Edhera 6:14 - Wëël Jwøk

¹⁴ Kanyøgø jø døøŋŋø mo jø Juuth geer marge aput thur kare ki køør dwør Jwøk mana køp nyikuŋ Jwøki ma Agëë ki nyikuŋ Jwøk ma Dhekaraya nyikwaar Idö. 'Ba øtø athöörge ki geer ki køør dwør Jwø Icriel, ki dööt nyec Parca, ni beeye Kiröc ki Dariöc ki Arthëkcic.

Edhera 6:14 Iomraidhean Croise

Edhera 3:8

'Ba kanya tïme na ri riet cwiiri mana öge kanya en wï Øt Jwøki yie yi Jerucalem, ri dwää ariiø, Dherubabel o Celatiyal ki Jøcua wär Jöcëdëk, ki jø poge møga, ni beege dïlämme, ki jø tuuŋ Libay, ki jiy bëët moa mak ki tøŋ na duu Jerucalem, gena tägö ki man tïïcge Øt Jwøk; ni kwany jø tuuŋ Libay ni gena jø raŋ tïï Øt Wuuö Jwøk, ki mana täge ki ŋat mo cwiiye pïërariiø këël kunece.

Edhera 4:24

'Ba tïïc mar geer Øt Jwøk na en Jerucalem acuŋŋö, ni bëëde no ocuŋŋö këël mana pïïe ri riet cwiiri moa beet Dariöci ni ena nyeya Parca.

Edhera 4:3

'Ba Dherubabel, ki Jøcua, ki dïbwöthe mo wïth tuŋi mo jø Icriel gena köö jïge, ni «Bäŋ gïn mo ø rööpa ree ki uuni ki gø ri geer øtø jï Jwøk marwa; 'ba wa ki dëëtwa keerwa wa gëëdö ki øtø jï Wuuö Jwøk, Jwø Icriel, kaawat mana ö Kiröci nyeny Parca na nø kööm waani.»

Edhera 5:1

'Ba kar kaaca, nyikuŋ Jwøk ma Agëë ki nyikuŋ Jwøk ma Dhekaraya nyikwaar Idö dwør Jwøk akøpge jï jø Juuth moa en Jerucalem ki dï Juuda bäre, ki nyeŋ Jwø Icriel na bëënge.

Edhera 5:13

« ‹'Ba kanya tïme na cwiir mana dïkwøŋ mana ö Kiröci na tïme na nyeny Babiløn yie, eni na nyeya ma Kiröc ena cïpö ki dwøl nee Øt Jwøk man cäŋ geerrø.

Edhera 5:2

Køøre Dherubabel o Celatiyal ki Jøcua wär Jöcëdëk gena ö maal ni täkge ki man cäŋge Øt Jwøk geerrø Jerucalem; ni ö nyïïkuk Jwøki moøgø ni bëëtge ni køønynya geni ka acaare.

Edhera 6:3

«Kanya tïme na cwiir mana dïkwøŋ mana beet Kiröci nyeny Parca Babiløn, eni na Kiröc ena cïpö ki dwøl ni kööe, ni ‹Øt Jwøk man ni en Jerucalem en, beerra man cäŋi geerrø na kany wø cïp olämme yie; ni caam tiere ni teek, ni tïïc bär mare mar maal na gööye ma pïërabïciel, ni tïïc dööŋ yie na gööye ma pïërabïciel.

Edhera 6:8

«'Ba aani, dwøl man cïba kiper gïno tïïyu jï jø døøŋŋø mo jø Juuth moøgø moo cäŋ Øt Jwøk manøgø geerrø beeye en: Gwel bëët moo tïïc Øt Jwøk ki ge wär tïme ni coolla jï jø døøŋŋø moøgø, nee tïïc ba cuŋŋe, ni käl wøk ka ri gwet akwöma moa jwäk baŋ jø wø bëëdö paac mana cwøl ni Løø Naam Løøga.

Edhera 7:1

'Ba ki køør cwiiri mo thööth, kanya bëët Arthëkcic ni ena nyeny Parca, da dhaanhø mo cwøl ni Edhera, Edhera o Ceraya, Ceraya wär Adhariya, Adhariya o Kilkiya,

Edhera 9:9

Kiper waana laaŋe; 'ba këël na bëëtwa yi laŋ, ï na Jwøk marwa, wa kärï wiiø. Mëër marï ni wø ba jøøl anyoothï jïwa ni nëënö jï nyec Parca, ni cäŋï wa mooyø ki kwøw mo nyään, nee øtø marï, ï na Jwøk marwa, cäŋwa geerrø ni dwøkwa kwöra no oränynyö karge, ni mooyï wa ki kany bëëtwa yie ni waano gwøø, ni beeye Jerucalem ki dï Juuda bäre.

Neemiya 6:15

'Ba kiir bäre athum ki geer ki nïne ma pïërabïïc kurriiø, ni nïr dwää abïciel ni wø cwøl ni Ëlul pïërariiø ka abïïc.

Aydheea 44:28

Bee aani ni wø cäänö kiper nyeya ma Kiröc, ni kööa, ni ‹Ena dïkwääy mo tïnynya aani! Gïï wø manynya bëët tïïe tïïö.› Ni ö Kiröci ni caan luum Jerucalem ni kööe, ni ‹Pääny manøgø di geerø,› ni caan luum øtø mar Jwøk ni kööe, ni ‹Tierï mano geer ïïni bääte di caamø.› »

Agëë 1:1

'Ba kanya tïm cwiic Dariöc na ariiø bäät nyec, ni nïr dwää abïciel aciel, dwør Wuuö Jwøk aö bäät nyikuŋ Jwøk ma Agëë kiper Dherubabel o Celatiyal na bëëdö na kwäärö mar akwöm Juuda, ki Jøcua wär Jöcëdëk na näk Kwääy Lam Mana Dwøŋ.

Agëë 1:8

Ethu maal bäät kïte, ni ŋudu ki jenni ni kälu ge piny, ni geerru øtø mara; køøre nø, yia omïnni ki gø, ni jiem a ki køøre.

Dhekaraya 1:1

'Ba kanya bëët Dariöc ni ena nyeya Parca, kanya tïme na ri riet cwiiri moe bäät nyec ki dwää abära, dwør Wuuö Jwøk aö bäät nyikuŋ Jwøk ma Dhekaraya wär Berekiya, nyikwaar Idö.

Dhekaraya 1:16

Kiper manøgønø, luumma caan Wuuö Jwøki bee en, ena köö, ni ‹Aani a duua Jerucalem ni bäth ec mara yaa nyoodhø jïre; ni ö øtø mara ni cäŋi geerrø yie, ni ö Jerucalemmi ni cäŋi geerrø bäre.› » Luummögø caana Wuuö Jwøki, eni na wïth jammi bëët.

Dhekaraya 4:9

ni «Ceŋ mo Dherubabel tier Øt Jwøk man na nø tääe en ki tïïc, oput thöör. Køøre putu ka ŋäc ni bee Wuuö Jwøk, eni na wïth jammi bëët, na jääŋ aani baŋu.

Dhekaraya 8:9

Wuuö Jwøk, eni na wïth jammi bëët, aköö, ni «U ni wø wïny luup moi ennø dhøk nyïïkuk 'moa ki mana täge ki kanya cak tier Øt Jwøk ki geer, ni beeye øtø mara, a na Wuuö Jwøk na en wïth jammi bëët, magu dëëtu ki tïïc nee Øt Jwøk geer.