Edhera 7:6 - Wëël Jwøk

⁶ Edhera manøgø atïŋŋö Babiløn ni cøøa Jerucalem. Eni, ena dïpööy, mo ciik Modhe na cïp Wuuö Jwøki, Jwø Icriel, ee kwanyø døc. Køøre nyeya jammi moa many Edhera bëët acïbe jïre, kiper Edhera cer Wuuö Jwøk, Jwøk mare, ena bääte.

Edhera 7:6 Iomraidhean Croise

Wïlöölö 32:28

Ni kö ŋatøgø, ni «Nyeŋŋï ba cwøl ni Jeekap këët, 'ba ocwøl ni Icriel, kiper ïïna ŋäbö ki Jwøk ni ŋäbï ki jiy thuwø, ni tïme ni käädhö ïïni.»

Edhera 5:5

'Ba Jwøk mar jø Juuth waŋe atïmö ni ena bäät jø døøŋŋø mo jø Juuth, ni ö jøøgø ni kärge øtø mänö ki geer këël mana jääkge baŋ Dariöc ki dwøl, nee dee wëëlö mo duuö mo cäänö kaper ødøgø.

Edhera 6:22

Ni wøørge Ajwöma Mar Møga Näk Ree Bäŋ Thømmø ki nïne abïriiø ni yïthge met, kiper yïthge anø døøc Wuuö Jwøki mo met, ni nø løø cwïny nyeny Aciria baŋge, nee dëëtge tïïe nee nigereem ki man tïïcge tïïe mo Øt Jwøk, Jwø Icriel.

Edhera 7:21

«'Ba aani, a na nyeya ma Arthëkcic en, dwøl man cïba jï jø wø kan gwel moa bëëdö paac mana cwøl ni Løø Naam Løøga beeye en: Uuni, gïno many dïlämi ma Edhera baŋu, eni na dïpööy mar ciik Jwø maal, wär cïp jïre na kare,

Edhera 7:28

ni ö eni na Wuuö Jwøk na meet mëër mare ni wø ba jøøl ni päl bääta nyïm nyeya ki nyïm jø wø køny nyeya ka acaara, ki nyïm jø kööre moe moa teek. 'Ba Wuuö Jwøk, Jwøk mara, aana mooe ki teek ni bëët cere ni ena bääta; ni cooŋa dïbwöthe røk jø Icriel nee aacge ki aani.»

Edhera 7:5

Buki wär Abicua, Abicua o Piniac, Piniac wär Eliedhar, Eliedhar wär Aran, ni bee eni na dïlämi mana dïkwøŋ na dwøŋ.

Edhera 7:9

Kiper ena tïŋŋö Babiløn ni nïr dwääy mana dïkwøŋ aciel, ni pïïe Jerucalem ni nïr dwää abïïc aciel, kiper cer Jwøk mare na beer ena bääte.

Edhera 8:1

'Ba moi beege nyeŋ dïbwöthe mo wïth tuŋi, ki nyeŋ kwäcge moa kälge dëëtge, jøøa tïŋŋö Babiløn ni ge cäädhi ka aani na aciel, a na Edhera, ri nïne moa beet Arthëkcic ni ena nyeya.

Edhera 8:18

'Ba kiper mana bëët cer Jwøki marwa na beer bäätwa, jøøgø akän baŋwa ki dhaanhø mo wïïe leer mo cwøl ni Cërëbiya, mo käla ri nyïïkwaac Maali nyikwaar Libay wär Icriel, ni eni ööi ka wääte ki tuuŋge, ni kwäänge bëët beege jiy apaar ka abära.

Edhera 8:22

Kiper aani wïïa laay ki man kwaa nyeya nee cïpe ki dëëci ki jø leny mo wø cäädhi ki bäät okwëënyi nee wa gwøkge øtjöö cer nyïïmän, kiper waano nø köö jï nyeya, ni «Cer Jwøk marwa ena bäät jiy bëët mo wø many eni; 'ba teek mare ki wëër mare nyoodhe nyoodhø bäät jiy bëët mo wø wec eni.»

