm; ki ri nyïïkwaac Itamer, beeye Daniel; ki ri nyïïkwaac nyeya ma Deebit, beeye Atuc nyikwaar Cekaniya;