Edhera 6:12 - Wëël Jwøk

¹² Beerra man ö Jwøki, eni na tïïc nyeŋŋe nee bëëde ni ŋäc kaace, ni raany ŋat ma nyeya wala wï jur mo päära gø ki man wiil dwøl man, nee Øt Jwøk manø en Jerucalem enø raanynye. «Beeye aani ni Dariöc en na cïp dwøl man. Beerra man kïthi bäät tïïc ki kare bäre.»

Edhera 6:12 Iomraidhean Croise

1 Nyeye 9:3

Ni kö Wuuö Jwøki jïre, ni «Lam marï ki kwac mana kwayï aani ki gø awïnynya; 'ba Øt Jwøk mana geerï enø, anø cïba kur keere na mara, naa tïïya nyeŋŋa nee bëëde ni ŋäc kaace na bäre bäre, ni bëëda naa raŋŋa øtø manøgø cooth ki cwïnya bäre.

2 Luup Nyeye 7:16

Kiper ennø, øtø man yaa jierø ni nø cïba gø kur keere na mara nee nyeŋŋa bëëde ree na bäre bäre, naa raŋŋa gø cooth ni cwïnya ena baŋe.

Edhera 6:13

'Ba Tatenay ŋat köör mana dwøŋ mar paac mana cwøl ni Løø Naam Løøga, ki Cetar-Bödhnay, ki jø wø tïïge ki geni na aciel, dwøl mana cem nyeya ma Dariöc akïthge bäät tïïc ki kare bäre.

Edhera 6:14

Kanyøgø jø døøŋŋø mo jø Juuth geer marge aput thur kare ki køør dwør Jwøk mana køp nyikuŋ Jwøki ma Agëë ki nyikuŋ Jwøk ma Dhekaraya nyikwaar Idö. 'Ba øtø athöörge ki geer ki køør dwør Jwø Icriel, ki dööt nyec Parca, ni beeye Kiröc ki Dariöc ki Arthëkcic.

Edhera 7:15

nee warkey ki gwel-bïrö kälï, mana cïba ki met ec, wa ki jø wø køny aani ka acaara, jï Jwø Icriel ni wø bëëdö Jerucalem.

Edhera 7:17

'Ba gwel moøgø, ni beege warkey ki gwel-bïrö, ŋeewï ŋeeø na kare ki rwädhe, ki nyöök rööm, ki nyïï rööm, ki beel ki køøŋ nyïïomøki mo wø cïp na aciel ki lääy moøgø; ni cïpï geni bäät gïn wø cïp olämme bääte mar Øt Jwøk, Jwøk maru, ni en Jerucalem.

Edhera 7:26

'Ba ŋato ba gwøk ciik mo Jwøk marï, ki ciik 'moa, a na nyeya, eni di jäälö ka ajäla ma kare, nee ŋøla thøø bääte, wala eni di riemmø paac, wala jape di camø, wala eni di twöö.»

Acther 8:14

Kar kanyøgø jøøa jääŋŋi gena put aay ni ge rwäänhnhö ki køør dwør nyeya, ni aacge wøk ni ge cäädhi ka bäät okwëënyi mo lääy mo wø rïïŋi døc, moa näk opiidhø po nyeya. 'Ba awaaci manøgø ogøø piny thuwø yi pääny Cuca paan dwøŋ.

Bwøth Wøk 20:24

« ‹Wäru tïïu jïra ki gïn wø cïp olämme bääte mo tïïc ko odhöönh, ni cïpu bääte ko olämme mo wø waaŋ ko olämme mo wø duunni ki mëër, ni cïpu røk rööm mou ki rwädhe mou. Ki yïth kwöro wäŋŋa bëët ni wïc di parø ki aani, aani, a ööa baŋu kaaca ni gwïëdha uuni.

Luup Dïpööy 9:10

Gïn wäro magï ki cerï ki man tïïyï gø put tïïc ki cwïnyï bäre; kiper bäŋ acaare, wala kwänynyö wala leec wïc ki tïïc mo di tïïö këët kar bëët jwïëc jøøa no othøw noo ciï yie.

Aydheea 60:12

'Ba wï jur ki buc nyec mano ba tïny ïïni, ge ränynyö; wïth juurre moo ba tïny ïïni wïthge dïdö na bäre.

Obadiya 1:10

Kiper gïna leth na tïïyu dëët nyïïmëëgu ma nyïïkwaac Jeekap, otïmö ni käla lään wïc bäätu, ni raany uuni na bäre bäre.

Moa Tïïc Nyïïatwieli 9:5

Ni kööe, ni «?Ïïna ŋa, Kwäärö?» Ni duu gø, ni «Aana Jecu ni gëëmï ki gøøni enø.

Tiet Ciik 12:11

'Ba kaace, kanyo jier Wuuö Jwøki na näk Jwøu noo caa ri nyeŋŋe, gïï köömma uuni ki ge bëët wär kïthu yie, ni beege olämme mou mo wø waaŋ bäre, ko olämme møøk, ki paac wïth jammi mou, ki muuce mou ma teeŋi, ko olämme moa no ojierø ni beyø ge mo wø cïpu jï Wuuö Jwøk ki køør kööŋ.

Tiet Ciik 12:5

'Ba u doo cøøa kuna wøørru Wuuö Jwøk na näk Jwøu kanyo jiere noo caa ri nyeŋŋe nee tïme na kar bëëtö mare røk kwöro bëët wïth tuŋi mou yïthge.

Tiet Ciik 16:2

'Ba kanyo wøørru cäŋ Cäŋa Pööth Thøøe Yie, wäru lwötu røk dïëk mou ki dhäk mou, ni cou ni ŋaru ge no olämme jï Wuuö Jwøk na näk Jwøu kanyo jiere noo caa ri nyeŋŋe.