Edhera 8:31

'Ba kanya tïm nïr dwää acielli na apaar kurriiø, waana tïŋŋö bäät Naam Awaa, ni wa døøa Jerucalem. 'Ba cer Jwøk marwa ena bäätwa, ni ö eni ni piem waani cer nyïïmän ki ceŋ jø wø møør piny øtjöö.

Neemiya 12:26

'Ba jøøgø bëët beege jiy moa tïïö yïth nïra beet Jöyakimmi o Jøcua nyikwaar Jöcëdëk ni ena Kwääy Lam Mana Dwøŋ, ki yïth nïra beet Neemiya ni ena kwäärö mar paac, ki yïth nïra beet dïlämi ma Edhera, eni na dïpööy mar ciik Jwøk.

Neemiya 12:36

ki jø wø tïï Dhekaraya ki geni ciel, ni beeye Cemaya, ka Adharël, ki Milëlay, ki Gilëlay, ki Maay, ki Natanel, ki Juuda, ka Anani, ni geni ceŋge da teeŋ jammi mo wø wär dudi ki geni ki køør mana caan dhaanh Jwøki ma Deebit. Ni ö Edhera, eni na dïpööy mar ciik Jwøk, ni cäädhe nyïmge.

Neemiya 2:12

aana ö maal ki wäär, aani ki jiy mo nøk. Ni aani, gïna näk onø cïp Jwøki mara cwïnya nee tïïa kiper Jerucalem bäŋ ŋat mo yaa gø caanø jïre. 'Ba kanyøgø bäŋ lääy mo wø cäädhö ki bäätge mo nut, 'ba beeye mana cäädha ki bääte keere na nut.

Neemiya 2:18

Køøre aani jöö mana bëët Jwøki mara ni cere na beer ena bääta acaana jïge, ki luup nyeya moa caane jïra. Ni putge köö, ni «Beerra man ööø maal ni tägø ki geer.» Køøre gena put tägö ki man kïthge ceŋge ri tïïögø na beer.

Neemiya 2:8

Aani, a wär göönni thuwø ki wëëlö nee cïba jï Acaap, ŋat wø koor lul mar nyeya, kiper nee eni cïpe jïra ki jenni mo dhøgi mo kiir mo kar gwøk røk na en buut Øt Jwøk, ki jenni mo kiir mar pääny, ki jenni mo øtø mano bëëda yie.» 'Ba nyeya gïïa pëënynya acïbe jïra, kiper Jwøk mara cere na beer ena bääta.

Neemiya 4:15

'Ba kanya ö nyïïmänni mowa na wïnyge gø 'ni gïna tuutge oløny ni ŋäcwa, na acaara marge onø raany Jwøki ni kär thur kare, wa bëët, waana put døø ri tïï kiir, ni ŋati man nø tïïya kuna näk kure.

Neemiya 8:1

'Ba kanya ö dwää abïriiø na tääi, ni jø Icriel onø pï piny yïth päänye moge, geni ge bëët rege acooŋge kanya ciel kar acooŋa kanya leer nyïm dhi kiir man wø cwøl ni Dhi Kiir Pïï, ni ge bëëdö kaamar dhaanhø aciel. Køøre geni, acaange jï Edhera, eni na dïpööy mar ciik Jwøk, nee wëël ciik na cïp Wuuö Jwøki jï jø Icriel ki ri Modhe käl wøk.

Neemiya 8:13

'Ba kanya tïme na ri riet nïr dwää abïriiø, dïbwöthe mo wïth tuŋi mo jiy bëët ki dïlämme ki jø tuuŋ Libay, rege acooŋge kanya ciel buut Edhera eni na dïpööy mar ciik Jwøk, kiper nee ïthge cekge døøc ki luup moa en yi wëël ciik Jwøk.

Neemiya 8:4

'Ba kar kaagø Edhera, eni na dïpööy mar ciik Jwøk, cuŋŋa bäät jenni maal mo otieŋø mo ogeer jiyi nee eni cuŋŋe bääte kiper acooŋa manøgø. 'Ba jøøa kwörge døøŋŋø moa cuŋŋö bäät cwïïe beege Matitiya, ki Cema, ka Anaya, ki Uria, ki Kilkiya, ki Maycëya; ni jøøa kwörge døøŋŋø moa cuŋŋö bäät caame beege Pedaya, ki Micaël, ki Malkiya, ka Acum, ki Acbedana, ki Dhekaraya, ki Meculam.

