Edhera 7:27 - Wëël Jwøk

²⁷ 'Ba Edhera aköö, ni «Pwøc en jï Wuuö Jwøk, Jwø kwäcwa, na cïp luummögø cwïny nyeya, nee Øt Wuuö Jwøk ni en Jerucalem jïte ka ajiem,

Edhera 7:27 Iomraidhean Croise

2 Luup Nyeye 31:8

'Ba kanya ö Edhekaya ki kwääri moa en tiere na jootge athwöe mo jammi moøgø, Wuuö Jwøk apwøcge ki jiye ma jø Icriel.

Edhera 6:22

Ni wøørge Ajwöma Mar Møga Näk Ree Bäŋ Thømmø ki nïne abïriiø ni yïthge met, kiper yïthge anø døøc Wuuö Jwøki mo met, ni nø løø cwïny nyeny Aciria baŋge, nee dëëtge tïïe nee nigereem ki man tïïcge tïïe mo Øt Jwøk, Jwø Icriel.

Neemiya 2:12

aana ö maal ki wäär, aani ki jiy mo nøk. Ni aani, gïna näk onø cïp Jwøki mara cwïnya nee tïïa kiper Jerucalem bäŋ ŋat mo yaa gø caanø jïre. 'Ba kanyøgø bäŋ lääy mo wø cäädhö ki bäätge mo nut, 'ba beeye mana cäädha ki bääte keere na nut.

Neemiya 2:8

Aani, a wär göönni thuwø ki wëëlö nee cïba jï Acaap, ŋat wø koor lul mar nyeya, kiper nee eni cïpe jïra ki jenni mo dhøgi mo kiir mo kar gwøk røk na en buut Øt Jwøk, ki jenni mo kiir mar pääny, ki jenni mo øtø mano bëëda yie.» 'Ba nyeya gïïa pëënynya acïbe jïra, kiper Jwøk mara cere na beer ena bääta.

Neemiya 7:5

'Ba Jwøk mara gïnögø akïth cwïnya nee jøøa kwörge døøŋŋø, ki jø kööre, ki jiy bëët cooŋa kanya ciel, nee nyeŋge göör piny ki køør wïth tuŋi moge. Køøre aani wëëlö ajooda, ni beeye wëëlö mana näk nyeŋ jøøa kwøŋ duu Jerucalem ogöör piny yie, ni luubö mana jooda no ogöör piny yie bee en:

Bwøth Wøk 8:9

Ni kö Modhe jï Peerø, ni «Kanyo manynyï ki man kwaa Jwøk yie wär caanï jïra, kiper nee Wuuö Jwøk kwaa kiperï ki jø kööre moï ki jiyï, kiper nee ogwäle tïmge ni bäŋgø dïïu ki yïth uudi mou, nee tïme ni dööŋŋa yi naam keere.»

Pwöc Leec Wïc 21:1

Acaare mo wø en cwïny nyeya ena cer Wuuö Jwøk, ni løny jï Wuuö Jwøk ki man bwøth geni ni caala man wø bwøth pïï ki jöörge.

Aydheea 60:13

Ajiem mar Lur Libaanø di kälö jïrï, ni beege teeŋ jenni moa perge leth, nee øt lam mara nee tïïc ni mïërö ki ge, ni wëëga kar bëët tieta jiem.

Luk 7:5

kiper eni mëër ki pøø ni øt acooŋ lam marø geera eni.»

2 Körin 8:16

'Ba pwøc en jï Jwøk, na løø cwïny Tayta baŋu ni mëëye ki uuni døc kaamara.

Pilipay 4:10

'Ba yia amïnnö døc ki ri Wuuö, kiper kawaane wïthu acäŋu caarrø cään, ni kønynyu aani. Kiper aana lääŋŋu møn, 'ba atïmö ni bäŋ jöö jïïu.

Ibaru 10:16

ni «Wuuö Jwøk aköö, ni ‹Man beeye luubö mano tuuda ki geni køør nïrögøøni, Ciik 'moa okïtha cwïnyge, ni gööra ge wïthge.› »

Ibaru 8:10

Ni cäŋ Wuuö Jwøki köö, ni «Man beeye luubö mano tuuda ki tuuŋ Icriel køør nïrögøøni. Ciik 'moa okïtha wïthge, ni gööra ge cwïnyge, ni tïma ni aana Jwøk marge, ni tïmge na jiya;

Jeemeth 1:17

'Ba muuce bëët moa näk othur karge wø ööi ki maal ni öge piny ki baŋ Wuuö na näk wää tarri ni wø ba dak, ni ba caal tïpö ni wø dääŋi.

Mana Nyooth 17:17

Kiper gïnögø okïth Jwøki cwïnyge, nee mana manynye tïïcge ki køør mana näk cwïnyge aciel, ki mana wëëkge teek nyec marge Läänögø, këël mano ö luup Jwøki noo thurge karge.