Edhera 6:9 - Wëël Jwøk

⁹ 'Ba jammi bëët moo manynyi, ni beege nyïï rwädhe, ki nyöök rööm, ki nyïï rööm moo cïp no olämme mo wø waaŋ bäre jï Jwø maal, ki beel, ka acäbö, ki køøŋø, ki maar rööny, moo many dïlämme moa en Jerucalem, wär cïp jïge ki yïth nïne bëët ni ba kääŋi,

Edhera 6:9 Iomraidhean Croise

1 Luup Nyeye 9:29

'Ba jø møøk tïïc marge beeye man gwøkge jammi moa en Øt Jwøk, ki muunni, ki køøŋ nyïïomøki, ki mädhi, ki teeŋ gïï wø jïcge ŋwääi ni met.

Edhera 6:10

nee tïme ni ge cïpa olämme mo yi Jwø maal met ki ge, nee ge lämge kiper kwøw mara, a na nyeya, ki wääta.

Edhera 6:8

«'Ba aani, dwøl man cïba kiper gïno tïïyu jï jø døøŋŋø mo jø Juuth moøgø moo cäŋ Øt Jwøk manøgø geerrø beeye en: Gwel bëët moo tïïc Øt Jwøk ki ge wär tïme ni coolla jï jø døøŋŋø moøgø, nee tïïc ba cuŋŋe, ni käl wøk ka ri gwet akwöma moa jwäk baŋ jø wø bëëdö paac mana cwøl ni Løø Naam Løøga.

Aydheea 49:23

Nyeye otïmö na wëëe moo piith uuni, ni tïm gwaae moge na mëëe moo dhwøth uuni. Geni, cøŋge këëlge piny nyïmmu ni kuulge wïthge piny, ni täärnyïmge okëët piny yïth ŋøøm, ni naaŋge tør mana en tietu; ni putu gø ŋäc ni bee aani na Wuuö Jwøk; ni jiy mo wø bëëdö ni ŋäätha aani, wïthge ba lääy.

Ciik Kiper Dïlämme 1:10

« ‹'Ba ni näk mo olämi mar ŋatøgø käla røk rööm wala røk atëëe, no olämi man wø waaŋ bäre, wär tïme ni cïbe na nywøk mo bäŋ gïn mo ogwäyö dëëre.

Ciik Kiper Dïlämme 9:2

ni kööe jï Aran, ni «Lwön dëërï ki nyirøøa ma rwaath no olämi mar wëën raay, ki nywø røømmø no olämi man wø waaŋ bäre, ni geni karge riet bäŋ gïn mo ogwäyö dëëtge, ni cïpï geni no olämi nyïm Wuuö Jwøk.

Maak 9:49

Kiper jiy bëët otïmö ni law ki maac.