Neemiya 8:9

Kanyøgø Neemiya, ŋata bëëdö na kwäärö mar paac, ki dïlämi ma Edhera, eni na dïpööy mar ciik Jwøk, ki jø tuuŋ Libay, jøøa caan tiet ciik Jwøk jï jiy, gena köö jï jiy bëët, ni «Dïcäŋ man en atïmö ni ena kur keere na mar Wuuö Jwøk, Jwøk maru; uuni, käru jwöŋö ni ba kïmmu.» Kiper jiy bëët gena bëëdö ni ge jwöŋö kanya wïnyge luup moa en yi wëël ciik Jwøk.

Neemiya 9:13

«Ïïni, ïïna ö piny bäät Kïn Caynay ni cäänï ki jiyï niï ena maal, ni cïpï luup ŋøl moï na thïïŋ jïge, ki ciik moï na näk adïëri, ki pwöc moï ki gïïa cemï na beyø.

Dut Pwøc 45:1

Pwöc Leec Wïc 3:6

Bëëdï niï ŋäya eni ki yïth uutjïëth tïïe moï bëët, køøre eni uutjïëth tïïe moï odøøc mo thïïŋ.

Aydheea 50:2

?Aperŋø ni tïme ni kede bäŋ dhaanhø kanya ööa? ?Ni kanya cwöta, aperŋø ni tïme ni bäŋ dhaanhø mo ojïëy? ?Aŋø, you caarø ni bada ciek ki man cool kwöri mou, ni bäŋ teek jïra ki man käla uuni wøk ki yïth japa leth? Raŋŋu, aani naama dwøŋ taala taalø ki køør mano köömma gø ki dhaa; ni tïïa näm na dïtëën, ni ö reci moa en yïthge ni thøwge ki riew, ni ŋwääge no okwäk kiper bäŋ pïï.

Aydheea 59:1

Ka adïëri møn, cer Wuuö Jwøk ba ciek ki man kunye, eni wïnyö ni patha miiŋ;

Jeremaya 8:8

« ‹?Aŋø, u kööu nidïï ni wïthu leer, ni ciik Wuuö Jwøk nut jïïu? Kiper ennø, luup moa göör jø wø caan tiet ciik Jwøk, ciik awiilge ni tïïcge gø na luum tööt.

Mathiew 13:52

Ni kööe jïge, «Kiper manøgønø, dïpööye mo ciik Jwøk bëët moa no opwönynyö kiper buya käl maal caala wää paaci mo wø käla gïï mo nyärö ki gïï mo oruuö wøk ki yi kar kän mare ni nyooth ge jï jiy.»

Mathiew 23:2

ni «Dïpööye mo ciik Jwøk ki jø Paricith geno dööŋ kar Modhe ni ge pöö.

Mathiew 28:20

Ni pwönynyu geni ki man gwøkge gïïa caana jïïu bëët. 'Ba aani, aano en buutu cooth këël kanyo ŋuut pinynyi yie.»

1 Körin 1:20

?Age ŋata wïïe leer? ?Na age ŋata näk dïpööy mar ciik Jwøk? ?Age ŋata ŋäc pïëm ki luup yi pinyi en? ?Aŋø, Jwøk leec wïc mar jø piny käre tïïö na luum bøøl?

1 Körin 15:1

'Ba kawaane, nyïïmera, a para wïthu ki luumma nyään na met na køba jïïu, na jïëyu, ni cuŋŋu ree,

Tiet Ciik 28:1

«'Ba ni näk mo dwør Wuuö Jwøk na näk Jwøu leŋŋu leŋø, ni gwøgu ciik moe mo köömma uuni ki ge dïcäŋi en, ni kïthu ge bäät tïïc, Wuuö Jwøk na näk Jwøu u tïïe tïïö nou ena maal wïth juurre bëët mo bäät piny.

Tiet Ciik 4:5

«Ennø, uuna pwönynya ki ciik ki luup ŋøl kaawat mana ö Wuuö Jwøki na näk Jwøa na kööm aani, kiper nee geni kïthu bäät tïïc yi ŋöömö mano cou yie noo lwørru na maru.