Edhera 6:16 - Wëël Jwøk

¹⁶ Kanyøgø jø Icriel, ni beege dïlämme, ki jø tuuŋ Libay, ki jiy møga moa mak ki tøŋ moa duuö, Øt Jwøk manøgø acïpge kur keere na mar Jwøk ni yïthge met.

Edhera 6:16 Iomraidhean Croise

1 Nyeye 8:62

Kanyøgønø, nyeya ma Cølöman ki jø Icriel bëët moa en buute, gena put cïpö ko olämme nyïm Wuuö Jwøk.

1 Nyeye 8:63

Ni ö Cølömanni ni cïpe ko olämme mo wø duunni ki mëër jï Wuuö Jwøk, no olämme moa cïbe beege dhäk ma kume ma pïërariiø kurriiø, ki dïëk ma kume ma dïpa ki pïërariiø; ni ö nyeya ki jø Icriel bëët ni putge Øt Wuuö Jwøk cïp kur keere na mar Jwøk.

1 Luup Nyeye 15:28

Kanyøgø jø Icriel bëët acanduk man wø nyooth luumma tuut Wuuö Jwøki ki jiy aputge kälö ni ge kwöŋŋö ki met ec, ni ge kudhö ki tuk lääy, ki tuŋi moa näk tïïc ka nywïënyö, na athaliiŋŋi moo jwöŋi ni döötge ena maal tuuŋge tuuŋŋö, ni ge pöödö ki wïth thøme ma teeŋi.

1 Luup Nyeye 9:2

'Ba jøøa kwøŋ duuö na duu yïth mïëri moge ki yïth päänye moge beege dïlämme, ki jø tuuŋ Libay, ki jiy mo wø tïïc tïïe moa therø yi Øt Jwøk, ki jø Icriel møøk.

2 Luup Nyeye 29:30

'Ba nyeya ma Edhekaya ki kwääri moa en tiere jø tuuŋ Libay aköömge thuwø nee wärge ni ge pwøya Wuuö Jwøk ki dut Deebit ka Acaap, ni beeye Acaap ŋata wara joot jammi ki køør man wø nyooth Jwøki jïre. Ni ö jøøgøøni ni wärge ki dut pwøc jï Wuuö Jwøk ki met ec, ni këëlge cøŋge piny ni wøørge Wuuö Jwøk.

2 Luup Nyeye 30:23

Køøre jø acooŋa bëët gena jïëy ki man cäŋge ajwöma manøgø wøørrø ki nïne abïriiø møøk. Ni putge gø wøør ki nïne abïriiø moøgø ki met ec mo dwøŋ.

2 Luup Nyeye 30:26

'Ba met ec mo dwøŋ atägö Jerucalem, kiper poot bäŋ gïn mo otägö mo caala teeŋ man yi Jerucalem køør nïne moa beet Cølömanni o Deebit nyeny Icriel.

2 Luup Nyeye 7:5

Nyeya ma Cølöman acïpö ko olämme mo dhäk ma kume ma pïërariiø kurriiø, ki dïëk ma kume ma dïpa ki pïërariiø; ni ö nyeya ki jiy bëët ni putge Øt Jwøk cïp kur keere na mar Jwøk.

Edhera 4:1

'Ba kanya ö jøøa män ki jø Juuda ki jø Benjamen na wïnyge gø ni jø Juuda ki jø Benjamen, moa no omaa ki tøŋ na duuö, ge gëëdö ki øtø jï Wuuö Jwøk, Jwø Icriel,

Edhera 6:22

Ni wøørge Ajwöma Mar Møga Näk Ree Bäŋ Thømmø ki nïne abïriiø ni yïthge met, kiper yïthge anø døøc Wuuö Jwøki mo met, ni nø løø cwïny nyeny Aciria baŋge, nee dëëtge tïïe nee nigereem ki man tïïcge tïïe mo Øt Jwøk, Jwø Icriel.

Neemiya 12:27

'Ba kanya tïme na cäŋa cïp kiir mar Jerucalem kur keere yie na mar Jwøk, jø tuuŋ Libay amanynyi yïth kwöra bëëtge yïthge bëët, ni käl geni Jerucalem nee cäŋ manøgø mana cïp kiir yie kur keere na mar Jwøk wøørge ki met ec, ki dudi mo dwøk met ec, ki dudi mo wär ka athiliiŋŋi, ki mo pwöt ki thøme ki thøp-othïënhö.

Neemiya 12:43

'Ba dïcäŋögø jiy acïpö ko olämme mo thööth døc, ni bëëtge ni yïthge met kiper Jwøk acïpö jïge ki met ec mo dwøŋ; ni ö määnni ko obwöre ni mïn yïthge. Ni ö dwør mïn eci mana tägö Jerucalem ni put wïnyö kany mo bäär.

Neemiya 7:73

'Ba kar kaagø dïlämme, ki jø tuuŋ Libay, ki jø wø koor dhøk kal mar Øt Jwøk, ki jø wø wär ki dudi Øt Jwøk, ki jiy møga, ki jø wø tïïö yi Øt Jwøk, ki jø Icriel bëët, gena pï piny yïth päänye moge.

Neemiya 8:10

Ni kö Neemiya jïge, ni «Uuni, cou ni cammu cam mana met døc, ni maathu køøŋø mana met døc, ni cïpu thäkge møøk jï jøøa näk bäŋgø jïge mo ege jiiŋŋø; kiper dïcäŋ man en atïmö ni ena kur keere na mar Wuuö Jwøk ma Kwäärö marø. Uuni, käru kïmmö, kiper met ec mar Wuuö Jwøk beeye teek maru.»

Dut Pwøc 122:1

Daniel 5:13

Kanyøgø Daniel aput kïth nyïm nyeya, ni ö nyeya ni cääne ki gø ni kööe, ni «?Beeye ï Daniel na en røk jøøa mak ki tøŋ Juuda, na käl wära ma nyeya ki yi Juuda?

Jøøn 10:22

'Ba kar kanyøgøøni beeye nïr ajwöma yi Jerucalem, ni beeye ajwöm par wïc kiper kanya cïp Øt Jwøk Mana Dwøŋ kur keere.

Tiet Ciik 12:7

'Ba kaace ŋati man nø dëëtu ki jø paare ge doo cämö nyïm Wuuö Jwøk na näk Jwøu, ni mïn yïthu ki køør tïïe mou bëët moa ö Wuuö Jwøki na näk Jwøu na gwïëth uuni ki ge.

Pilipay 4:4

Yïthu mïnge ki ri Wuuö cooth, naa cäŋa gø caannø jïïu, ni yïthu mïnge.