Edhera 6:5 - Wëël Jwøk

⁵ Ni ö jap paac moa no otïïö ki warkey ki gwel-bïrö, na näk mo Øt Jwøk, ni dwøgi ni kïthi kwöra bëëtge yïthge Øt Jwøk Jerucalem, nee tïme ni ge bëëdö Øt Jwøk, ni beege jap paac moa no okäl Nabukedenecörri wøk ki Øt Jwøk Jerucalem, ni kïth ge Babiløn.›

Edhera 6:5 Iomraidhean Croise

2 Nyeye 24:13

Ni ö nyeny Babilønni ni käl jammi moa perge leth bëët kaace moa no okanø yi Øt Wuuö Jwøk, ki moa no okanø yi øt nyeya, ni ŋør jap paac bëët moa näk tïïc ka warkey na tïïc Cølömanni nyeny Icriel yi Øt Wuuö Jwøk. 'Ba gïïögø atägö kaawat mana caan Wuuö Jwøki.

2 Luup Nyeye 36:10

'Ba kanya tïme ni piny arïïa, nyeya ma Nabukedenecör aöönnö ki jiy ni käl Jöakin ki jammi moa perge leth mo Øt Wuuö Jwøk ni kïth ge baŋe Babiløn, ni tïïc Cëdëkiya cöök wää Jöakinni na nyeya bäät Juuda ki Jerucalem.

2 Luup Nyeye 36:18

Ni ö jammi bëët mo Øt Wuuö Jwøk, ni beege jammi moa døøŋŋø ki moa therø, ki jammi moa perge leth mo Øt Wuuö Jwøk, ki jammi moa perge leth mo nyeya ki jø kööre moe, ni käli ya nyenynyøgø bëët ni kïth ge Babiløn.

Edhera 5:14

Eni thuwø jap paac moa no otïïö ki warkey ki gwel-bïrö na näk mo Øt Jwøk na no 'okäl Nabukedenecörri wøk ki yi Øt Jwøk Jerucalem, ni kïth ge øt jwøe Babiløn, japøgø alwør nyeya ma Kiröc øt jwø Nabukedenecör na en Babiløn, ni cïp ge jï dhaanhø mo cwøl ni Cëëcabacar mo ee røønyø na kwääc tïïc.

Jeremaya 27:16

Køøre aana cäänö thuwø ki dïlämme ki jøøi ii bëët, ni kööa, ni «Luumma caan Wuuö Jwøki beeye en, ena köö, ni ‹Kär luup nyïïkuk Jwøk mou mo wø køp luup ki wïthge wïnynyu, jø wø cäänö ki uuni, ni «Neennu, jap Øt Wuuö Jwøk laar ka duuö kany mo cään ki Babiløn.» Geni, ge køpa luup tööt jïïu.

Jeremaya 52:19

'Ba kwääy jø koor, jammi moa näk tïïc ka warkey mo tøŋ ki gwel-bïrö mo tøŋ 'akäle, ni beege cäänne, ka athääe mo wø käär mäc ki geni, ki kuure, ki dhiithe, ki gïï wø cïp lambae bäätge, ka apät, kö ogubääye mo wø thii køøŋø piny ki geni.

Daniel 1:2

'Ba Kwäärö Wuuö Jwøk Jeyöakëm nyeny Juuda acïp cer Nabukedenecör ki jap Øt Jwøk møøk, ni ö Nabukedenecörri ni kïth geni yi ŋööm Cinaar yi øt jwøe, ni kïth jap Øt Jwøk kar kän yi øt jwøe.

Daniel 5:2

'Ba Belthacör kanya bel køøŋ nyïïomøki, ena put cïpö ki dwøl nee athääk warkie ka athääk gwel-bïrö øømmi moa käl wänni wøk ma Nabukedenecör ki yi Øt Jwøk mana en Jerucalem, kiper nee eni na nyeya, ki jø kööre moe, ki määre, ko omëërri moe nee mäthge ki ge.