Edhera 6:8 - Wëël Jwøk

⁸ «'Ba aani, dwøl man cïba kiper gïno tïïyu jï jø døøŋŋø mo jø Juuth moøgø moo cäŋ Øt Jwøk manøgø geerrø beeye en: Gwel bëët moo tïïc Øt Jwøk ki ge wär tïme ni coolla jï jø døøŋŋø moøgø, nee tïïc ba cuŋŋe, ni käl wøk ka ri gwet akwöma moa jwäk baŋ jø wø bëëdö paac mana cwøl ni Løø Naam Løøga.

Edhera 6:8 Iomraidhean Croise

Edhera 4:16

Ennø, wa caana gø jïrï, ï na nyeya en, nee ŋäyï ni ni näk mo pääny man ocäŋ geerrø, ni ö kiirri mare ni thume ki geer, gïno tägi, ï puta tïmö ni bäŋ kurï yi paac mana cwøl ni Løø Naam Upareeti Løøga.»

Edhera 4:23

'Ba kanya ö wëëlö mar nyeya ma Arthëkcic na kwaani jï Reum, ki Cimcay ŋat wø göör luup akwöma piny, ki jø wø tïïge ki geni na aciel, gena put ci Jerucalem baŋ jø Juuth, ni mänge geni ki teek mar jø leny nee pääny ba geerge.

Edhera 5:5

'Ba Jwøk mar jø Juuth waŋe atïmö ni ena bäät jø døøŋŋø mo jø Juuth, ni ö jøøgø ni kärge øtø mänö ki geer këël mana jääkge baŋ Dariöc ki dwøl, nee dee wëëlö mo duuö mo cäänö kaper ødøgø.

Edhera 6:14

Kanyøgø jø døøŋŋø mo jø Juuth geer marge aput thur kare ki køør dwør Jwøk mana køp nyikuŋ Jwøki ma Agëë ki nyikuŋ Jwøk ma Dhekaraya nyikwaar Idö. 'Ba øtø athöörge ki geer ki køør dwør Jwø Icriel, ki dööt nyec Parca, ni beeye Kiröc ki Dariöc ki Arthëkcic.

Edhera 6:4

Ni geer ka kïte mo døøŋŋø, ni kany wø cäämmö ki kïte ma tëëŋŋe adäk, bäät gø di pëënhnhö ko opämi. 'Ba gwel moo geer øtø ki ge tïme ni käl wøk ka ri gwet nyeya.

Edhera 6:7

Wiiu tïï Øt Jwøk kare, nee kwääc tïïc ki jø døøŋŋø mo jø Juuth nee Øt Jwøk cäŋge geer wï gø.

Edhera 6:9

'Ba jammi bëët moo manynyi, ni beege nyïï rwädhe, ki nyöök rööm, ki nyïï rööm moo cïp no olämme mo wø waaŋ bäre jï Jwø maal, ki beel, ka acäbö, ki køøŋø, ki maar rööny, moo many dïlämme moa en Jerucalem, wär cïp jïge ki yïth nïne bëët ni ba kääŋi,

Edhera 7:14

Aani ki jiy moi na abïriiø ii ni wø køny aani ka acaara, ï jääŋwa kaper nee bëët jiy moa en Jerucalem ki moa en dï Juuda bäre neenï ki køør ciik mo Jwøk marï, moø en cerï yøø,

Neemiya 11:23

Kiper geni ni wø wär ki dudi Øt Jwøk, geno kööm nyeye ki man bëëtge ni ge tïïya tïïc marge cooth ki yïth nïne bëët.

Neemiya 2:8

Aani, a wär göönni thuwø ki wëëlö nee cïba jï Acaap, ŋat wø koor lul mar nyeya, kiper nee eni cïpe jïra ki jenni mo dhøgi mo kiir mo kar gwøk røk na en buut Øt Jwøk, ki jenni mo kiir mar pääny, ki jenni mo øtø mano bëëda yie.» 'Ba nyeya gïïa pëënynya acïbe jïra, kiper Jwøk mara cere na beer ena bääta.

Daniel 6:26

«Ennø, aana kän wøk ki ciik: Jiy bëët moa en ya akwöm nyec mara bëëtge ni ge lwäära Jwø Daniel ni dëëtge kwanynyi nyïme.» «Kiper beeye Jwøa kwøw ni wø bëëdö na bäre bäre, ni buc nyec mare beeye man wø bëëdö ni ba ränynyi, ni teek mare bëëdö na bäre bäre.

Agëë 2:8

Kiper gwet-bïrö beege 'moa, ni warkey beege 'moa thuwø, a na Wuuö Jwøk, na en wïth jammi bëët.