Edhera 6:15 - Wëël Jwøk

¹⁵ 'Ba Øt Jwøk manøgø athum ki geer ni nïr dwääy adäk, ni beeye dwääna cwøl na Adar, ri bïcier cwiiri moa beet nyeya ma Dariöc bäät nyec.

Edhera 6:15 Iomraidhean Croise

1 Nyeye 8:63

Ni ö Cølömanni ni cïpe ko olämme mo wø duunni ki mëër jï Wuuö Jwøk, no olämme moa cïbe beege dhäk ma kume ma pïërariiø kurriiø, ki dïëk ma kume ma dïpa ki pïërariiø; ni ö nyeya ki jø Icriel bëët ni putge Øt Wuuö Jwøk cïp kur keere na mar Jwøk.

Edhera 4:24

'Ba tïïc mar geer Øt Jwøk na en Jerucalem acuŋŋö, ni bëëde no ocuŋŋö këël mana pïïe ri riet cwiiri moa beet Dariöci ni ena nyeya Parca.

Edhera 5:16

Køøre Cëëcabacar aöö ni täk tier Øt Jwøk ki caam ki kïte yi Jerucalem; 'ba ki mana täge kar kaaca nø këël ennø, øtø bëëdö ni di geerø, ni poot kär thum ki geer en.›

Edhera 9:9

Kiper waana laaŋe; 'ba këël na bëëtwa yi laŋ, ï na Jwøk marwa, wa kärï wiiø. Mëër marï ni wø ba jøøl anyoothï jïwa ni nëënö jï nyec Parca, ni cäŋï wa mooyø ki kwøw mo nyään, nee øtø marï, ï na Jwøk marwa, cäŋwa geerrø ni dwøkwa kwöra no oränynyö karge, ni mooyï wa ki kany bëëtwa yie ni waano gwøø, ni beeye Jerucalem ki dï Juuda bäre.

Acther 3:13

Weeli moøgø ajääŋŋi tiet mïëri bëët moa näk mo nyeya ki ceŋ jiy mo rwäänhnhö, ni caana gø ni kanyo tïm nïr dwää apaar kurriiø man wø cwøl na Adar na apaar kurdäk, yi cäŋ manø na aciel enø, jø Juuth bëët moa näk wøpe, ki jäle, ka apoole ko obwöre, wär raanynyi, ni 'näk geni, ni dïïr wïthge bëët, ni japge put ka twier.

Acther 3:7

'Ba kanya tïm cwiic nyeya ma Ayacewëëröc na apaar kurriiø bäät nyec, ri dwääy mana dïkwøŋ man wø cwøl ni Nican, gïn mo cwøl ni pur, mo caala thöör war, aleeŋge nyïm Amaan, nee cäŋ mano raany jø Juuth yie ki dwääy manøca nyoodhe. Ni päth bäät dwää apaar kurriiø man wø cwøl na Adar.

Acther 8:12

ni gïnögø put ka tïïc yi cäŋ manø na aciel enø yïth mïëri bëët mo nyeya ma Ayacewëëröc, kanyo tïm nïr dwää apaar kurriiø na apaar kurdäk, dwääno cwøl na Adar.

Acther 9:1

'Ba kanya tïme na dwää apaar kurriiø, dwääy mana cwøl na Adar, ni nïre apaar kurdäk, na näk beeye cäŋ mana ö awaaci mana caan nyeya na dee thur kare yie, ni beeye cäŋ mana ŋääth nyïïmän jø Juuthi nee jø Juuth dïïmge yie, cäŋ manøgø ree aput wiil ni tïme na cäŋ mana ö jø Juuthi ki dëëtge ni dïïmge jøøa män ki geni yie.

Acther 9:15

'Ba kanya tïm dwääy mana cwøl na Adar ni nïre apaar kurŋween, jø Juuth moa en pääny Cuca dëëtge adwalge ni nääge ki cwøw ma dïpe adäk yi Cuca. 'Ba bäŋ twëër mo ege tïïö.

Acther 9:17

Gïïögø atïïc ni dwääy man wø cwøl na Adar nïre apaar kurdäk. 'Ba na tïm nïr dwäänögø na apaar kurŋween dëëtge ajwömge, ni tïïcge cäŋ manøgø na cäŋ ajwöma, ni beeye cäŋ met ec.

Acther 9:19

Kiper manøgønø, jø Juuth mo wø bëëdö yïth atude moa en wøk, dwääy man wø cwøl na Adar kany wø tïm nïre na apaar kurŋween wøørge wøørø cooth na cäŋ mar met ec, ni beeye cäŋ ajwöma, man cïpge ki muuce mo caammi jï nyïïawäätge.

Acther 9:21

Ni caana gø jïge ni kany wø näk yi cwiir cooth, kanyo tïm dwääy man wø cwøl na Adar, ki mano täge ni nïre apaar kurŋween këël apaar kurbïïc, cääŋŋe moøgø doo wøørø;

Dhekaraya 1:1

'Ba kanya bëët Dariöc ni ena nyeya Parca, kanya tïme na ri riet cwiiri moe bäät nyec ki dwää abära, dwør Wuuö Jwøk aö bäät nyikuŋ Jwøk ma Dhekaraya wär Berekiya, nyikwaar Idö.

Dhekaraya 1:16

Kiper manøgønø, luumma caan Wuuö Jwøki bee en, ena köö, ni ‹Aani a duua Jerucalem ni bäth ec mara yaa nyoodhø jïre; ni ö øtø mara ni cäŋi geerrø yie, ni ö Jerucalemmi ni cäŋi geerrø bäre.› » Luummögø caana Wuuö Jwøki, eni na wïth jammi bëët.

Dhekaraya 4:9

ni «Ceŋ mo Dherubabel tier Øt Jwøk man na nø tääe en ki tïïc, oput thöör. Køøre putu ka ŋäc ni bee Wuuö Jwøk, eni na wïth jammi bëët, na jääŋ aani baŋu.