Edhera 6:3 - Wëël Jwøk

³ «Kanya tïme na cwiir mana dïkwøŋ mana beet Kiröci nyeny Parca Babiløn, eni na Kiröc ena cïpö ki dwøl ni kööe, ni ‹Øt Jwøk man ni en Jerucalem en, beerra man cäŋi geerrø na kany wø cïp olämme yie; ni caam tiere ni teek, ni tïïc bär mare mar maal na gööye ma pïërabïciel, ni tïïc dööŋ yie na gööye ma pïërabïciel.

Edhera 6:3 Iomraidhean Croise

2 Luup Nyeye 2:3

Køøre Cølöman ajäägö ki dwøl baŋ Kiram nyeny Tayar ni kööe, ni «Kaawat mana wara tïïyï jï wära ma Deebit niï jäägö jïre ki jenni moa perge leth na mo geer øtø ki ge man bëëde yie, tïïyï jïra thuwø.

2 Luup Nyeye 2:6

?'Ba aŋa ni løny jïre ki man gëëde ki øtø jï Wuuö Jwøk? Kiper maal këël maal kunece, Jwøk ba røm yie. ?A aani, aana ŋa nø, no ogëëdö ki øtø jïgø, ni näk mo patha man waaŋ gïn wø jïye ŋwääi ni met keere nyïme?

2 Luup Nyeye 36:22

'Ba kanya tïme na yi cwiir mana dïkwøŋ mana beet Kiröci nyeny Parca yi Babiløn, Wuuö Jwøk, kiper nee luubö mana caane ki dhi nyikuŋ Jwøk ma Jeremaya thur kare, eni yi Kiröc nyeny Parca atheŋe nee jääk dï paac mare bäre ki dwøl, ni dwøl manøgø thuwø, ogöör piny na ennønø:

Edhera 1:1

'Ba na tïme na yi cwiir mana dïkwøŋ mana beet Kiröci nyeny Parca yi Babiløn, Wuuö Jwøk kiper nee luubö mana caane ki dhi nyikuŋ Jwøk ma Jeremaya thur kare, eni yi Kiröc nyeny Parca atheŋe, nee jääk dï paac mare bäre ki dwøl, ni dwøl manøgø thuwø, ogöör piny na ennønø:

Edhera 1:2

ni «Man beeye dwør Kiröc nyeny Parca, ena köö, ni ‹Wuuö Jwøk, Jwø maal, mïëri moa en bäät piny bëët anø cïbe jïra, ni nø tïïc aani nee eni gëënna ki øtø yi Jerucalem, na en Juuda.

Edhera 3:7

Køøre gena cïpö ki gwel jï jø wø ŋäc geer ki kïte, ki jï dïjëëth opämi; ni cïpge ki cam, ki jap wø maath, ki maaw jï jø Caydan ki jï jø Tayar, kiper nee ge känge ki jenni moa perge leth ki yi lur Libaanø ni kälge geni Jøpa ki yi naama dwøŋ, ki køør mana ö Kiröci nyeny Parca ni cïp gø jïge ni ŋutge ki jen.

Edhera 6:14

Kanyøgø jø døøŋŋø mo jø Juuth geer marge aput thur kare ki køør dwør Jwøk mana køp nyikuŋ Jwøki ma Agëë ki nyikuŋ Jwøk ma Dhekaraya nyikwaar Idö. 'Ba øtø athöörge ki geer ki køør dwør Jwø Icriel, ki dööt nyec Parca, ni beeye Kiröc ki Dariöc ki Arthëkcic.

Mana Nyooth 21:16

'Ba paanøgø tuge aŋween. Ni bäye ki yie röömi. Ni røm paanøgø ka athønynye ni jïte ki kiïlömethërri ma kume ariiø ki dïpe aŋween. 'Ba bäye, ki yie, ki gääŋe röömi.